موضوع للمناقشة : أزدياد ظاهرة العنوسة للفتيات و الشباب .... !!! المشكلة و الحل

[TIGER@21]

موضوع للمناقشة :
أزدياد ظاهرة العنوسة للفتيات و الشباب .... !!!
المشكلة و الحل

[TIGER@21]

لها عده اسباب اجتماعيه واقتصاديه منها علي سبيل المثال ﻻ الحصر. المغاﻻه في طلبات اهل العروس . النظره الماديه البحته ﻻمكانيات العريس المدايه من جانب الفتاه . المفاهيم الخاطئه التى تنتشر ف المجتمع والتي منها اللي معاه قرش يساوي قرش . منها ايضا التربيه الخاطئه التى تبث ف الفتاه الدﻻل وطلب المزيد من الزوج . ازدواجيه الحكم والتعامل مع الزوج او اﻻخ او اﻻبن من جانب اﻻم وا ﻻبنه. ارتفاع اﻻسعار . مشكله اﻻسكان . ف الماضي كان ينتشر نوع من الزواج العائلي اي داخل المنزل يوجد اكثر من اسره تسهيﻻ لشراء بيت منفصل . ابتعاد اﻻسر عن غرس اﻻسس الدينيه للفتاه او الفتي لكن الفتاه اكثر

اما انا كشاب بدور فعلا حقولك المشاكل اللى بتواجهني
اولا النوع البدور علية نادر (بنت ملتزمة علي درجة عالية من العلم ومستوي عقلي جيد)
اغلب المن النوع دة ئكون طموحهم في حجات غير الجواز وتكوين بيت واسرة وبيرفضو من البداية
الجزء التاني من المشكله هو طلبات الجواز المتخلفة الفبلدنا الهزلي ودي انا في غنا عن تعريفها
الجزء التالت من المشكله عدم استعداد اغلب البنات لتحمل جزء ولو صغير من المسئولية
طلبات الاهل عديمة المعني
تدخل الاهل في ما لا يعنيهم في حياة الابناء
(الشقة)
الزواج بقا مشروع فاشل
خسائرة المعنوية والمادية تغطي علي اي فائدة مرجوة منة

فى حاجة كمان للناس المتزوجة
ضيف على ذلك ، عدم رغبة النساء في التعدد ، وآخر مرة قرأت فيها عن إحصاءيات ، وجدت أن نسبة الرجال للنساء قليلة في كثير من المحافظات ، بل والمطلقة أيضا تريد رجل غير متزوج ،

[S O P H O S]

المشكلة تكمن فكلمة الرضا
لو موجود مش هيبقي في مشكلة

[إنسانة]

بلا هم فكرة الجواز اساسا فكرة مجنونة

انا مش فاهمة ازاي حد يحكم على نفسه يبص في نفس الوش 20 سنة

تأبيدة

[إنسانة]

فى حاجة كمان للناس المتزوجة
ضيف على ذلك ، عدم رغبة النساء في التعدد ، وآخر مرة قرأت فيها عن إحصاءيات ، وجدت أن نسبة الرجال للنساء قليلة في كثير من المحافظات ، بل والمطلقة أيضا تريد رجل غير متزوج ،

فين الاحصائيات دي ^_^’ ياريت مصدر

ولو طلع عدد النساء أقل هيبقى إيه التصرف

افتكر كمان المطلقة لو فكرت تتجوز تاني هيبقى تفكيرها في وضع افضل ورجل افضل مش اقل فهتتجوز نص ولا ربع راجل ليه

[SeiffoZ]

طبقا للتعبئة و الاحصاء نسبة الرجال فى مصر 52% والسيدات 48%

[TIGER@21]

بلا هم فكرة الجواز اساسا فكرة مجنونة

انا مش فاهمة ازاي حد يحكم على نفسه يبص في نفس الوش 20 سنة

تأبيدة

با العكس لو فى تفاهم بين الطرفين واحترام هيبقى جواز ناجح ومثمر

وهيبقى الفراق صعب

[الاسد المهاجر]

ياه يا ابو حبيبة مزاضيع ملهاش حل بتعرف تحور المواضيع وتدخل علي البلد انته مشكلة

[sherifbatista]

الجواز فى البلد دى مشروع محكوم عليه بالفشل

[TIGER@21]

الجواز فى البلد دى مشروع محكوم عليه بالفشل

طب ما هى اسبابك يا غالى

علشان نتكلم فيها مع بعض ونحل المشكله وربنا يكرمك وتتجوز

[eslam atia]

علشان عدم الاقتناع بالرضي
العريس عاوزة واحده كاملة من كل شئ
وكذلك العروسة عاوزة واحد من كوكب تاني
والاهل طلباتهم مستحيلة لشباب بيكون نفسة بنفسة في ام البلد دي
ونصيحة للأهل اتقوا ربنا في الشباب وساعدوهم واقفوا بجانبهم ماديا ومعنويا ونفسيا
وياريت نرجع بالزمن لوار شوية ونحاول نقلدهم في العادات والتقاليد القيمة

[Karim Alaa]

الشقه الشقه الشقه الشقه الشقه :) و بس مفيش نظام ايجارات حقيقى يحقق استقرار و التمليك اصبح هطل فى الاسعار و اى شاب من غير مساعده قويه من الاهل عمره مهيوصل لشىء غير انه ياخد فى مناطق عشوائبه و اقل من المتسوى او محافظات و يتبهدل ده غير كميه الشقق الى من غير ترخيص و لا ورق الى فى البلد و برضه مغالى فى اسعارها