مغترب و عندى مشكله عاوز رايكم فيها

[م. حاتم السباعي]

السلام عليكم
اولا احب اقول حاجه انا خاطب دلوقتى بقالى 3 سنين و شهر بغض النظر عن الاسباب ان المده طويله
2- عندى 25.5 سنه و خطيبتى نفس السن اصغر بشهور
3- انا سافرت قطر شهر 3 اللى فات و طبقا للاتفاق ان الاجازه بتكون بعد سنه و طبعا بما انى عارف وضع المشروع اللى انا فيه و ان حالته مش حلوه فكنت حاسس انهم مش هينزلونا فى ميعادنا المهم قعدت مع المديرين بتوعى فى شهر 10 اللى فات و قولتله انا هنزل الاجازة الجايه اتجوز و عاوز احجز قاعه و اعرف نسايبى ميعاد الفرح و الخ
فطلبت منهم يحددوا ميعاد اجازتى و كان كلامى معاهم واضح و صريح انهم لو عاوزنى اقعد بعد السنه مفيش مشكله بس يقولو من دلوقتى المهم الساده المديرين قالوا لا خلاص هتنزل فى ميعادك شهر 3 و مضوا على الاجازة و بناء عليه حجزت فرحى 19/3 فى قاعه و دفعت جزء من الفلوس
و العروسه حجزت فستان و دفعنا فلوس فى اكتر من حاجه
المهم الايام دى بقدم ورقة عشان يجهزوا مستحقاتى قبل ما انزل قالولى الكفيل رافض انزل يمين شمال مفيش فايده اخر حاجه قالها ان لو مصمم ينزل يقدم استقاله مفيش اجازات
ناخد فى الاعتبار بعض الاشياء
1- علافتى كانت حلوه جداااااااااا بالمدير و الكفيل قبل الموقف ده
2-اصغر مهندس فى الشركه و اكتر واحد مظلوم فى مرتبى بشهاده ناس كتير و اكتر واحد الناس بتشكر فى شغله بدليل ان رغم ان خبرتى صغيره لا تتعدى 3 سنوات الا ان المشروع كبير و المالك هنا الحكومه و كان حاطط شرط ان اى مهندس يكون اقل شى خبره 5 سنين و رغم ذلك وافقوا عليا و بيشكروا فيا الحمد لله فضل و نعمه من ربنا
3- كل زمايلى فى الشركه نزلوا اجازاتهم فى ميعادها بدون اى مشكله رغم ان برده مواقعه متاثرة بغيابهم و الكفيل مكنش معترض
انا قلبى و راحتى مياله للاستقاله اكتر صحيح قرار صعب و هلاقى شغل تانى ولا لا و انا نازل على جواز و هفتح بيت منين و ازاى و ساعات اقول ربنا كريم مبينساش حد
و حاسس ان لو وافقت ااجل و اقعد هيدوسوا عليا اكتر
عاوز رايكم

اخي الحبيب

انت في قطر

و انا كنت هنا في الغردقة في جبل الزيت و المسافة لن تزيد عن نصف ساعة بالطائرة و كنت اعمل بارت تايم يعني حر نفسي و مع ذلك حاجة الشغل منعتني من النزول لاتمام زفافي و اتصلت بحمايا و شرحت له الموقف و عذرني و حددنا ميعاد اخر و فعلا نزلت في الميعاد التاني بس كنت صفيت معاهم وتركت المشروع ده ومرجعتلوش تاني لبعد المسافة ولاني كنت سأضطر للتواجد فيه اكثر من 25 يوم و الاجازة كانت هتبقي 5 ايام فقط شيل يوم رايح ويوم جاي يبقي هتصفي عل 3 ايام فقط

المهم بعد الزواج نزلت شغل 8 يوم زواجي ايضا مؤقت كان مشروع في سيناء

وبعد 3 شهور من الزواج قعدت من الشغل خالص هههههههههههه 3 شهور كاملة في البيت مكنش فيه شغل

تخيل بقي 3 شهور كاملة

كنت عمال اقول وقتها و لا يوم من ايامك يا جبل الزيت هههههههههه

طبعا انا بحكي لك ما حدث معي لتعلم اننا جميعا في الهوا سوا و حصلنا واحنا صغيرين مواقف صعبة

توكل علي الله وصلي استخارة و انا لن اقول لك رأيي الخاص

انت اولا كن علي يقين ان الرزق بيد الله وحده لا بيد الكفيل و لا الغفير

و انت اتفقت معهم و العقد شريعة المتعاقدين

و حال البلد هنا لا يسر عدو و لا حبيب ههههههههههههه يعني برضه لازم تفكر كويس

و وقوفك بجانك كفيلك ايضا لن يكون بالساهل كده

و لو هيحصل زعل من نسايبك او لن يقدرو لان الظروف عندهم صعبة فلا تخسرهم لانهم اهم من الشغل ومن الكفيل

بس لو هيقدرو يبقي الشغل و الفرصة مهمة

ان شاء الله تختار صح و ربنا يوفقك للاختيار الامثل

[eng/muhamad]

شكرا لكل الردود
اخر حل توصلت له ان انا هقابل الكفيل يوم السبت ان شاء الله اشرحله ظروفى كامله اقتنع و وافق على النزور خير و بركه مقتنعش يبقى مفيش نصيب اكمل معاهم

[hh]

شكرا لكل الردود
اخر حل توصلت له ان انا هقابل الكفيل يوم السبت ان شاء الله اشرحله ظروفى كامله اقتنع و وافق على النزور خير و بركه مقتنعش يبقى مفيش نصيب اكمل معاهم

ربنا يوفقك يا رب. حاول توصل معاه لحل وسط. يعني لو وافق يديك أسبوع واحد حتى تتمم جوازك فيه و تقضي يومين مع عروستك يبقى خير. لو مرضيش متتسرعش و أحسبها كويس. انت داخل على جواز و مسئولية و الظروف صعبة اليومين دول. متشيلش نفسك حمل زيادة و حتى لو حكمت انك تأجل فرحك رغم صعوبة الموضوع ده المادية و النفسية أجله و ربنا ييسر لك في تاريخ تاني ان شاء الله و يكون الأفضل انك تتفق مع الكفيل عليه خلال مقابلتك معاه لو قفلت خالص انك تقنعه بالأجازة دلوقتي.

[zrzr1]

شكرا لكل الردود
اخر حل توصلت له ان انا هقابل الكفيل يوم السبت ان شاء الله اشرحله ظروفى كامله اقتنع و وافق على النزور خير و بركه مقتنعش يبقى مفيش نصيب اكمل معاهم

ايه يااخي طمنا وصلت لأية ؟!! ربنا ييسر امورك

[eng/muhamad]

الحمد لله تم حل المشكله و الكفيل وافق على الاجازة

[أحمد كمال]

الحمد لله مبروك يا عريس

[eng/muhamad]

الله يبارك فيك و الدعوه عامه ان شاء الله

[zrzr1]

الف بركة يا عريس..قسم بالله لو انا ف مصر لحاضر فرحك الف مليون مبروك

[eng/muhamad]

الله يبارك فيك و تنورنى

[reda elgohary]

ربنا ييسر لك كل عسير .

[Samah AbdAllah]

يعنى فالمشكلة قولت ولما اتحلت طنشت الناس اللى قعدت تفكر وتدورلك على شغل :)
الف مبروك يا بشمهندس ربنا يكتبلك الخير

[أبو آسر]

الحمد لله
بارك الله لكما وبارك عليكما وجميع بينكما في خير
ألف مبروك وربنا يتمم على خير

[eng/muhamad]

يعنى فالمشكلة قولت ولما اتحلت طنشت الناس اللى قعدت تفكر وتدورلك على شغل :)
الف مبروك يا بشمهندس ربنا يكتبلك الخير :018a1d~146:

الحمد لله بس انا من فرحتى ماكنتش بفتح نت اصلا و كنت برتبامورى و ورقى و حاجتى عشان السفر
و الله يبارك فيك