إعـــــــلان

Collapse

.

,
See more
See less

رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول

Collapse
X
 
  • Filter
  • الوقت
  • Show
Clear All
new posts

  • رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول



    رحلة الى الاقصر واسوان

    السلام عليكم ورحمة الله وبركاتة
    الموضوع دة والمواضيع اللتى تلية بنفس الاسم لكن على اجزاء ربما تكون اربعة او خمسة هى تفاصيل رحلة قمت بها عائليا الى الاقصر واسوان فى الفترة
    من الجمعة 3-10-2014 الى الجمعة 10-10-2014وكانت فى العيد الكبير

    و انا هحاول اشرح الموضوع بكل الجوانب باختصار ووضوح عشان تكون مرجع لاى حد يحب يروح يتفسح فى الاقصر واسوان

    يعنى مثلا اية افضل الاماكن للزيارة
    ومواعيد الزيارة
    والاسعار
    والفنادق وتكلفتها
    والطريق ووصفة
    وتحذيرات ونصائح عامة

    فى البداية دى كانت رحلة عائلية بسيارتى دايو لانوس .......كنت انا وزوجتى وابنى عمر 9 شهور وبنتى ملك سنتين

    والرحلة لم تكن تابعة لشركة سياحية او برنامج محدد سلفا
    لكن نقدر نقول انها رحلة حرة

    طلعت من البيت يوم 3-10-2014 الساعة 10 صباحا من العاشر من رمضان واخدت الطريق الدائرى الاقليمى



    ونزلت منة على طريق الكريمات بتاع الصعيد
    او طريق الجيش زى ما بيقولو
    ووصلت بنى سويف ودخلت فولت بنزين وعملت رست لمدة ساعة وبعدين رجعت تانى طريق الجيش وفضلت علية لحد ما وصلت اسيوط وهناك بردو عملت رست لمدة ساعة








    الطريق ممتاز فردتين رايح جاى كل فردة منهم 3 حارات والسرعة القصوى الرسمية 120 كم
    بس تقريبا مفيش علية خدمات
    بنزينة عند الكارتة وبنزينة تانية عند الكارتة اللى فى اسيوط
    وشبكة المحمول موجودة فى اماكن واماكن لا

    بعد اسيوط الطريق بيبقى فردة واحدة رايح جاى بس واسعة ومعقولة جدا وكثافة السيارات عليها قليلة

    من بعد اسيوط الطريق متعرج لمسافة 40 كيلو فحاول تسوق بسرعة متوسطة فى المنطقة دى






    وهتلاقى بعض الكافتريات على اليمين واليسار
    3 كافتريات من بعد ما تطلع من الكارتة بتاعة اسيوط لسوهاج
    وبعد 80 كيلو تقريبا فى 2 كافتريا وبنزينة اسمها النيل
    بس غالبا مش هتلاقى فيها بنزين

    فانت اعمل حسابك انك تفول التنك للزور فى البنزينة اللى بعد كارتة اسيوط لان التفويلة دى هيا اللى هتوصلك الاقصر

    هتعدى من برة على سوهاج وتاخد الصينية شمال وبعد حوالى 90 كيلو تانيين هتلاقى صينية كبيرة بردو هتاخدها يمين وبعدها بحوالى 100 كيلو هتلاقى
    نفسك داخل يمين اجبارى الى قنا

    هتاخد اليوترن بعد 500 متر وهترجع تانى وتدخل يمين من جنب الكمين ومن بعد الكمين بيبقى تقريبا فاضل 60 او 70 كيلو على الاقصر

    بصفة عامة انت مش محتاج تسأل اى حد لو التزمت وركزت مع اليفط الارشادية اللى على الطريق من بدايتة لنهايتة هترشدك من القاهرة للاقصر بدون اى مشاكل

    ودى صورة خط السير اللى انا مشيت علية والخط الازرق الرفيع هو دة الطريق اللى انا مشيت علية ومحدد على الصور مكان الانطلاق ومكان الوصول





    بعد ما تدخل الاقصر طبعا محتاج فندق او شقة مفروشة

    بالنسبة ليا الاختيار كان فندق وكتير منهم موجود فى وسط البلد وفى شارع التليفزيون

    وبعد بحث ومشاهدة اكتر من فندق طلعت بالنتيجة دى:
    الفنادق فى الاقصر متقسمة لاربع مستويات

    1 - المستوى الشعبى ودى سعر الغرفة 2 سرير بيترواح من 35 الى 70ج وبتكون حاجة بسيطة خالص عبارة عن غرفة بها 2 سرير + 2كرسى + دولاب + مروحة سقف

    2 - المستوى المتوسط ودى بتكون معقولة جدا وسعرها بيتراوح ما بين 90 الى 150ج وفيها كل اساسيات الخدمة الفندقية يعنى بتكون غرفة 2 سرير + 2 كرسى + دولاب +تكييف
    + مينى بار + 2كومودينو + ترابيزة + تليفون الروم سيرفيس + + تليفزيون بدش مركزى او بوصلة دش متعددة القنوات

    بس دايما بيكون فيها ملاحظة بسيطة يعنى مثلا ممكن تلاقى كل حاجة تمام وزى الفل بس الاسانسير مثلا مش شغال
    او الاسانسير بيطلع ومينزلش
    او البانيو بتاع الحمام صغير شوية

    يعنى بتبقى ملاحظات بسيطة لكن غير كدة كل حاجة بتبقى تمام

    3 - المستوى فوق المتوسط ودى اسعارها بتتراوح من 180 الى 300ج وبتقدم الخدمة الفندقية على اكمل وجة وبتكون هاف بورد او فول بورد ودى اللى بتتصنف كفنادق 3 او4 نجوم

    4 - المستوى الرابع ودى بتبقى الفنادق العالمية ودى طبعا مش محتاجة شرح

    وصلت الاقصر الساعة 10 باللليل
    يعنى الطريق اخد منى 12 ساعة
    المسافة الفعلية المقطوعة 912 كيلو متر من باب البيت لباب الفندق

    طبعا اول يوم بيخلص فى السفر والحجز وتبدا من تانى يوم الرحلة بتاعتك

    بالنسبة للاقصر الاماكن اللى تستحق الزيارة هيا

    1 - معبد الاقصر موجود فى وسط البلد فى البر الشرقى فى ميدان ابو الحجاج ويعمل من 7 صباحا الى 8 او 9 مساء وسعر تذكرة الدخول 3 ج

    2 - معبد الكرنك موجود على بعد حوالى 3 كيلو من معبد الاقصر ويعمل فترتين الاولى من 8 صباحا الى 4 عصرا والتانية اللى هيا عروض الصوت والضوء من 7 الى 10 مساء وعرض اللغة العربية
    بيكون يوم الخميس تذكرة الصوت والضوء للمصريين ب 20ج والتكرة العادية بتاعة بالنهار 4ج

    3 - متحف التحنيط ودى على بعد 500 متر من معبد الاقصر (ميدان ابو الحجاج) على كورنيش النيل ويعمل من 9 صباحا الى 1 ظهرا وسعر التذكرة 4ج

    4 - متحف الاقصر ودة على بعد حوالى كيلو من معبد الاقصر (ميدان ابو الحجاج) على كورنيش النيل ويعمل من 9 صباحا الى 1 ظهرا وسعر التذكرة 10ج

    كدة يبقى انت تقريبا خلصت الاثار اللى فى البر الشرقى ميفضلش غير طريق الكباش اللى اولة موجود فى معبد الاقصر والمفروض ان نهايتة فى معبد الكرنك بس هما لسة شغالين علية

    يتفضل عندك الاثار اللى فى البر الغربى وهيا

    وادى الملوك
    وادى الملكات
    معبد هابو
    معبد الرامسيوم
    تمثال ممنون
    حتسبشوت

    بس التفاصيل بتاعتهم هتكون فى الجزء التانى مش فى الموضوع دة


    تانى يوم الصبح رحت معبد الكرنك
    ودى معلومات كاملة عن المعبد

    معبد الكرنك - ويكيبيديا، الموسوعة الحرة

    اول ما بتوصل المعبد هتلاقى قدام منة باركن كبير للعربيات وبعدين تقطع تذكرة ب3ج وبعدين هتلاقى قاعة ضخمة هتدخل منها هتلاقى فى منتصفها ماكيت صغير لمعبد الكرنك بالكامل
    وعلى الاجناب صور للمعبد قديما ولاعمال الترميم اللى اتعملت لة ولبعض الاليات اللى شاركت فى الترميم ودى صورة للماكيت وفيديو للقاعة

    ملحوظة : كل الفيديوهات الموجودة فى الموضوع HD لكنها قصيرة فيرجى الانتظار لحظات قبل التشغيل او اختيار HD من قائمة التشغيل الخاصة بالفيديو فى اليوتيوب






    بتخرج من الناحية التانية هتلاقى مساحة فاضية هتمشى فيها لحد ما توصل معبد الكرنك




    الصورتين اللى جايين تحت بعض بالترتيب
    الاولى لواجهة المعبد التقطت فى اوائل القرن العشرين
    التانية صورة لنفس الواجهة حاليا
    بعدها ملف فيديو لنفس الواجهة











    بعدها بتدخل على بهو طهرقا واللى منة المدخل بتاع قاعة امون

    والصور التالية بالترتيب كالتالى
    الصورة الاولى لمدخل قاعة امون التقطت سنة 1878
    الصورة التانية لنفس المدخل التقطت فى اوائل القرن العشرين
    الصورة التالتة التقطت فى خمسينيات القرن القرن الماضى
    الصورة اللى تحتها دى الوقت الحالى
    الفيديو اللى تحتها لبهو.طهرقا اللى هو يعتبر ضهر واجهة المعبد وفيه مدخل قاعة امون













    بعد كدة بتدخل قاعة امون اللى هيا تعتبر اكبر قاعة اعمدة فى العالم

    والصور التالية دى مجموعة صور متفرقة لقاعة امون وتحتها ملفين فيديو


















    بتخرج من قاعة امون الى معبد رمسيس التالت
    ودى صور وفيديو ليها








    الصورتين التاليتين
    اول صورة لتماثيل فى الصرح السابع التقطت فى اوائل القرن العشرين
    والصورة اللى تحتها لنفس التماثيل وتقريبا من نفس الزاوية التقطت ليا









    بعد كدة بتخرج على مقصورة المركب المقدسة اللى فيها قدس الاقداس وهتلاقى قبلها المسلات وبعد كدة بتدخل يمين على مسلة حتسبشوت الراقدة وبعد كدة بتدخل شمال على البحيرة المقدسة

















    وبكدة يبقى خلصنا معبد الكرنك
    يتفضل عندك عرض الصوت والضوء وهو حاجة جميلة جدا وساحرة لكن لازم تاخد بالك ان العرض باللغة العربية بيكون يوم الخميس فقط الساعة 7او 8 على ما اذكر

    دة كدة نهاية الجزء الاول لان مينفعش اعمل الرحلة كلها فى موضوع واحد لان عدد الصور اللى صورتها فى الرحلة 2036 صورة وعدد مقاطع الفيديو 84 مقطع فطبيعى انى اقسم الرحلة على اجزاء

    اللى اللقاء فى الجزء التانى واللى هيكون اسمة :
    رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء التانى)
    [SIZE=2][SIZE=5][COLOR=Blue]zarif سابقا[/COLOR][/SIZE]
    [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

    [SIZE="6"][COLOR="Blue"]zarif سابقا[/COLOR][/SIZE]

  • #2
    تقرير ولا اروع منك
    حمدالله على السلامه وربنا يخليلك الامورة
    ولو اجتمعوا على ان يضروك بشيء لن يضروك الا بشيء قد كتبه الله لك

    Comment


    • #3
      تقرير رائع فى انتظار الجزء التانى

      Comment


      • #4
        ما شاء الله
        عوداً حميداً لتقاريرك الممتازة
        [CENTER][SIGPIC]http://www.nilemotors.net/Nile/signaturepics/sigpic115286_2.gif[/SIGPIC][/CENTER]

        Comment


        • #5
          باشا ده مش تقرير .. ده مرجع
          متميز كالعاده go on
          [url=http://nileup.com/up/][img]http://nileup.com/up/uploads/nilemotors_13793320201.jpg[/img][/url]

          Comment


          • #6
            رااااااااااااااااااائع جدا .. تسلم إيدك

            Comment


            • #7
              اكثر من فرحى بالتقرير الاحترافى (اقل ما يوصف عنه ) هو سعاداتى برجوعك يا درش و بقيت عمال انظر فى التواريخ و اتأكد من التاريخ و انه مش قديم و مرفوع

              تسلم يا باشا
              [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
              [RIGHT]------------------[/RIGHT]
              [CENTER][COLOR=blue]بسم الله الرحمن الرحيم[/COLOR][/CENTER]
              [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
              [CENTER][COLOR=blue]صدق الله العظيم[/COLOR][/CENTER]
              [CENTER][COLOR=blue]التوبة 105[/COLOR][/CENTER]
              [COLOR=#ff0000][/COLOR]

              Comment


              • #8
                كالعادة ترتيب و ابداع و معلومات
                تسلم يمينك:)
                [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]

                Comment


                • #9
                  ايوة بقي يا ظريف دي التقارير ولا بلاش
                  بتسخني انت كدة عشان انزل تقرير رحلتي للاقصر واسوان :-)

                  جروب ورشة نايل موتورز علي الفيس بوك


                  صفحة ورشة نايل موتورز على الفيس بوك

                  Comment


                  • #10
                    عودا احمد
                    تقرير رائع ا
                    حلي مافي التقرير هو المغامره بائنك تروح الاقصر بعربيتك
                    [SIGPIC][/SIGPIC] ياتقول كلام في محله يا تقول حلو ياحلو
                    [url]/photos/a.879931698703941.1073741827.879900435373734/879931905370587/?type=1[/url]

                    Comment


                    • #11
                      المشاركة الأصلية كتبت بواسطة speed_magnum مشاهدة المشاركة
                      تقرير ولا اروع منك
                      حمدالله على السلامه وربنا يخليلك الامورة
                      الله يسلمك ومتشكر جدا لحضرتك


                      المشاركة الأصلية كتبت بواسطة hobiko مشاهدة المشاركة
                      تقرير رائع فى انتظار الجزء التانى
                      قريب ان شاء الله

                      المشاركة الأصلية كتبت بواسطة friendship7897 مشاهدة المشاركة
                      ما شاء الله
                      عوداً حميداً لتقاريرك الممتازة
                      شكرا جزيلا يا فندم ودة جزء من مجموعة اجزاء قادمة بأذن الله وبالتفصيل الممل

                      المشاركة الأصلية كتبت بواسطة naser_56 مشاهدة المشاركة
                      باشا ده مش تقرير .. ده مرجع
                      متميز كالعاده go on
                      دة بس من زوقك

                      المشاركة الأصلية كتبت بواسطة shakshak2011 مشاهدة المشاركة
                      رااااااااااااااااااائع جدا .. تسلم إيدك
                      جزاك الله خيرا

                      المشاركة الأصلية كتبت بواسطة mtak مشاهدة المشاركة
                      اكثر من فرحى بالتقرير الاحترافى (اقل ما يوصف عنه ) هو سعاداتى برجوعك يا درش و بقيت عمال انظر فى التواريخ و اتأكد من التاريخ و انه مش قديم و مرفوع

                      تسلم يا باشا
                      مش هتصدقنى لو قلتلك ان كلامك اثر فيا بجد وانى احس ان فية ناس ليا معاهم عشرة وود رغم انها على صفحات الانترنت وبجد شرفت موضوعى يا استاذ محمد


                      المشاركة الأصلية كتبت بواسطة gelgel2004 مشاهدة المشاركة
                      كالعادة ترتيب و ابداع و معلومات
                      تسلم يمينك:)
                      جزاك الله كل خير
                      [SIZE=2][SIZE=5][COLOR=Blue]zarif سابقا[/COLOR][/SIZE]
                      [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

                      [SIZE="6"][COLOR="Blue"]zarif سابقا[/COLOR][/SIZE]

                      Comment


                      • #12
                        المشاركة الأصلية كتبت بواسطة Karim_Monir مشاهدة المشاركة
                        ايوة بقي يا ظريف دي التقارير ولا بلاش
                        بتسخني انت كدة عشان انزل تقرير رحلتي للاقصر واسوان :-)
                        متشكر لمرورك كريم باشا وعايز اقولك ان التقرير دة اخد منى بتاع 7 ساعات متقطعة بسبب مونتاج الفيديو عشان الخصوصية وبعد كدة كتابتة وبعد كدة رفع الصور وبعدين رفع الفيديو وبعدين تنسيق الكلام دة كلة داخل ملف تكست وبعدين الرفع

                        شقى يعنى الموضوع مش بالساهل


                        المشاركة الأصلية كتبت بواسطة hugan مشاهدة المشاركة
                        عودا احمد
                        تقرير رائع ا
                        حلي مافي التقرير هو المغامره بائنك تروح الاقصر بعربيتك
                        هيا فعلا مغامرة بس طالما عامل احتياطاتك ومهتم بعربيتك ان شاء الله عمرها ما هتخذلك بالاضافة لانى قبل ما اشافر من باب الاحتياط كنت بحثت على النت على اوناش الانقاذ فى كل المحافظات اللى هعدى عليها وخزنتها معايا وكان فية اخ فاضل ومحترم من قنا وهو عضو معانا هنا فى المنتدى كان متابعنى بالتليفون طول الطريق لحد ما اتطمن انى دخلت الاقصر وهو الاخ الفاضل atpo56a
                        [SIZE=2][SIZE=5][COLOR=Blue]zarif سابقا[/COLOR][/SIZE]
                        [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

                        [SIZE="6"][COLOR="Blue"]zarif سابقا[/COLOR][/SIZE]

                        Comment


                        • #13
                          رائع جدا وجمدالله على السلامة

                          Comment


                          • #14
                            موضوع جامد من راجل ولا أروع .. ألف شكر ليك

                            Comment


                            • #15
                              ما شاء الله تقرير ولا اروع ...... منظم ... مرتب .... كعادتك

                              والاجمل طلتك الجميله من تانى

                              حمد لله على سلامتك استاذ مصطفى .... مفتقدينك ومنتظرين ابداعاتك كعادتك
                              [SIGPIC][/SIGPIC]

                              Comment

                              Working...
                              X