ايهما اوفر و افضل ( النت من الموبيل ام من دى داتا )

[tarek12]

الاخوه الاعزاء جميعا

لنفرض ان شخص متوسط سعه تحميله شهريا 8 - 10 جيجا نت / شهر

فايهما اوفر و افضل (اشتراك النت من الموبيل ام اشتراك من دى داتا )
مع ذكر خطه الاسعار
ياريت الافاده

[Batman372]

لو للبيت او الشغل ... النت الثابت الارضى افضل و ثابت و ارخص عن نت المحمول ...
نت tedada نظام الطلقه سرعه قصوى ٨ ميجا ... الخط الجيد بتوصل لحوالى ٤.٥ ميجا ... باقه محدوده ١٥ جيجا شهريا ... ب ٧٥ جم ...
نت المحمول موبينيل باقه ١.٢٥ جيجا ب ٢٥ جم ... و السرعه متغيره من مكان لاخر متوسطا ٢ ميجا ...
تحياتى ...

[مُصْطٓفٓى]

اكيد طبعا باقات الـ dsl افضل لعدة اسباب
السعر والاستقرار وحجم الباقة
بس اهم حاجة شوف افضل شركة في منطقتك لا جودة الخدمة بتفرق من سنترال لاخر
يعني منطقة حتلاقي لينك فيها كويسة ومنطقة تانية تي داتا

[S O P H O S]

مش بفضل شركات الموبيل
لو الاستخدام فالبيت

[sha2e]

كل اشتراك ليه مميزاته وعيوبه
نبدأ بـ " تي اي داتا "
مميزاته :
1- انه ارخص خصوصا فى العرض الموجود حاليا هتشترك في عرض طلقة 15 جيجا بـ 50 جنيه في الشهر لمدة 6 شهور وبعد كده هيبقى بـ 100 جنيه في الشهر
2- انك ممكن تشغل أكتر من جهاز في نفس الوقت بسهوله شديده
عيوبه :
1- انك ملتزم بالبيت فقط يعني بره البيت مفيش نت علي لاب او تاب او موبيل
2- لابد من وجود خط ارضي

باقات الانترنت

http://www.vodafone.com.eg/vodafoneportalWeb/ar/P27400666981418154012228

https://www.mobinil.com/ar/mobinil-business/unlimited#medium

موبايل انترنت

متوسط الاسعار باقة المائة جنية هتعطيك 7 جيجا تقريبا

المقارنة بين الثلاث شبكات :
طبعا الافضلية بين الشركات قبل اي شيئ حسب المكان يعني تجرب على الموبيل الاول اقوى شبكة 3G والشبكه الاقوى سواء اتصالات او موبينيل او فودافون اشترك فيها
وفي العموم افضلهم : اتصالات
1- السرعة بتقل بعد استهلاك الباقة مش بيسحب ويخلص الرصيد زي فودافون في الاشتراكات الجديدة
2- بتعطيك باقه مجانيه اضافيه عند طريق wifi بس لازم تكون المكان اللى انت فيه لاقت شبكة wifi اتصالات عشان تستفيد من باقة wifi المجانية
3- تغطيتها وسرعة تعتبر افضل من فودافون وموبينيل في معظم الوقت وليس كله ( حسب المكان )

مميزات الباقات :
1- النت معاك في اي مكان بيتك شغلك في الشارع وفي اي مكان معاك نت

عيوبه :
بالنظر للاسعار هنلاقي انه يعتبر اغلي من الاشتراك الارضي


أتمنى أكون وضحتلك الموضوع بشكل واضحة

[sherif222]

النت الأرضى أفضل بكتييييييييييير طبعاً