زمــيـلــتى اكـــبر مـــنى ومش عارف اتصرف !!

[sohip]

اولا طبعا
السلام عليكم ورحمة الله وبركاته


يـــااا جــماعـه انا بحب واحده اكبر منى بسنتين
احنا مع بعض فى الجامعه وصراحه انا بحس انها الواحيده الى فاهمانى من غير ما اتكلم حتى دايما القاها واقفه معايا
اكتر من صحابى فى المواقف الجد لا وتخرجتى منها وهى كانت اكبر بسنه فى الدراسه بس يعنى انا عديلت بعض المواد فابقينا مع بعض اكتر
واهى بتساعدنى ورق حاجه مش فاهمها مشكله مع حد
اى حاجه كنت بحتاجها هى كانت قايمه بــيـا تقريبا زى اخوها
وطبعا اولى هندسه وانت داخل جديد حمار حمار يعنى
بس فا سنه واتنين التعامل كان اخوى اخوى غير انها محترمه
وبنت ناس تحب تسمعها تتكلم
وواحد واحد الكلام طبعا بيجيب بعضه
رحله كده ورحله كده والجامعه الخاصه موجبه فى الموضوع ده
بقينى حافظين بعض من النظره بنحب ايه وايه لا والحاجات دى
فا فى الترم الى فات لقيتها يعنى التعامل اتغير وصادر منها احسساس
بس انا بعمل نفسى اهبل طبعا بس هى بتنكشنى كده كل شويه
والمواضيع الكلام واحنا لوحدنا اتغيرت
وكل شوييه تعالى نروح كذا طب تعالى معايا هنا وهناك
بترشقنى معاها فى كل حاجه
وانا اطلع نفسى بادب بس القى وش غضب مكشنتش بشوفه بس شكلها بيكون احلى هههههههههههه
انا مش فاضى للكلام ده او بصراحه يعنى انى مش عارف اتصرف مخلينى اقنع نفسى بالكلام ده

المهم بقى احنا دلوقتى اجازه وانا بقيت قافل الموبيل ومش بقتح الفيس بوك لانى مش عارف
اقول ايه ولا ايه التصرف والكلام الى المفروض يتقال وانها اكبر وانتو مصرين وفاهمين
وانا زى البتاع ده

[miceg]

انا شايف على كمية الشكر اللي كاتبها
انك معجب بيها وفنفس الوقت بتتسلى
اعتبرها اختك وافتكر انك ممكن تسبب ليها جرح بدون ماتقصد

[إنسانة]

لو البنت بتحبك و إنتا مش بتحبها لأي سبب قولها السبب بكل وضوح بس بدون ماتجرحها

بس أنا أعتقد إنها بتتعامل معاك زي أخوها لإنك أصغر

[sonaeg]

اتكلم معاها في الموضوع بصراحة وبينلها آثاره الجانبية من ناحيتك وناحيتها وناحية الاسرتين .... الهروب عمره ماكان حل ابدا بالعكس...

[4fun14]

انا مش فاهم حاجه!
انت بتحبها وهى ابتدت تميل ليك..فين المشكلة؟
وايه العيب في انها اكبر منك؟

[عبدالحكيم]

أخي الكريم..


هذا الوضع لا يصح. الحل الطبيعي في مثل هذه الحالات هو: الخطبة ثم الزواج. أي تتخذ خطوة جادة وتدخل البيت من الباب وتطلب يدها..

لكن كونك ما زلت طالباً فوضعك بين أمرين لا ثالث لهما: إما ميسور الحال سيتكفل أهلك بتكاليف الزواج، وإما طالب عادي تعيش على مصروف الأهل – وهذا هو الوضع في الغالب. لذلك توقف وكن صادقاً صريحاً معها خصوصاً وهي تكبرك في السن والعمر يجري بها


تذكر الآتي:


أولاً: أنت ما زلت طالب في السنة الثالثة من الجامعة حسب ما فهمت من كلامك، يعني أمامك سنة للتخرج ثم سنة للخدمة العسكرية كمجند أو ثلاث سنوات كضابط احتياط. يعني ستكون بلغت من العمر 26 سنة تقريباً (على أساس دراستك للهندسة 5 سنوات ثم دخولك الجيش كضابط احتياط 3 سنوات وهو في الغالب ما سيحدث لأن الجيش بحاجة ماسة لمهندسين). وهي ستكون قد بلغت من العمر 28 سنة


ثانياً: ستخرج من الخدمة العسكرية للبدء من الصفر والبحث عن عمل. وعندما تجد عمل وتقف على قدميك تحتاج على الأقل عامين يعني ستكون بلغت من العمر 30 وهي 32.


أسألك: هل ساعتها ستفكر في الارتباط بها أم أنك ستعطيها ظهرك بحجة أنها "كِبْرِت"؟

نصيحتي لك: بدلاً من الهروب وغلق الموبايل، قف مع نفسك وخذ قرار علشان تريح وتستريح

[ahmedteam]

بص لو انت مش متاكد من مشاعرك ناحيتها خد و قتك علشان حرام تظلمها معاك

لو انت متاكد انك بتحبها و عايز تكمل معاها شوف ظروفك ايه و لمح لاهلك علشان تعرف ميتهم ايه

لو الدنيا تمام لاااااازم تصارحها و تتكلم معاها و ترسمو المستقبل مع بعض

موضوع الفرق فى السن متحطوش فى دماغك ملوش لازمه اهم حاجه الراحه النفسية

بالتوفيق و لا تنسى الاستخارة

[S O P H O S]

يا تنمي الموضوع ويبقي حقيقي
يا تنسحب بكل وضوح

[speed_magnum]

معنى كلامك دلوقتي انك مش عاوز الموضوع وبتتهرب منها
يبقى استمر على كدا وقلل الكلام بينكم علشان ما تعلقهاش بيك زياده
اما يا صديقي لو كنت عاوزه بس خايف من فرق السن احب اقلك ان تفكيرك منطقي لو هتستني لما تخلص جيشك و تكون نفسك
اما لو اهلك هيساعدوك في جوازك .. ومش هتتاخر اعتقد الامور هتبقي مقبوله وتمشي

[sohip]

انا شايف على كمية الشكر اللي كاتبها
انك معجب بيها وفنفس الوقت بتتسلى
اعتبرها اختك وافتكر انك ممكن تسبب ليها جرح بدون ماتقصد

اه ما علشان كده انا محتار
وهى واحد محترمه
على راى المثل مش جايبها من الشارع
واخاف اقول كلمه كدا ولا كده من غير قصد اضيع نفسى

[sohip]

انا مش فاهم حاجه!
انت بتحبها وهى ابتدت تميل ليك..فين المشكلة؟
وايه العيب في انها اكبر منك؟

لا معلش هو انا معرفش ازاى وليه بس كلمت اكبر منك دى تقريبا عندنا عيب

[Ahmed Tarek 00]

ابعد افضل عنها لان واضح انكوا موش مناسبين لبعض أبداااا وبلاش تعلقها بيك أكتر لانه في النهاية "كما تدين تدان"

[4fun14]

لا معلش هو انا معرفش ازاى وليه بس كلمت اكبر منك دى تقريبا عندنا عيب

عندنا دى يعنى مصر ولا عندكوا في العيله ولا ايه؟
انا شخصيا خطيبتى اكبر منى بسنه وشوية وعمرى ما حسيت بمشكله ولا هي حسستنى ان عندها مشكلة

[sohip]

انا شايف انى اكلمها بهدوء فى الموضوع
انا بقول انى اقلها حاجه زى احنا لسنه ادمنا سنه وكده امسك العصايه من النص
واهو منها ادى نفسى فرصه وافكر فى موضوع اكبر منك والحاجات كلها
موضوع برضو الخروج الى نط ده طبعا تربيتى متسمحش انى اخرج مع واحده مفيش بنا حاجه رسميه
ومش معنى كده انها مش محترمه ولا حاجه لا انا متاكد من انها متربيه احسن منى كمان
موضوع الجيش والكلام ده مظنش انه جده على بال حد شكلك مجرب يا ريس ولا ايه ههههههه
انا الفكره ان كل ما افكر فيها مش لاقى عيب بجد لاكن فيه حاجه حاسسها تقول لا عيب مش عارف سببها ممكن انى شايف واحده فيها كل حاجه تتحب من كل الناس مش انا وبس
بس انا لما حبيت حبيت صديقه مش الحب الحب
واهو ان شاء الله احاول كده اشوف الجو الاسرى واشوفها برضو اتكلمت مع حد ولا ايه النظام عندهم

اه وانا فعلا متشكر جدا لكل تعليقاتكم بدون تخصيص نا قراتها كلها حكم والله

[sohip]

عندنا دى يعنى مصر ولا عندكوا في العيله ولا ايه؟
انا شخصيا خطيبتى اكبر منى بسنه وشوية وعمرى ما حسيت بمشكله ولا هي حسستنى ان عندها مشكلة

هو اصدى بعندنا يعنى كصعايده الحاجات دى بتكون ايه
سبب مقنع جدا لوقف الموضو
انا ادامى اتفه من كده وكانت البلد خربانه