أيهما افضل WEB DESIGN or IT ؟؟؟

[prof2013]

ايهما افضل في مدى توفر فرصة عمل سواء هنا في مصر أو الخليج او اوروبا او امريكا أو حتى على النت
??? web design or it
انا خلصت html و css ولسه هبدأ في الجافا سكريبت
يلا كله يجااااااوب

[Karim Alaa]

Web Developer و اكيد هتتعلم معاه شويه ديزين لانك مش هتشتغل من غيره

[Secret-Man]

IT ده Career مش شغلانه ولا كورس

يعنى الويب دايزين هو برضه IT

[مُصْطٓفٓى]

ايهما افضل في مدى توفر فرصة عمل سواء هنا في مصر أو الخليج او اوروبا او امريكا أو حتى على النت
??? web design or it
انا خلصت html و css ولسه هبدأ في الجافا سكريبت
يلا كله يجااااااوب

تصميم المواقع مش مجرد html & css & javascript
تصميم المواقع مجال يتسع لتخصصات كثيرة جدا وخصوصا في السنوات الاخيرة الماضية
html & css & javascript
html 5
css 3
jquery
برمجة php
برمجة على فريم وورك
تعديل على برمجيات جاهزة
تصميم استايلات لبرمجيات جاهزة
برمجة اضافات للبرمجيات
برمجة برامج لقطاعات مثل المدارس
تصميم جرافيك لموقع
ادارة سيرفر
وغيرها من التخصصات
في بداية الامر وقبل 15 عام وأكثر كان بإمكانك تصميم مواقع بدون هذه التقنيات بالإضافة لخبرة بسيطة في برامج الجرافيك وخبرة بسيطة في اختيار مستضيف لموقعك
الآن الأمر أكبر من ذلك بكثير والمجال اتسع ليضم الكثير من الخبرات المتنوعة
قد تجد بعض مصممي المواقع لديه كم كبير من هذه الخبرات
وقد تجد بعضهم محترف في تقنية واحدة او اثنين

إذا كنت تريد أن تصمم مواقع للشركات في مصر أو خارج مصر
فيجب أن تلم بالعديد بأساسيات كثيرة أو أن تقوم بعمل فريق كل فرد فيه مختص في جزء ما

أما إذا كنت تريد أن تتخصص في تقنية واحدة
فبإمكانك أن تجد فرص جيدة على الإنترنت
يطلب فيها العملاء برمجة شئ صغير أو كبير فإذا وجدت نفسك تستطيع القيام به
فبإمكانك أن تقدم عرض بسعر مقبول ويتم عرضه على العميل ليختار العمل الشخص الذي سينهي طلبه
موقع freelancer مثال لهذه المواقع التي من الممكن ان تشترك بها

لذلك انصحك اذا كنت تريد التخصص في مجال تصميم المواقع
فلتتخصص في مجموعة من التقنيات المتقاربة ومداومة البحث عن كل جديد في هذه التقنيات
وتجارب المبرمجين في هذه التقنيات التي تخصصت بها

مثل هذه التقنيات
html &css & javascript ده ارضية اساسية لمجال تصميم المواقع ككل
ثم تخصص في html 5 & css 3 & jquery

ملحوظة اخيرة
مجال تصميم المواقع مجال متشابك
يعني من الممكن ان يطلب منك احد العملاء تطوير لـ css الخاص بموقعه
فتجد نفسك مضطر للتعامل مع البرمجة الموجودة على موقعه
والتعامل مع الـ ftp الخاص بموقعه

ربنا يوفقك

[أبو آسر]

الويب ديزاين فرع من فروع الاي تي
IT اختصار information technology يعني تكنولوجيا المعلومات ودي مجالات كتير جدا من ضمنها تصميم المواقع

[prof2013]

ما انا عارف الفرق بينهم بس اقصد هل البرمجه افضل من ادارة الشبكات والسيرفرات ولا العكس

[أبو آسر]

لو احترفت أي مجال من مجالات الآي تي وبرعت فيه وتخصصت في حاجة معينة هتلاقي فرص كتير إن شاء الله سواء كان برمجة أو ديزاين أو شبكات أو سيرفرات ... إلخ
أهم شيء تركز في حاجة معينة ومتشتتش نفسك وتبقى عايز تتعلم كل حاجة وتخطف من كل فرع حتة وتجري كده مش هتنفع في ولا حاجة

[ganash]

متتعلمش الحاجه علشان مثلا فلوسها اكتر او مطلوبه اكتر كل مجالات it مطلوبه المهم انك تحب حاجه وتبدع فيها ساعتها الشغل هيجيلك لغيه عندك

[Secret-Man]

واضح انك مشتت جدا حاول تقرا عن المجالات قرايه عامه فى كل مجال وخد قرارك بناء على ميولك الشخصى وحبك للموضوع واوعى تفكر تاخد الموضوع مجرد شغلانه او هتقبض كذا او حد يملى دماغك بالكلام ده صدقنى هتفشل فشل زريع فكر فى الى تحبه وتبدع فيه علشان تنجح والشركات ساعتها هتدور عليك Inbound Self Market

[4fun14]

لو ليك خلفية ف البرمجة كويس وحابب الموضوع دووس
لو لا جرب كورسات ال database adminstration
ده اسهل حاجه واكتر فلوس بس عيبه انه مسئولية كبيرة لان الغلطه منه بتعك ع الكل ومبتتصلحش,لان هو اللى بيصلح اخطاء غيره

[إنسانة]

لو ليك خلفية ف البرمجة كويس وحابب الموضوع دووس
لو لا جرب كورسات ال database adminstration
ده اسهل حاجه واكتر فلوس بس عيبه انه مسئولية كبيرة لان الغلطه منه بتعك ع الكل ومبتتصلحش,لان هو اللى بيصلح اخطاء غيره

دا بعد مايتقن لغة الاس كيو ال سيرفر او اوركال دي بتبقى وظيفة وكل حاجة بتتصلح

استاذ بروف انا من وجهة نظري الشغل الحقيقي في الخليج في الشركات القوية شغل Networking يليه Oracle Developer يليه Web Application و Windows Application

لو هتشتغل web design يبقى تفتح شركة من خلال النت وتجتهد في الإعلان عنها وهي الشركات دي المسيطرة على السوق يعني ممكن تشتغل فيها وانت في مصر

عايزة أنبهك لملاحظة المصريين دايما بيفوتوها ودا بيأثر كتير على تقييمهم
شكل السي في وطريقة عرض نفسك
سيبك من الطريقة التقليدية في عرض السي في
لو سوقت لنفسك كويس في السي في هتزيد فرص قبولك و هيزيد مرتبك ضعف لو انت افضل بس ماسوقتش لنفسك كويس
هحاول احط شكل السي في اللي اي شركة مش بتعديه بدون اهتمام و اللي بيكون مؤثر جدا بالذات في الشركات الكبيرة في الخليج -السعودية على وجه الخصوص

[tkamal]

عايز تبدا فعلا فى مجال IT
ابدا من حيث انتهى الاخرين
Mobile Applications

[إنسانة]

عدنا
هوضح اللي كنت بقصده بشكل السي في وهنا بقصد خصوصا سي في المبرمج "أياً كان مجاله"
نصيحة مهمة لا تعرض إلا سي في يليق بمبرمج ودي أول خطوة لترتيب أفكارك حتى وإنت في طور التدريب
كتابة السي في بطريقة التقييم لكفائتك هتعرفك جوانب كتير للتطوير أو هتوجهك لمجالات مختلفة
خد فكرة كدا عن السي في المبتكر . إقرأ السي في مش بس تشوف التصميم

Infographic cv

اعمل السي في من الآن وسيبه مفتوح لتحديثه ولا تنسى السي دي اللي هتعرض فيه شغلك "دا هيحفزك تطور نفسك وتتعرف على شغل غيرك"
ودا لازم يبقى ملحق مع السي في بتاعك "متبعتش سي في بدون شغلك" ولازم يكون السي دي كمان شكله الخارجي مصمم بإحترافية
"كتابة الموقع بتاعك مش هيغنيك عن ارسال السي دي" ... لو هتقدم عن طريق الايميل الوضع بيختلف
ولو بحثت عن "Infographic cv" او " infographic resume " هتاخد أفكار كتير جدا عن شكل الطريقة اللي ممكن تعرض بيها شغلك

موقع أنصحك بيه خد فكرة عن المجالات قبل ماتدخلها

AGC Academy

وبالتوفيق

[ashrafakl]

هو الافضل انك تختار مجال انت بتحبه وبتشتغله وانت مستمتع ده حيكون الطريق الحقيقي لنجاحك في المستقبل
بالنسبة للوب المستقبل الافضل فيه من وجهه نظري في
Web application and mobile application
الادوات الي تحتاج تتعلمها كويس حتكون

Html5
Css 3
Javascript
Jquery
Javascript framework : backbone or canjs
Nodejs
Cordova or phonegap for building mobile application using html5 and javascript

[prof2013]

شكرا جزيلا لردود الاخوة
انا هركز بس في الويب ديزاين واترك باقي المجالات لحين اشعار اخر