استشارة فى تهويه المطبخ

[smsm2015]

السلام عليكم

انا بجهز شقتى وحاطط البوتجاز تحت الشباك فى المطبخ فعاوز التهوية تكون كويسه فايه رايكم اركب شفاطين توشيبا كبار فى الشباك ولا اركب شفاط حديد واحد ولو حد عنده مقترحات اخرى يفدنا قبل ما اعمل الشباك ولكم جزيل الشكر

[midoabdeen]

بلاش الشفاط الحديد صوته عالي جدا

ومتهيالي ان شفاط واحد كفايه دا مطبخ شقه مش مطعم ياعني

[ainshouka]

انا برضه حاطط البوتاجاز عند الشباك ومركب شفاط فوقيه بس واحد بس كفاية مش لازم اتنين

[smsm2015]

اصل المطبخ معمول خشب ومساحته مش واسعة اوى شبه مستطبل فمش عاوز الدهون تلصق عليه او على الحيطه ..

فكرت احط الشفاط اللى بفلتر ده بس هيكون فوق الشباك مع شفاط عادى فى الشباك فمش عارف ينفع ولالا ..

[AmrAlex]

شفاط واحد كبير كفايه وياريت يكون باناسونيك احسن من توشيبا

[smsm2015]

شفاط واحد كبير كفايه وياريت يكون باناسونيك احسن من توشيبا

حضرتك جربت البانوسونيك فعلا وايه الفرق بينه وبين التوشيبا لانى ملاحظ ان فيه فرق فى السعر بينهم كبير ...

[AmrAlex]

حضرتك جربت البانوسونيك فعلا وايه الفرق بينه وبين التوشيبا لانى ملاحظ ان فيه فرق فى السعر بينهم كبير ...

انا جربت الباناسونيك في المراوح واكتر من ممتازة
والشفاط باناسونيك عند ناس اعرفهم من زمان جدا واكتر من ممتاز ملهوش صوت مزعج

[ainshouka]

اصل المطبخ معمول خشب ومساحته مش واسعة اوى شبه مستطبل فمش عاوز الدهون تلصق عليه او على الحيطه ..

فكرت احط الشفاط اللى بفلتر ده بس هيكون فوق الشباك مع شفاط عادى فى الشباك فمش عارف ينفع ولالا ..

طالما ان الشفاط فوق البوتاجاز فمش حيبقى فى دهون على الحيطان لان البخار بيطلع مباشرة من البوتاجاز للشفاط علطول لو حيبقى فيه دهون حتبقى بس عالحيطه اللى فيها شفاط لكن باقى الحيطان مفيهاش دهون

[amr011111]

ِشفاط واحد كفايه وطبعاً يبقى فوق الشباك افضل

بس ابعد عن اوليمبك اليكتريك فكينا المروحه نغسلها اتكسرت بسهوله جداً معموله من ماده ضعيفه

الله اعلم ببقية الانواع دلوقتى ممكن تكون كل الخامات بقت خفيفه

[smsm2015]

ايه رايكم فى ماركة اسمها كاتا فى القاهرة للمبيعات اسبانى حد يعرف عنها حاجة

[Mu7ammeD]

معلش سؤال خارج الموضوع !

أنت فاتح مكان للشفاط ولا لسا هتفتح لاني في نفس الحيره!!

[الاستاذ]

الشفاط الحديد له صوت بس قوى
فى حل انك تجيب شفاطين واحد فوق البوتجاز وواحد فى المطبخ بس بعيد شوية

[enayat]

معلش سؤال خارج الموضوع !

أنت فاتح مكان للشفاط ولا لسا هتفتح لاني في نفس الحيره!!

مكنش عندي فتحة للشفاط جبت واحد حدد المقاسات ع الحيطة وقطع البسيراميك بالصاروخ وبدا يكسر مكانه عشان ميوسعش الفتحة ازيد من اللازم وفعلا طلعت الفتحة مظبوطة جدا

[salodas]

شفاط واحد كفاية فوق البوتوجاز ... وممكن تركبة فى الشباك . ... أما أذا كسرت له فى الحيطة خلاص ... فخلى الشباك فى حاله وركبه .
أولومبيك معايا بقالة 6 سنوات ... زى الفل ... وبفكة كل شهر اغسلة كويس من الدهون واركبة تانى .
عندى بناسونيك برضو فى الحمام ... مفيش مشاكل منه

[lonedoctor]

شفاط توشيبا واحد حجم كبير اظن بيكون 35 *35 يكفى جدا لانه فعال
لا يوجد اى نوع افضل من التوشيبا فلا تتورط فى نوع تانى
جربت كل الانواع وعندى باناسونك فى الحمام لكن تعبان موش عاوز اقول لفظ اسوء من كده
خلى بالك تجيب النوع اللى عليه شبكة وللاسف انتاجه قليل اليومين دول علشان الفيران والكلام ده فتدور عليه وتلف الدنيا كلها علشان تجيبه لانه لو دخل فار عندك هتزعل اوى
تقبل تحياتى