التهاب جيوب -حساسية انف

[mrvolt]

التهاب جيوب -حساسية انف انا بعانى مش عارف اتنفس الهواء بارد وحرقان ف مناخيرى

دورت لاقين ان ما فيش علاج نهائى شوية ادوية ومحلول محل كله مسكن مؤقت

لاقيت دكاترة بتقول قرنفل مغلى. . حبة بركة وزيت زتون بس ما فيش اى نتيجة

حد عنده فكره

[Bassem Youssef]

مفيش علاج جذري لحساسيه الانف

[mrvolt]

مفيش علاج جذري لحساسيه الانف

انا عارف انا زهقان جدا بس يارب تكون موسمية

[afndina]

انا صيف شتا عندي التهاب فى الجيوب الانفية
وجربت كل حاجة
احسن حاجة ارتحت عليها هي لزقة بتتحط علي المناخير بتشد جوانب المناخير وبتفتحها
ريحتني جدددددددددددددددددددددددددددا
جربها يمكن تنفع معاك في ناس كمان بتستخدمها للشخير

[Bassem Youssef]

اسمها ايه اللزقه دي و بكام ؟

اكيد بتتشري من الصيدليه علي ما اعتقد

[mrvolt]

انا صيف شتا عندي التهاب فى الجيوب الانفية
وجربت كل حاجة
احسن حاجة ارتحت عليها هي لزقة بتتحط علي المناخير بتشد جوانب المناخير وبتفتحها
ريحتني جدددددددددددددددددددددددددددا
جربها يمكن تنفع معاك في ناس كمان بتستخدمها للشخير

ممكن توضحلى زى بتاعت لاعيبة الكورة ؟?

[afndina]

اسمها ايه اللزقه دي و بكام ؟

اكيد بتتشري من الصيدليه علي ما اعتقد

انضف نوع جربته لانه اللزق بتاعه قوي
اسمها breathe right ومرسوم عليها شكل واحد نايم ولونها ازرق
في احجام علي فكرة حجم كبير وحجم عادي
طبعا الحجم الكبير لينا والحجم العادي دا اللي مناخيرة صغيرة
انا جبتها من العزبي كان سعرها تقريبا حاجة وتلاتين جنيه والعلبة فيها كذا واحدة

[afndina]

ممكن توضحلى زى بتاعت لاعيبة الكورة ؟?

هي دي

[mrvolt]

شكرا جزيلا......

[ehab]

اقراص calrinase قرص مرتين يوميا
بخاخ Rhinocort aqua 64mg مرة في كل فتحة صباحا و مساء
البخاخ يستمر عليه لمدة ثلاث شهور
و يتوقف شهر و ترجع تكمل ثلاث شهور بس بتكون بخة واحدة يوميا فقط

[mesaharaty]

شفاك الله وعافاك

[canner]

clearest مرتين فى اليوم

[ZADH]

التهاب جيوب -حساسية انف انا بعانى مش عارف اتنفس الهواء بارد وحرقان ف مناخيرى

دورت لاقين ان ما فيش علاج نهائى شوية ادوية ومحلول محل كله مسكن مؤقت

لاقيت دكاترة بتقول قرنفل مغلى. . حبة بركة وزيت زتون بس ما فيش اى نتيجة

حد عنده فكره

في البداية ..... أدعو الله لك بالشفاء والسلامة.
لازم نكون متفقين أن الحساسية بوجه عام هي من الأمراض المزمنة والوقاية من مسبباتها يأتي في الدرجة الأولي قبل العلاج.

مسببات الحساسية تعتمد بالدرجة الأولي علي الملاحظة الدقيقة للمريض بمعني حاول تفتكر انت أكلت ايه أو اتعرضت لأيه أو هل تناولت أية أدويه مثلا قبل نوبة الحساسية دية.

من أشهر مسببات الحساسية:
1. تكون مصاحبة لنزلات البرد.
2. بعض المأكولات مثل البيض و الأسماك وبعض أنواع الفاكهة كالموز والفراولة والمانجو.......,الخ.
3. الروائح النفاذة كالعطور والبخور وكذلك التعرض للأدخنة.
4. التعامل المباشر مع الحيوانات الأليفة كالقطط.
5. الترابة الناعمة وبالذات الموجودة في السجاجيد والموكيت.
6. بعض أنواع الأدوية وأشهرها الحديد والبنسيللين.

علاجها:
1. الوقاية ثم الوقاية ثم الوقاية ( تجنب المسببات).
2. استعمال غسول للأنف عدة مرات يوميا.Otrivin baby saline or Alkamisr
3. الأستيرويدات مثل Rhinocort Aqua و Flixonase وتستخدم بخة في كل فتحة أنف صباحا ومساءا.
4. الأدوية المزيلة لاحتقان الأنف كالأفرين ويفضل الأسبراي { نقطتين أو بختين في كل فتحة أنف صباحا ومساءا لمدة تتراوح من 3 الي 5 أيام وتريح 5 أيام ثم تكرر لأن استخدامها بصورة مستمرة يجعل منها سببا لزيادة الأحتقان وهو ما نسميه (rebound congestion).
5. مضادات الألم (المسكنات) مثل الايبوبروفين ( مثل البروفين ).
6. بعض المضادات الحيوية اذا ثبت أن هناك عدوي بكتيرية.
7. التدخل الجراحي اذا استدعي الأمر.

[mrvolt]

طب يا دكتور لو فيه عمليه هل فيها مخاطر. لانى تعبت وطولت كتير

[ZADH]

طب يا دكتور لو فيه عمليه هل فيها مخاطر. لانى تعبت وطولت كتير

العمليات دلوقتي اطورت وأصبحت تتم بواسطة المناظير وتخرج باذن الله في نفس اليوم المهم انك تسأل وتعرف الدكتور اللي أنت هتسلمه نفسك لأن دي أمانة.
وألف سلامة عليك.