مشكلة اجتماعية خطيرة مطلوب حل لها رجاء لمن فوق ال 25 عام فقط

[الفجر]

رجاء الموضوع محرج ولا احد يدخل دون ال 25 عام لانها مشكلة اجتماعية من الدرجة الاولى......

زرانى احد اقاربى فى اجازة نصف العام فى بيتى واستشارنى كطبيب اولا وكقريب مقرب لة ثانيا من مشلكة مرضية تسببت فى مشكلة اجتماعية خطيرة

(ولن استطيع حكى التفاصيل فرجاء من الاعضاء لا احد يسال السبب التفصيلى )


المهم اشتكى قريبى من وجود مشكلة اثناء المعاشرة الزوجية ان زوجتتة اصيبت بمرض يصعب من خلالها اتمام العملية الزوجية كاملة واصبح الرجل لا يشعر باللذة او الاحساس المفروض يشعر بية كزوج مع زوجتة ...اكيد الكلام مفهوم

فقرر الرجل الزواج فى السر منعا لان يتسبب هذا فى احراج زوجتة او يوثر على معنوياتها ويزيد الحالة المرضية عند الزوجة ويكون سبب فى اتعاسها خصوصا انة لا يريد انة يصدمها فى مرضها كما انة يعرفها جيدا وهو فى الاصل بيمثل عليها ان الموضوع تمام وكويس وانة شبع نفسيا وجسديا

والسوال المفترض كيف يمكن انة يتزوج سرا دون علم زوجتة الاولى حصوصا ومعروف ان القسيمة الزواج والبطاقة بيتكتب فيها ...فهل هناك حل للمشكلة

[MRBEBO]

كل حاجه وليها علاج دي حجج بصراحه لو فيه حب هيصرحها وهيساعدها تتعالج

[alizahran5]

مع الوقت مراتو الاولى هتعرف دا فى حالة لو هوا هيتزوج فى نفس البلد لاكن لو شغال برا بلدو ممكن يتزوج فى مكان شغلو بتكون حلوة شوية

[J A G U A R]

يا سلام .. يعنى هو خايف عليها يقوم يتجوز عليها ومن وراها !!
لو خايف عليها بجد يفضل جنبها لغايه ما تتم علاجها او يرضى بقدره

[طارق _عبد السلام]

الاول يكمل علاج زوجته ويتحمل معها مرضها ولو لم يتم الشفاء هى من نفسها ممكن تعرض عليه الزواج من اخرى


لان نفس الموضوع يحدث معى اخى الفاضل لكن ليس لهذه المشكله فى موضوعك ...... وبالفعل زوجتى عرضت على الزواج من اخرى ...... لكن من فضل الله اتحمل لان مهما كان الموضوع برضاها فهو صاااااادم جدا واصلا مرضها لايتحمل الغضب او حتى التوتر.... فوجدت انى ساقضى عليها ....... والحمد لله على كل حال

المفروض صديقك يتحمل مرض شريكته فى الحياه على قدر المستطاع ويتعب شويه .. وباذن الله ربنا يشفى زوجته

[فتح الباب]

رغم انك دعوت الكل للمشاركه الا اننى اسف للتدخل لكن بما انك دعوتنى ايضا ساتدخل بصراحه وياريت من غير زعل ارجوك هو تزوج عليها ليس لهذا السبب المذكور بدليل انه لو لهذا السبب لكان من الممكن ان يكون الوضع معكوس يعنى انت مكانها وهى مكانك ففى هذه الحاله ماذا انت فاعل دى حاجه الحاجه التانيه لو انت لا قدر الله اللى مريض بهذا المرض انا متاكد انها ستصبر معك على الاقل يا اخى بحكم عاداتنا وتقاليدنا كشرقيين فارجو منك حاول تعالج الموقف بحكمه شويه قدر الامكان وربنا يوفقك لما فيه الخير واسف جدا لك لكن تذكر اننى كعضو انت دعوتنى واسف مره تانيه

[FAR!D]

الاول يكمل علاج زوجته ويتحمل معها مرضها ولو لم يتم الشفاء هى من نفسها ممكن تعرض عليه الزواج من اخرى

اسلم رد من وجهه نظري و برضوا عايز اقولك بما اننا متزوجين ان المتعه الجنسيه ليها أشكال كتيره اوي
بصراحه و بدون زعل صحبك بيتحجج و ماستحملش مراته وقت محنتها
و فعلا لو لقيته راضي و صابر و واقف جنبها حتعرض عليه الزواج من نفسها و عن رضى
قوله يصارح نفسه انه نفسه يتجوز تاني و بس مرضها مش السبب الوحيد

[mastr_n]

مع احترامى لكل الردود الى بتعكس وجهات نظر سليمة جداا
بس فى مثل بيقول ان اللى ايدة فى المية مش زى اللى ايدة فى النار يعنى الاختبار صعب فعلا ولو اى حد فينا مكانة هايبقى القرار صعب علية
بس هوة لازم الاول يستحمل مراتة ويشوف طريقة للعلاج ويصبر عليها شوية
وفى الاخر لايكلف اللة نفسا الا وسعها لو العلاج محال يبقى الجواز بديل ودة مش عيب ولا حرام

وربنا يشفيها ويشفى جميع مرضانا اللهم امين

[ibrahim sallam]

في الحقيقه أن أجدر شخص يقوم بتحديد إذا كان في إستطاعته الصبر على هذا الآمر أم لا هو الزوج نفسه.

وهذا النوع من ( المرض) بمثابة إعاقه للزوج فلايمكن بحال ان نفصل بين مرض الزوجه بعيدا عن الزوج لآن

الزوج متضرر بلا شك من هذا المرض( حسب مافهمت من كلام حضرتك).

بعض الآعضاء نظر الى الموضوع لن اقول نظره سطحيه بقدر ما هي نظرة شفقه غلبت عليها العاطفه.

ولفت نظري ايضا من خلال كلامك يا دكتور انك لم تنكر عليه هذه الفعله( الزواج من اخرى) بل تبحث له عن حل

حتى لاتعرف زوجته الاولى انه متزوج من أخرى

أنا لا استطيع ان انكر على الرجل او القي عليه اللوم ( لانه اعلم بظروفه واحواله)..

وعلى كل الاحوال هو لم يفعل حراما بل يكاد يكون فعله واجب وضروره(وهو ادرى بظروفه).

وهنا السؤال موجه لحضرتك

ماذا تعني بالزواج في السر؟!

[a7medsh3rawi]

من حق الزوج انه يتجوز حتى لو اربعه
ومش لازم يكون فى سبب
ممكن تكون زوجته بكامل صحتها ومفيهاش اى عيب ويتجوز عليها اتنين وتلاته
ربنا سمحلنا نتجوز وهو اعلم بحالنا
وبرضه ربنا ما اداش الحق للمرأه انها تتجوز اكتر من واحد ولازم ترضى بكده

بالنسبه لصاحب المشكله
ــــ علاج الزوجه
1- هيقعد مع مراته ويتكلم معاها
2- يروحوا لدكتور ويعالجوها
ـــ الزواج
1- يقول لمراته انه عايز يتجوز بكل هدوء وبساطه
2- يكون قادر ماليا ويقدر يعدل بين الاتنين فى المصاريف والحياه الزوجيه
3- يكون الجواز فى العلن وقدام الناس
لان من شروط الجواز (االقبول والايجاب / الاشهار / تسجيل عقد الزواج)

والله اعلى واعلم

[AmrAlex]

الخلاصه انه عايز يتجوز من غير ما تعرف واعتقد ان ده صعب لانها لازم تبلغ
ولو حصل اي تلاعب ممكن يقع طائله القانون

[A7medelfe2y]

الاول يكمل علاج زوجته ويتحمل معها مرضها ولو لم يتم الشفاء هى من نفسها ممكن تعرض عليه الزواج من اخرى


لان نفس الموضوع يحدث معى اخى الفاضل لكن ليس لهذه المشكله فى موضوعك ...... وبالفعل زوجتى عرضت على الزواج من اخرى ...... لكن من فضل الله اتحمل لان مهما كان الموضوع برضاها فهو صاااااادم جدا واصلا مرضها لايتحمل الغضب او حتى التوتر.... فوجدت انى ساقضى عليها ....... والحمد لله على كل حال

المفروض صديقك يتحمل مرض شريكته فى الحياه على قدر المستطاع ويتعب شويه .. وباذن الله ربنا يشفى زوجته

بأيد الرأي دا جدا جدا وبحييك عليه

[الفجر]

بخصصوص الرودود التي تتبنى موضوع العلاج للزوجة أولا

الموضوع مش سهل ومحتاج سنين هذا ان اتعالجت أولا ... ثانيا هي لا تهتم بالموضوع أصلا لانها في نفسها فاكرة انة خلاص شبع وخد حقة..... وهو الراجل مش عايز يصدمها وكفاية مرضها واللى فيها وهى أصلا عمالة مهتمية بحالتها المرضية اكتر من اى حاجة تانية

بالنسبة انة يقلها اتجوز عليها ....... فهى من نوع الزوجات التي لا تقبل القسمة على اتنين بدا مهما كانت الظروف ف ستات كدة ونوغية كدة واصلا قانون الخلع بيخلى الزوجة فوق كل شيء بتاخد الشقة والأطفال والنفقة وكل شيء وبيخلى الزوج في الشارع

بخصوص الراجل فهو طبعا تعبان جدا لان الموضوع طول علية وحاول يصبر ولكن للصبر حدود ومعتش قادر يستحنل ولو صبر كمان ممكن والعياذ بالله يزنى فالافضل هو الزواج ولكن زواج في السرر


وهو ما يمنعة ان زوجتة تعرف فهل الجواز فالسر هل هو الحل وكيف؟

[ledous]

هي كده كده هاتعرف في المستقبل لكن ساعتها هايكون رد فعهلها صعب جا فالافضل انه يصارحها الاول قبل الزواج

[بحار]

ب واصلا قانون الخلع بيخلى الزوجة فوق كل شيء بتاخد الشقة والأطفال والنفقة وكل شيء وبيخلى الزوج في الشارع

مين قال لحضرتك كده .. الكلام ده خطأ تماما . مش بتاخد اى حاجه لو طلبت الخلع .

من ناحية الزواج بدون علم الزوجه .. مستحيل لأنه بيكتب فى القسيمه اذا كان سبق له الزواج واللا لاء .. وبيتم ابلاغها مش عارف عن طريق المأذون والا محضر من المحكمه مش فاكر ,,
وطبعا لو كذب وقال لم يسبق له الزواج وجت الزوجه رفعت دعوى تطليق وقالت لم يتم ابلاغها .. يبقى صاحبك لبس فى حيطه وهايتحبس للتزوير .

اما من ناحيه الزواج التانى ده يقدر يقول القول الفصل فيه الزوج
يقدر يتحمل والا لاء ؟؟
ممكن يخطئ لو لم يتزوج ؟؟

اخيرا فيه زوجه المفروض يتحملها الزوج حتى لو فيها امراض الدنيا ليه .. مثلا وقفت جنبه وهيا اللى عملته وساعدته ومن غيرها ماكنش لة لازمه ..
وكانت قبل مرضها مخلياه سعيد ومتهنى .. دى تستحق الصبر عليها حتى لو بدون أمل.

- وزوجه تانيه عكس الكلام ده كلة .. يبقى يتجوز عليها طبعا .. ده مش بيعمل جميل فى نفسه .. ده بيعمله فى البشريه كلها ..

عرفت بقى ان الموضوع ده اللى يحدده الزوج بس .