مساعده في اثاث و مفروشات شقه

[amir]

شباب ارجو سرعه مساعدتي في الموضوع ده:
واحد قريبي مسافر و هينزل الاسبوع الجاي و المطلوب اني اساعده في شراء الاثاث و المفروشات لتجهيز شقته
مفيش عنده وقت يقعد يلف معايا و انا قلتله ننزل دمياط نشوف ايه النظام برضه مش نافع معاه لأنها اجازه قصيره و وراه فيها الف مشوار
يا ريت تتكرمو عليا بالمساعده لو في اماكن بتتدي كتالوجات لمنتجاتها لان المتاح انه ينقي من صور و بعدين اشتري انا و اوديهالو البيت
ضروري سرعه المساعده يا شباب ربنا يكرمكو و لو عروض اسعار برضو يبقي 100 100
و الف شكر و عقبال عندكو يا رب

[TaoTao]

يوجد فرع دائم لصانعي الأثاث الدمايطة بأرض المعارض - مدينة نصر .. أنا اشتريت منه معظم أثاث منزلي الحالي .. هي أسعارهم مافيهاش فصال جامد زي ماتروح لدمياط بس حاجاتهم كانت كويسة وأسعارها معقولة

[mokhtar]

بما انى دمياطى هحاول افيدك واقولك على شويه معارض فى القاهره هى اساسا فروع لكبرى المعارض فى دمياط لان بصراحه مش هاعرف افيدك فى موضوع الكتالوجات ده
متولى العراقى ..شارع مصدق -الدقى
الحناوى للاثاث.. شارع جوزيف تيتو اما سور المطار بجوار شركه بتروجت- النزهه الجديده
اولاد على البدرى..شارع نادى الصيد -الدقى
يوسف العراقى..شارع فيصل بجوار كليه التربيه الرياضيه
نجم للاثاث ..شارع الخليفه المامون -مصر الجديده
وعندك ارض المعارض فيها جناح دائم للاثاث الدمياطى
..وعلى فكره اللى انا كتبتهم دول اباطره صناعه الاثاث فى دمياط ومصر كلها
خد اللينك ده لو حبيتوا تنزلوا دمياط هتلاقينى شارح كل حاجه بالتفصيل اسماء المعارض والاسعار وكل شىء وربنا يوفقكم



.mokhtar..

[amir]

الف الف شكر علي المساعده يا شباب

[نور القمر]

على فكرة في منطقة في العتبة اسمها المناصرة مخصصة للاثاث
هاتلاقي هناك كل المستويات
الغالي والرخيص والنص نص
عيبها ان المعارض مش منظمين الموبيليا ومفيش ديكورات ومفيش اضاءة مبهرة تظهر الموبيليا
كل دي عوامل ممكن تاثر فيك وتسد نفسك بمجرد دخول السوق
لكن لوتأنيت في البحث واللف هاتلاقي حاجات جميله واسعارهم زي دمياط
وهاتلاقي نفس الموبيليا اللي عند المحلات اللي ذكرها مختار باشا هي اللي في المناصرة مع فرق رهيب في الاسعار ممكن يوصل للضعف في بعض الاماكن
وده بناءا على تجارب لقرايبي اشتروا من دمياط ومصر الجديدة

[mokhtar]

انا اسف جدا جدا نسيت احط اللينك اللى قولت عليه فى المشاركه الاولى

http://www.nilemotors.net/Nile/showthread.php?t=38936

اللينك ده لموضوع سابق زى ده موضح فيه تفصيليا من اول وانت داخل دمياط جاى من القاهره وكل المعارض اللى هتلف عليها والمناطق اللى فيها المعارض وازاى توصلها وكيفيه التعامل مع التجار والاحتياطات الواجب وضعها فى الاعتبار




..mokhtar..