عايزين ظباط من الصين..

[battoot]

بسم الله الرحمن الرحيم

سمعتو اخر نكته ؟

--

بيقولك مرة ظابط شرطة راكب عربيته وماشي عكس في اسكندرية ..
قام لقى قدامه تاكسي بتاع راجل كبير في السن بيشتغل عليه وخبطه في بعض

--

هتقولي فين النكته؟!

--

هقولك الظابط بدل ما ينزل يعتذر للراجل , او بلاش يعتذر عشان كرامة الباشا عزيزة عليه
بدل ما ينزل يحل الموضوع من غير مشاكل
قام مطلع كلبش من العربية وكلبش سواق التاكسي " الراجل الكبير"
والناس اتلمت وقعدو يتحايلو على معالي الباشا ابو كتافه انه يفك الراجل ويحاولو يقنعوه ان هو غلطان
يقوم ياخد نفس من السجارة ويسحب على صدره ويطلعه بكل بهجة ولا كأن في حد بيكلمه
ولا كأن في حاجة حصلت اصلا !!
وناس كبيره في السن يتحايلو عليه يفك الراجل , وللأسف الباشا مخدش تربية بكفاية عشان حتى يقدر ان في راجل اكبر منه بيكلمه

نكتة سخيفة ها ؟ بس بالنسبة لحضرت الظابط لطيفة وهيحكيها لاصحابه الظباط ويقعدو يضحكو للصبح
--

من الاخر

طبقة الظباط دي نوعين :
ابن الناس اللي اهلة طلع عنيهم في تربيته و ده على راسي*

وابن الناس اللي اهله علموه ان الكتافه دي بتخليه من طبقة مرتفعة عن باقي الشعب



بالنسبة للمثال التاني , طول ما هو عايش وسطينا وليه واسطه اكبر منه تحميه لما يتنك علينا
هيفضل راكب فوق دماغنا !

عايزين قانون ردع للظباط اللي بيخالفو القانون
والا ميزعلوش من المواطن لما الظابط يقولي الرخص اقولة لما تنفذ انت القانون ابقا انفذه انا واديك الرخص
ووسايط بوسايط بقا !!

اسيبكم مع الفيديو :

https://www.facebook.com/video.php?v=950591754951884&pnref=story

https://www.youtube.com/watch?v=sgs9OlJ2ae0

عايزين ظباط من الصين عشان ظباطنا .... مش كويسين.. وطبعاً انتو عارفين :)

[مُصْطٓفٓى]

هو فين الاعضاء kaza و hugan من الموضوع ده
متأكد انهم شافوا الموضوا وعملوا نفسهم مش واخدين بالهم
ولو دخلوا حيقولوا مش عارف مين حوله للتحقيق

[Bassem Youssef]

ربنا ينتقم من الظالم و المفتري

[yassin_samir]

الظابط اتوقف عن العمل خلاص
لو سمحت ابقا انقل الخبر كلة
انت قولت نص الخبر و سكت على النص التانى

[battoot]

هو فين الاعضاء kaza و hugan من الموضوع ده
متأكد انهم شافوا الموضوا وعملوا نفسهم مش واخدين بالهم
ولو دخلوا حيقولوا مش عارف مين حوله للتحقيق

اه اللواء امين عز الدين وقفة عن العمل وحولة للتحقيق

ربنا ينتقم من الظالم و المفتري

امين
التوقيع بتاع حضرتك موتني من الضحك :d

الظابط اتوقف عن العمل خلاص
لو سمحت ابقا انقل الخبر كلة
انت قولت نص الخبر و سكت على النص التانى

حصل واللواء امين عز الدين وقفة عن العمل وحولة للتحقيق

بس مش ده الحل
لما يبقى عندي مشكلة المفروض احلها حل مؤقت , بعد كده ادور ع السبب واعالجة عشان متحصلش تاني

ده حل مؤقت

بس ممكن بكره الصبح ولا بلاش بكره , ممكن دلوقتي حالا ييجي ظابط من اياهم يحصل منه موقف اسوأ من ده في الشارع في اي حته
وهييجي اللي يوقفة ويحولة للتحقيق
وهاتك يا وقف عن العمل وتحقيق وكلام فارغ - اه كلام فارغ عشان قضائنا بعد ما طلع مبارك والعدلي برائة بين للشعب ان زمته أستك ! -

احنا ليه ندي للظابط فرصة انو يتعدى ع المواطن لمجرد ان على كتفه نجمتين ولا نسر ؟

لو فبه قانون يعاقب الظابط ده في حالة ارتكابه خطأ ويكون قانون رادع
كان زمانه فكر 1000 مره قبل ما يتصرف تصرف زي ده وده اللي احنا عايزينه
بما انك كمواطن متقدرش تقول للظابط اللي بيغلط انت غلطان عايزين قانون يديله فوق دماغه ويقوله انت غلطت ! وحسابك هتاخده ! اللي ليك قبل اللي عليك كمان !

[mr_vampire]

اللي بيقولو انه اتوقف عن العمل واتحول للتحقيق.

كام مرة ظابط بيتوقف ويتحول للتحقيق في قضايا قبل كدة ???!!!!!

اكبر دليل انها قرارات لامتصاص الغضب ان بعد كدة بتتكرر. لان ببساطة من امن العقاب اسا الادب.

لو كان شاف حد قبله اتعاقب مكنش اتصرف كدة.

مش عايزين نضحك علي نفسنا ونسيب حد يضحك علينا.

[hossam_elwani]

اولا لان ده نتيجة ماحدث قبل ذلك اتشالو على الاكتاف فده الطبيعى انت متوقع عكس كده !!

ثانيا الوقف حصل لان الموضوع اخد حيز اعلامى ولو حصل بدون اى شو ولا كان حاجه حصلت ومهما اشتكيت مفيش فايده

ثالثا كلها شهر ولا حاجه ويرجع كمان كنت يكون الناس نسيت ودمتم ولنا ذى ذلك امثله لا حصر لها

[eng.m7md.ali]

هو فين الاعضاء kaza و hugan من الموضوع ده
متأكد انهم شافوا الموضوا وعملوا نفسهم مش واخدين بالهم
ولو دخلوا حيقولوا مش عارف مين حوله للتحقيق

حضرتك عندك حق بس مفتكرش العضو المحترم hugan هيبرر حاجة زي دي طبعاًهو راجل يقول الحق مع احترامي طبعاً لشخص الاعضاء اللي هتبرر كلها اختلافات وجهة نظر ومبتقللش من شأن حد

يعني في فعلاً اعضاء بدون ذكر اسماء لو حصل الموقف ده معاهم شخصياً هيبرر فعل الظابط ده

[amr_8800]

فعلا هو اتوقف عشان الفيديو اتنشر مش اكتر والي بيقول اتحول للتحقيق احب اقولو هيحققو معاه وينقلوه مكان تاني يأذي فيه ناس تانيه انما مش هيتعاقب بالمعنى الفعلي للعقاب للاسف التصرق ده مش بيحصل للظباط بس انما كل موظفين الحكومه الي بيغلط بيتنقل عشان يأذي ناس تانيه في مكان تاني وبس

[eng.m7md.ali]

اللي بيقولو انه اتوقف عن العمل واتحول للتحقيق.

كام مرة ظابط بيتوقف ويتحول للتحقيق في قضايا قبل كدة ???!!!!!

اكبر دليل انها قرارات لامتصاص الغضب ان بعد كدة بتتكرر. لان ببساطة من امن العقاب اسا الادب.

لو كان شاف حد قبله اتعاقب مكنش اتصرف كدة.

مش عايزين نضحك علي نفسنا ونسيب حد يضحك علينا.

+11

اعتقد ان مفيش ظابط عاقل هيشوف العقوبة دي بتحصل لزميله ويقوم هو نفسه يعمل الغلط ده تاني الا لو عارف ان الموضوع في الاخر هيخلص ودي او هيقتصر علي ايقافه عن العمل لمدة شهر ويرجع تاني ... اهو ممكن يعتبرها اجازة رسمية بما انه كدة دكة متقاعس عن العمل ومعتبر نفسه في اجازة ولكن مش رسمية

[abdulkhaleq]

الظابط اتوقف عن العمل خلاص
لو سمحت ابقا انقل الخبر كلة
انت قولت نص الخبر و سكت على النص التانى

اللي يقول انه اتوقف واتحول للتحقيق واتعمله الجلاشه ورموه من فوق البرج

ياريت يجيب لينك للخبر فيه اسمه ورتبته واسم السواق

غير كده يبقى مجرد خبر فشنك ولا اتوقف ولا حاجه

[Mostafa.Mahran]

من امن العقاب اساء الادب

[battoot]

اللي بيقولو انه اتوقف عن العمل واتحول للتحقيق.

كام مرة ظابط بيتوقف ويتحول للتحقيق في قضايا قبل كدة ???!!!!!

اكبر دليل انها قرارات لامتصاص الغضب ان بعد كدة بتتكرر. لان ببساطة من امن العقاب اسا الادب.

لو كان شاف حد قبله اتعاقب مكنش اتصرف كدة.

مش عايزين نضحك علي نفسنا ونسيب حد يضحك علينا.

وهو ده اللي انا بتكلم فيه

اولا لان ده نتيجة ماحدث قبل ذلك اتشالو على الاكتاف فده الطبيعى انت متوقع عكس كده !!

ثانيا الوقف حصل لان الموضوع اخد حيز اعلامى ولو حصل بدون اى شو ولا كان حاجه حصلت ومهما اشتكيت مفيش فايده

ثالثا كلها شهر ولا حاجه ويرجع كمان كنت يكون الناس نسيت ودمتم ولنا ذى ذلك امثله لا حصر لها

ما هو بعد ما اتشالو ع الاكتاف كانو بيمشو عريانين ايام الثورة وكانو بيخافو يلبسو الميري !

فعلا هو اتوقف عشان الفيديو اتنشر مش اكتر والي بيقول اتحول للتحقيق احب اقولو هيحققو معاه وينقلوه مكان تاني يأذي فيه ناس تانيه انما مش هيتعاقب بالمعنى الفعلي للعقاب للاسف التصرق ده مش بيحصل للظباط بس انما كل موظفين الحكومه الي بيغلط بيتنقل عشان يأذي ناس تانيه في مكان تاني وبس

بالظبط ! اخرتها هيتنقل لمكان تاني ومش بعيد بعد كام شهر حد يتوسطله ويرجع اسكندرية تاني , مش بعيد لما يرجع يتح في مكان احسن من اللي كان فيه اصلا

+11

اعتقد ان مفيش ظابط عاقل هيشوف العقوبة دي بتحصل لزميله ويقوم هو نفسه يعمل الغلط ده تاني الا لو عارف ان الموضوع في الاخر هيخلص ودي او هيقتصر علي ايقافه عن العمل لمدة شهر ويرجع تاني ... اهو ممكن يعتبرها اجازة رسمية بما انه كدة دكة متقاعس عن العمل ومعتبر نفسه في اجازة ولكن مش رسمية

احنا بقا نفسنا نوري الظباط ان صحابهم اللي بيغلطو بياخدو بالجزم
زي ما بيقولو اضرب السايب يخاف المربوط

[battoot]

اللي يقول انه اتوقف واتحول للتحقيق واتعمله الجلاشه ورموه من فوق البرج

ياريت يجيب لينك للخبر فيه اسمه ورتبته واسم السواق

غير كده يبقى مجرد خبر فشنك ولا اتوقف ولا حاجه

وحتى لو اتوقف , كلها شوية وقت وهيرجع تاني !

[kaza]

هو فين الاعضاء kaza و hugan من الموضوع ده
متأكد انهم شافوا الموضوا وعملوا نفسهم مش واخدين بالهم
ولو دخلوا حيقولوا مش عارف مين حوله للتحقيق

اديني جيت ياحاج مصطفي ..صباح الخير ..طبعا سلوك مشين ومش كل الضباط بيتصرفوا كدة وعلي فكرة الضابط اتوقف وهيتجازي وجزاء صدقني اي ضابط يخاف يعمل كدة والاخطاء دى ممكن حدوثها من الضباط الصغار لكن مش هتلاقي عقيد او عميد او لواء بيعمل الكلام دة ولا حتي مقدم او رائد ....مماتحكمش علي تصرف ضابط شاب وتقول ضباط الشرطة وبيتعالوا وبيتنططوا ...للا دول اغلب من الغلب وربنا اعلم بظروف افراد وضباط الشرطة والجيش وناس بتتبهدل وتسيب اسرها وبيوتها علشان اها البلد تنام وترتاح .. مصطفي شغل الميري مش مريح ابدا ومش لذيذ وتحياتي لك وللجميع