عمرة بعد العمل !؟

[shndoo]

السلام عليكم

دلوقتى يا شباب انا عندى زيارة عمل لمكه ليوم واحد تبع الشغل
فعايز اعمل عمرة
فهل يجوز اخلص الشغل فى الصباح -علما ان معاد ووصول الطائرة 9 صباحا مع معاد العمل -و بعدين اعمل عمرة و احرم من مكة
ام لا
ارجو المساعدة لان سفرى بعد غد الاربعاء ان شاء الله

ومعذرة على جهلى

[هيثم مجدي]

عليكم السلام

إذا كانت نيتك العمرة و انت هنا في مصر, لازم تحرم لما تمر على الميقات, و تلبس ملابس الإحرام.
وبعد لما توصل و تنهي اعمالك تؤدي العمرة. لكن تنتبه انك تحافظ على إحرامك.

لو مقدرتش تحافظ على الاحرام, بعد لما تنهي عملك لازم ترجع للميقات و تحرم من جديد (ميقات مصر هو رابغ "الجحفة" , حوالي 200 كيلو من مكه )

لو ما أحرمت عند الميقات وانت مسافر ونيتك العمرة, يبقى اسقط احد موجبات العمرة و عليك دم, تذبح شاه في مكة و توزعها على فقراء الحرم ومتاكلش منها.

لكن لو انت مش ناوي العمرة, و النية حضرت و انت في مكة (ممكن مثلا تقول لو كان فيه وقت هعمل عمرة, يبقى متسافرش بنية العمرة ) و بكدا لا تحرم وانت في مصر. تحرم من مكانك وقت حضور النية.

[ahmedwagdy03]

حل من إتنين

1- تحرم من الطائرة و تنوى عند المرور بالميقات و تكمل يومك بالإحرام و تستحمل و تمسك على نفسك من محظورات الإحرام . ده طبعا حل مستحيل و غير عملى

2-بعد ما تخلص شغلك إلبس إحرامك و أجر سيارة أو مع أى حد تعرفه و إطلع لغاية أقرب ميقات ( السيل الكبير 90 ك ) أو رابغ (200 ك) تعبر الميقات و تنوى و تعمل يو تيرن و ترجع تعمل العمرة . حل مرهق يتوقف على الوقت المتاح و إمكانية وجود سيارة .

مافيش غير كدة

[حسام الغرباوي]

افضل حل تخلص شغلط وتروح الميقات تحم وتروح تعمل عمرة ...الميقات مش بعيد 90 كيلو يعني نص ساعة او ساعة ونص رايح جاي بالكتير اوي

[shndoo]

جزيتم كل خير ربنا يخليكم يا شباب
انا هاسافر من الرياض يبقى الميقات من السيل الكبير صح

[حسام الغرباوي]

جزيتم كل خير ربنا يخليكم يا شباب
انا هاسافر من الرياض يبقى الميقات من السيل الكبير صح

بالظبط ان شاء الله
وعمرة مقبولة مقدما