ايه الطرق للسفر

[midoabdeen]

السلام عليكم ورحمه الله وبركاته

عايز اسافر برا مصر اي دوله عربيه للشغل

الناس اللي سافرت ياريت يفيدونا عن الطرق اللي سافروا بيها والدنيا برا ماشيع ازاي

والناس اللى بتفكر تسافر ياريت باردوا تفيدونا بخبراتكم في البحث

البلد دي خربت وبقت صعب العيش فيها

معظم الشعب بقي زباله واخلاق زي الزفت والاكتر انك مجبر تتعامل معاهم

[AmrAlex]

والله معاك حق اخلاق الناس من اسوأ ما يكون والتعامل معاهم بقي صعب
مش انت لوحدك اللي عايز تهج من البلد
ربنا يصلح الحال

[Bassem Youssef]

شهاداتك العلميه ايه ؟ هل معاك مبلغ تعمل بيه مشروع ؟

[midoabdeen]

شهاداتك العلميه ايه ؟ هل معاك مبلغ تعمل بيه مشروع ؟

بكارليوس تجارة
يا سيدي بقولك عايز اسافر تقولي مشروع

[Bassem Youssef]

مشروع في البلد اللي انت عايز تسافرلها يعني

عموما انت لازم تحدد انت ناوي تروح فين و تشتغل ايه بالظبط

[Secret-Man]

قطر والامارات سوق حلو وبلد نضيفه وفيها كل الى نفسك تشوفه فى اوربا من نضافه وامن ويمكن احسن ولكن يعيبها غلو المعيشه جدا ارتفاع الايجارات والخدمات
السوق الوظيفى فيه تشبع عالى للمجالات العاديه بسبب كل البلاد العربيه طبعا هجت على الخليج بسبب الاحداث
المشاريع هناك كويسه طبعا بس محتاجه دراسه كويسه ومكلفه طبعا
ممكن لو معاك قرشين تشترى اقامه من مكتب خدمات مضمون فى الامارات وتقعد سنتين براحتك مش هيعدى عليك 3 او 4 شهور الا وهتلاقى حاجه ان شاء الله كويسه وتنقل منها للاحسن وناس كتير هنا عملت كده وربنا كرمهم بس صبروا فى الاول

السعوديه انا عن نفسى مبحبهاش نهائى الا للعمره والحج فقط لكن كبلد وشعب صعب التعامل معاهم بالاخص لو انت موظف والقانون العمل والعمال كلها فوق دماغ العامل وبيطلع عين اهله ببسبب الكفلاء الى دماغهم ضايعه

البحرين جمييييييله جدا بس سوق صغير ولكن الغريب ان فيها وظايف حلوه كتير والمعيشه فيها رخيصه وتقدر تحوش بسهوله اكتر من الامارات وقطر كمان

عمان بلد فقيره بعض الشيىء ولكن شعب طيب ومحترم جدا وفيها طبعا وظايف بس مرتبات ضعيفه شويه

ده ملخص الخليج لاخر سنتين فاتو حتى الان والله اعلم الى جاى ايه لسه ؟

[matrix_it]

ايه الدول العربية اللي مفيهاش نظام الكفيل غير السعودية طبعا

[midoabdeen]

قطر والامارات سوق حلو وبلد نضيفه وفيها كل الى نفسك تشوفه فى اوربا من نضافه وامن ويمكن احسن ولكن يعيبها غلو المعيشه جدا ارتفاع الايجارات والخدمات
السوق الوظيفى فيه تشبع عالى للمجالات العاديه بسبب كل البلاد العربيه طبعا هجت على الخليج بسبب الاحداث
المشاريع هناك كويسه طبعا بس محتاجه دراسه كويسه ومكلفه طبعا
ممكن لو معاك قرشين تشترى اقامه من مكتب خدمات مضمون فى الامارات وتقعد سنتين براحتك مش هيعدى عليك 3 او 4 شهور الا وهتلاقى حاجه ان شاء الله كويسه وتنقل منها للاحسن وناس كتير هنا عملت كده وربنا كرمهم بس صبروا فى الاول

السعوديه انا عن نفسى مبحبهاش نهائى الا للعمره والحج فقط لكن كبلد وشعب صعب التعامل معاهم بالاخص لو انت موظف والقانون العمل والعمال كلها فوق دماغ العامل وبيطلع عين اهله ببسبب الكفلاء الى دماغهم ضايعه

البحرين جمييييييله جدا بس سوق صغير ولكن الغريب ان فيها وظايف حلوه كتير والمعيشه فيها رخيصه وتقدر تحوش بسهوله اكتر من الامارات وقطر كمان

عمان بلد فقيره بعض الشيىء ولكن شعب طيب ومحترم جدا وفيها طبعا وظايف بس مرتبات ضعيفه شويه

ده ملخص الخليج لاخر سنتين فاتو حتى الان والله اعلم الى جاى ايه لسه ؟

شكرا علي الكلام الجامد دا
بس فكره اني اسافر ادور علي شغل دي صعبه اووووي لاني اصلا شغال هنا في شركة كبيره فعايز اخلع من البلد علي حاجه اعلي في المستوي وكمان الخطوبه والالتزامات اللي ورايا مينفعش خالص المغامرة
انا عايز اظبط مع حد هناك او اي شركة سفريات بحيث اني ابقي مسافر علي شغل

[mrvolt]

انا نفسى اهج من ام البلد دى انا عندى اكتئاب بقاله سنييييييين من وساخة الناس والجهل

[Secret-Man]

يبقا تطلع سفريه سياحه كده ومعاك سى فى محترم وتروح المكاتب ديه فى دبى فى خلال شهرين بالكتير هيجبولك شغل فى تخصصك بكل سهوله ده حل

والحل التانى حطتلك كل المواقع الى تقدر تقدم عليها للوظايف وفيها برضه ناس كتير بتشتغل عن طريقها

خد بالاسباب وفى الاخر ده رزق فى مصر او الخليج او حتى اخر الدنيا كلها ارض الله

[Secret-Man]

ولو عاوز تقدم من مصر ديه كل الشركات white list المضمونه الى تقدر تقدم عن طريقها ومرخصه

القائمة البيضاء لشركات إلحاق العمالة بالخارج

وديه الشركات النصابه البلاك لست فى البلد برضه علشان تكون متابع وتاخد بالك

القائمة السوداء لشركات إلحاق العمالة بالخارج

[M!SHO]

ممكن لو معاك قرشين تشترى اقامه من مكتب خدمات مضمون فى الامارات وتقعد سنتين براحتك مش هيعدى عليك 3 او 4 شهور الا وهتلاقى حاجه ان شاء الله كويسه وتنقل منها للاحسن وناس كتير هنا عملت كده وربنا كرمهم بس صبروا فى الاول
؟

ايه موضوع شراء اقامه ده ، انا اول مره اسمع عنه ، ياريت تقولي شوية تفاصيل عنه ؟

والقرشين دول تقريباً كام ؟

وهل الواحد ممكن يلاقي وظيفه معقوله وهو خبرته قليله ؟

[Secret-Man]

ايه موضوع شراء اقامه ده ، انا اول مره اسمع عنه ، ياريت تقولي شوية تفاصيل عنه ؟

والقرشين دول تقريباً كام ؟

وهل الواحد ممكن يلاقي وظيفه معقوله وهو خبرته قليله ؟

دلوقتى فى مكاتب خدمات سياحيه وزيارات بتعمل اقامات حره عادى اينعم بيع الاقامه ضد القانون ولكن فى النهايه انت عندك اقامه مسجله على السيستم وكل ورقها سليم فمحدش يقدر يكلمك والشركات ديه عندها خبره سنين فمحدش هيعرف يمسك عليهم حاجه من التفتيشات والكلام ده مزبطين امورهم من الاخر يعنى

سعر الاقامه طبعا بيكون حسب المسمى الوظيفى عليها يعنى مدير غير موظف غير عامل

ولكن سعرها بيتدى من 12 الف درهم الى 30 الف درهم لو اقامه مستثمر وبتبقا مدتها 3 سنين
لكن اى اقامه عاديه مدتها سنتين بس وبتجدد عادى

لو عاوز ارقام اى مكتب من دول ابعتهولك خاص عادى هما مفيش اكتر منهم