Tweet
لأول مره اسالكم الدعاء بصدق والمساعده ....
اعضاء نايل موتورز ...
انا الكلام اللى هقولو ده مش علشان تدعولى بصدق بس لكن لله دى شهاده حق انى بحس ان دوله نايل موتورز دوله اقرب للمثاليه والنقاء عن ما نعيش فى دوله كبرى اسمها مصر والسبب هو نسبه الاعضاء المحترمين التى تقضى على اى نمو لاى نسبه سيئه تحاول الظهور من وقت لاخر فى هذا المنتدى وعلى مدار اكثر من 7 سنوات متابع فيها لهذا المنتدى ...
ويوم طلبت الدعاء بالتوفيق كان انتم اول الناس بعد اهلى لانكم فعلا اسره اتشرف بانتمائى ليها لعل الله يتقبل دعائكم لى بصلاح الحال...
اسمحولى بقى افضفض معاكم بالعاميه يمكن اعرف اخرج اللى جوايا
انا اتخرجت سنه 2006 بكالريوس ارشاد سياحى ونتيجه لغلط فى الاسماء جيشى اتاخر ومكنش ينفع اشتغل فى مجال السياحه وجاتلى وظيفه مؤقته فى شركه رسوم متحركه كانت بتنفذ مسلسلات الصلصال بتاعت رمضان وافقت طبعا وبعد كده اخدت تاجيل فى اعفاء نهائى من الجيش وكنت كل ما احاول ارجع لمجالى الاساسى وهو السياحه كنت بتفاجئ بترقيه او زياده فى المرتب كانت بتخلينى افضل مستمر فى نفس الشركه و كنت فى مشروع خطوبه و فشكلت نتيجه انى بشتغل قطاع خاص مش حكومه وطبعا احساسى بالقهر انى اترفض لسبب مش فى ايدى خلانى اخد موقف من الجواز وحطيت تقديمه الشقه اللى كنت هجبها مقدم لعربيتى فى شهر اكتوبر 2010 وحصلت ثوره يناير نتج عنها توقف كامل للراتب مده 4 شهور بعدها اطريت اشتغل مع سيده اعمال من اسكندريه لمده 10 شهور شفت فيها شمسين وقمرين من اجهاد واستغلال والتعامل على اساس انى ماكينه مش انسان ( كنت ممكن اروح الاسكندريه واجى مرتين فى اليوم او على الاقل 4 مرات فى الاسبوع ) كنت بشتغل من 10 الصبح لحد 2 او 3 بليل بدون اى اجازات نهائيا وتحملت رغم انى لقيت نفسى بصرف مرتبى اكل وشرب نتيجه تواجدى طول اليوم خارج المنزل وكنت بقول احسن ما اقعد فى البيت لحد ما شركتى القديمه فتحت تانى ورجعت فى ابريل 2012
وابتدت الدنيا ترتاح شويه نفسيا وليس ماديا وتحملت فى مقابل التطوير و ان الشركه بتقف على رجلهها من جديد
و فى شهر يونيو 2013 حصلت بقى ثوره او انقلاب المهم ان نفس الموال اتكرر 4 شهور من غير راتب وطبعا ابتدى يتكوم عليا اقساط السياره و بعض الديون نتيجه ان 3 سنين لو حاجه جت على قد اللى رايح غير الالتزمات اللى لو حصل تاخير فى الراتب اللى بتتكوم كل شهر
وبدات تانى اقف مع الشركه و يدوب بدائت العجله تمشى كانت العجله بتاعت حياتى انا وقفت
29 سنه معنديش شقه
مديون و البنك على وشك يعملى مشاكل
طلبت من المديره تقف جمبى وتدينى جزء من المتاخرات بتاعتى رفضت وقالت معهاش فلوس وانى لازم اقف جمبها ولما وصلت لمرحله انى معيش حتى فلوس احط بنزين فى العربيه وقعدت اسبوع كامل فى البيت لقيتها بتتصل تتخانق معايا (على الرغم ان ليا مرتب 3 شهور ) وبلغتنى انى لازم التزم بغض النظر عن تاخير المرتب وان فى شهر اتخصملى من التلات شهور اللى ليا
طبعا ده كان بمثابه دافع كافى انى استقيل وانتظر باقى حقى وقت ما تيجى فلوس
طبعا الحمد لله وقدر الله ومشاء فعل
الحمد لله ربنا كرمنى بصديق قديم وقف جمبى ودى شهاده للحق اعترف بها و قعدنا ندرس مشروع مكتب صغير لتصدير الفوواكه والخضروات والحمد لله بفضل ربنا وصاحبى قدرنا نخلص جميع الاوراق هنا ومن فضل ربنا قدرنا كمان نعمل فرع تانى فى دوله جورجيا ولولا كرم ربنا وصديقى مكنتش قدرت اعمل ده لوحدى لانه تحمل كافه مصاريف الانشاء هنا وفى الخارج على ان اتحمل انا جزء من راس المال المستخدم فى التجاره رغم انه بسيط بس لاقتناعه بى وبانى متفانى فى عملى عرض على الكلام ده والحمد لله قدرت استوعب كميه كبيره من المعلومات واستقرينا على المنتجات اللى هنصدرها ونستلمها لحسابنا ونبداء فى توزيعها بانفسنا ....
انا ليا طلب بس منكم الدعاء بالتوفيق والمساعده من اى شخص له خبره فى مجال التصدير لان فى حاجات انا سمعت عنها كلام مختلف زى استرداد ضريبه المبيعات و الفاتوره المبدائيه و الاجرائات
انا بسال الله وبسالكم شخص يقولى خطوه بخطوه الاجرائات الاداريه والمطلوب لتنفيذ عمليه التصدير جو الشركه
انا مخلص كل الاوراق لغايه البطاقه التصديريه
وينصحنى اخد بالى من ايه وايه ممكن العقبات اللى تقابلنى
بجد اسف لو طولت عليكم بس فعلا مش هلاقى ناس احسن منكم اسالهم الدعاء والمساعده
انا الكلام اللى هقولو ده مش علشان تدعولى بصدق بس لكن لله دى شهاده حق انى بحس ان دوله نايل موتورز دوله اقرب للمثاليه والنقاء عن ما نعيش فى دوله كبرى اسمها مصر والسبب هو نسبه الاعضاء المحترمين التى تقضى على اى نمو لاى نسبه سيئه تحاول الظهور من وقت لاخر فى هذا المنتدى وعلى مدار اكثر من 7 سنوات متابع فيها لهذا المنتدى ...
ويوم طلبت الدعاء بالتوفيق كان انتم اول الناس بعد اهلى لانكم فعلا اسره اتشرف بانتمائى ليها لعل الله يتقبل دعائكم لى بصلاح الحال...
اسمحولى بقى افضفض معاكم بالعاميه يمكن اعرف اخرج اللى جوايا
انا اتخرجت سنه 2006 بكالريوس ارشاد سياحى ونتيجه لغلط فى الاسماء جيشى اتاخر ومكنش ينفع اشتغل فى مجال السياحه وجاتلى وظيفه مؤقته فى شركه رسوم متحركه كانت بتنفذ مسلسلات الصلصال بتاعت رمضان وافقت طبعا وبعد كده اخدت تاجيل فى اعفاء نهائى من الجيش وكنت كل ما احاول ارجع لمجالى الاساسى وهو السياحه كنت بتفاجئ بترقيه او زياده فى المرتب كانت بتخلينى افضل مستمر فى نفس الشركه و كنت فى مشروع خطوبه و فشكلت نتيجه انى بشتغل قطاع خاص مش حكومه وطبعا احساسى بالقهر انى اترفض لسبب مش فى ايدى خلانى اخد موقف من الجواز وحطيت تقديمه الشقه اللى كنت هجبها مقدم لعربيتى فى شهر اكتوبر 2010 وحصلت ثوره يناير نتج عنها توقف كامل للراتب مده 4 شهور بعدها اطريت اشتغل مع سيده اعمال من اسكندريه لمده 10 شهور شفت فيها شمسين وقمرين من اجهاد واستغلال والتعامل على اساس انى ماكينه مش انسان ( كنت ممكن اروح الاسكندريه واجى مرتين فى اليوم او على الاقل 4 مرات فى الاسبوع ) كنت بشتغل من 10 الصبح لحد 2 او 3 بليل بدون اى اجازات نهائيا وتحملت رغم انى لقيت نفسى بصرف مرتبى اكل وشرب نتيجه تواجدى طول اليوم خارج المنزل وكنت بقول احسن ما اقعد فى البيت لحد ما شركتى القديمه فتحت تانى ورجعت فى ابريل 2012
وابتدت الدنيا ترتاح شويه نفسيا وليس ماديا وتحملت فى مقابل التطوير و ان الشركه بتقف على رجلهها من جديد
و فى شهر يونيو 2013 حصلت بقى ثوره او انقلاب المهم ان نفس الموال اتكرر 4 شهور من غير راتب وطبعا ابتدى يتكوم عليا اقساط السياره و بعض الديون نتيجه ان 3 سنين لو حاجه جت على قد اللى رايح غير الالتزمات اللى لو حصل تاخير فى الراتب اللى بتتكوم كل شهر
وبدات تانى اقف مع الشركه و يدوب بدائت العجله تمشى كانت العجله بتاعت حياتى انا وقفت
29 سنه معنديش شقه
مديون و البنك على وشك يعملى مشاكل
طلبت من المديره تقف جمبى وتدينى جزء من المتاخرات بتاعتى رفضت وقالت معهاش فلوس وانى لازم اقف جمبها ولما وصلت لمرحله انى معيش حتى فلوس احط بنزين فى العربيه وقعدت اسبوع كامل فى البيت لقيتها بتتصل تتخانق معايا (على الرغم ان ليا مرتب 3 شهور ) وبلغتنى انى لازم التزم بغض النظر عن تاخير المرتب وان فى شهر اتخصملى من التلات شهور اللى ليا
طبعا ده كان بمثابه دافع كافى انى استقيل وانتظر باقى حقى وقت ما تيجى فلوس
طبعا الحمد لله وقدر الله ومشاء فعل
الحمد لله ربنا كرمنى بصديق قديم وقف جمبى ودى شهاده للحق اعترف بها و قعدنا ندرس مشروع مكتب صغير لتصدير الفوواكه والخضروات والحمد لله بفضل ربنا وصاحبى قدرنا نخلص جميع الاوراق هنا ومن فضل ربنا قدرنا كمان نعمل فرع تانى فى دوله جورجيا ولولا كرم ربنا وصديقى مكنتش قدرت اعمل ده لوحدى لانه تحمل كافه مصاريف الانشاء هنا وفى الخارج على ان اتحمل انا جزء من راس المال المستخدم فى التجاره رغم انه بسيط بس لاقتناعه بى وبانى متفانى فى عملى عرض على الكلام ده والحمد لله قدرت استوعب كميه كبيره من المعلومات واستقرينا على المنتجات اللى هنصدرها ونستلمها لحسابنا ونبداء فى توزيعها بانفسنا ....
انا ليا طلب بس منكم الدعاء بالتوفيق والمساعده من اى شخص له خبره فى مجال التصدير لان فى حاجات انا سمعت عنها كلام مختلف زى استرداد ضريبه المبيعات و الفاتوره المبدائيه و الاجرائات
انا بسال الله وبسالكم شخص يقولى خطوه بخطوه الاجرائات الاداريه والمطلوب لتنفيذ عمليه التصدير جو الشركه
انا مخلص كل الاوراق لغايه البطاقه التصديريه
وينصحنى اخد بالى من ايه وايه ممكن العقبات اللى تقابلنى
بجد اسف لو طولت عليكم بس فعلا مش هلاقى ناس احسن منكم اسالهم الدعاء والمساعده
Comment