كلمه و لازم اقولها

[Curbis]

ماشى هبقى معاك و اقولك وقت مبارك كانت مصر بلد جميلة و حلوة ... فين انعكاس ده فى الشارع ؟ ليه مشفناش اى تقدم او اى رخاء .. ليه مشفناش صناعة ، تصدير ؟

بصراحة انا مستغرب مصر ازاى تبقى من اعلى 14 دولة مصنعة فى العالم و احنا معندناش صناعات تذكر تقريبا :zb_sor1[1]:

لو فضلنا فى نغمة الحروب و الشرق الاوسط مش هنخلص ، اليابان اتدمرت بقنابل نووية ، المانيا دخلت حرب عالمية و اتدمرت و العاصمة كانت مقسومة نصين و شوف البلاد ديه حالها وصل لفين ؟

الفساد اللى بتكلم عنه هو سرقة اموال الشعب ، معرفش الشذوذ ايه علاقته بكده ؟

يا باشا طول ما الشعب عارف ان هو هيتسرق و انه مهما اشتغل مفيش نتيجة عمرك ما هتشوف انتاج و بصراحة منطق غريب جدا انك تحمل الشعب كل المسئولية و تنسى دور الحكومة و اللى ماسكين البلد .. لو حد من دول بيحكم مصر كانت تفرق كتير عشان كل واحد عارف انه هياخد حقه و عارف انه مواطن ليه حقوق و واجبات و فيه قانون بيطبق على الكل و ده طبعا مش موجود فى مصر .. هاتلى رئيس كويس يحكم مصر و شوف الفرق و متقوليش محمد مرسى كان رئيس مدنى .. محدش يختلف انه كان رئيس فاشل بس عادى فى اى دولة ان يجى رئيس مش كويس و بعدين يتغير بانتخابات فى الفترة اللى بعدها

انتا ممكن ببساطة تقارن بين مصر في التمانينات ومصر سنة ٢٠١٠ وانتا هتعرف "انعكاس ده في الشارع"

كفاية ان في التمانينات كان حلم أي مصري السفر والعمل في السعودية.... النهاردة أعرف كتير جاتلهم فرص هناك ومراحوش لأن "هنا أحسن"

[AmrAlex]

[AmrAlex]

[AmrAlex]

https://www.youtube.com/watch?v=GFrPZzLGmrc

[TIGER@21]

الحمد لله ان مصر مش ليبيا ولا سوريا و لا العراق ولا اليمن ولا لبنان ولا السودان ولا ايران ولا فلسطين ولا اي دوله تانيه
الحمد لله ان مصر هيا مصر وبس

باراجل دا حتى انت خيالك واسع شوية

تسمحلى اقولك انت بتكدب يا عم فريد

الكلام كنت ممكن اصدق منه زمان

اما دلوقتى ربنا يسترا على البلد

[FAR!D]

باراجل دا حتى انت خيالك واسع شوية

تسمحلى اقولك انت بتكدب يا عم فريد

الكلام كنت ممكن اصدق منه زمان

اما دلوقتى ربنا يسترا على البلد

الكدب ده هوايه عند ناس معينه بترمي الناس في اعراضها و شرفها بحكايات من خيالها المريض
الكدب له ناسه

http://www.nilemotors.net/Nile/458579-_.html

[الاسد المهاجر]

اسمحلي ارد استاذ فريد
غير الموضوع بتاعك الي السيد فريد عرضة اسئل نفسك او ابو حبيبة عن الكدب

[windofchange]

الحقيقة قتل الـ 21 مصري في ليبيا ... وما تلاه .. كان إختبار حقيقي ليا قبل غيري .. هل إحنا فعلا ناس بتوع ظياط ... وبنهيص وخلاص مع الرايجة .. وبننتظر سقطات النظام علشان نتاجر بيها.
سؤال مباشر سألته لنفسي ... إحنا كنا عايزيين إية من النظام ؟ يعني لو سكت السيسي ومضربش .. هنقول دا فاشل وخايب ومبيعرفش يجيب حق حد !
ولو ضرب هنقول إذاي يضرب وفي مليون مواطن مصري رهائن محتملين ممكن يبقى مصيرهم مشابة للـ 21 مصري إللي اتقتلوا إمبارح !
سؤال متجرد سألته لنفسي .. إحنا كنا عايزين النظام المصري يعمل إية بعد قتل الـ 21 مصري ؟
الحقيقة أول حاجة إكتشفتها .. إننا بنسأل سؤال غلط ... أنا مش شاغلني أبدا إية اللي المفروض النظام يعمله بعد قتلهم .. الأهم إية اللي النظام كان ممكن يعمله #قبل قتلهم.
بس بغض النظر عن إللي بيعمله وهيعمله النظام ... وبغض النظر عن شعب السيسي إللي هوا كمان كان بيقولنا إمبارح ( انتوا عايزينه يضرب علشان يقتلوا المليون مصري اللي هناك ) .... والنهاردة بيقولولنا ( ايوا بقى .. السيسي بينتقم لكرامة مصر )
بعيدا عن كل دة ... السؤال لسة قائم !! إحنا عايزين النظام يعمل إية !؟
الإجابة بوضوح إحنا عايزين العدل .. عايزين دولة ديموقراطية بمؤسسات حقيقة .. عايزين الجيش يرجع يركز في تسليحه وتشكيلاته وحدودنا وأمننا القومي.
إحنا عايزيين نوقف ألة البطش والقمع والظلم إللي بيمارسها النظام ... لأن دا هو المفرغ الرئيسي للدواعش المحتملين إللي بقينا نشوفهم في كل مكان.
إحنا إللي مبنفرقش بين إللي ماتوا في سيناء أو ستاد الدفاع الجوي أو ماسبيروا أو في ليبيا .. إحنا ببساطة مش عايزيين حد يموت .. إحنا اللي من الاول خالص قولنا الدم المصري كله حرام في الوقت اللي كان غيرنا بيقول افرم يا سيسي
مش عايزيين أكتر من إننا نشوف إية إللي كل الدول المحترمة عملته علشان تأسس لديموقراطية حقيقية .. ونعمله .. اه والله ببساطة نقلدهم
مشكلتي مع النظام متجاوزة لقتل المصريين ورد الفعل المطلوب ... قضيتي الرئيسية هي العدل .. إللي بيأسس لدولة محترمة متماسكة موحدة
وإن 40 ألف معتقل و قانون تظاهر ومحاكمات عسكرية وقتل يومي ممنهج بتقوم بية الشرطة ... حتما بيأسس لجمهوريات هشة وضعيفة ومهددة بالفناء ... اه والله الفناء .. ومش هينفع وقتها جمل من نوعية " وطن يعني حضن " .. ولا بوستات زي " ابدا لن تسقط مصر "
وعلى ما الشعب المصري الظريف يفهم إن مشاكلة مش هيحلها الراجل إللي على كتفه دبابير كتير ... ولا حتى الراجل إللي بيصلي كتير .. على ما يفهموا دة ... في أجيال بتتفرم وبيموت جواها الامل
العدل ودولة المؤسسات الحقيقة هي الضمانة الحقيقة في منطقة مضطربة بتستعد لخريطة مختلفة بحدود مختلفة.
محمود محمد حجازي
وياجدعان عمر الظلم ماقوم دولة ديه سنة الله في الارض..السيسي حلو ماشي يطلع ال40.000 واحد اللي فالسجون سجناء رأي غالبا ..ويحاسب اللي بيقتل...يارب

[FAR!D]

الصيادين المختطفين في ليبيا تم فك اسرهم و عودتهم و حماس تخلي الشريط الحدودي مع مصر
صحيح اضرب المربوط يخاف السايب

[Karim Alaa]

استاذ windofchange عايز ارد بس على جزئيه شوف الدول التانيه عملت ايه عشان تاسس لديموقراطيه حقيقه الى هى ببساطه احترام راى الاخر و حقه فى التعبير عنه الاخر ده بقى يا سيدنا هو كل شىء مختلف سواء راى دين شكل مله مذهب طريقه لبس طريقه غناء كل شىء

عملو ايه كلهم كلهم و انا مسؤل عن الكلمه دى اولا فى ديكتاتور اسس لديموقراطيه يعنى ديكتاتور حبه حبه برضاه او غصب عنه ادى للناس فرصه تفكر و تختار مع وجود الديكتاتور ده نفسه و بعدين اتغير و اتغير و الناس خدت على كده و عرفت تمن الاختيار فبقت تختار صح

ثانيا التعليم مفيش ديموقراطيه تنفع الا و على الاقل 50 فى الميه من الشعب متعلم و الى بيختار عارف ام الاختيار ده اخرته ايه و عنده استعداد لتقبله للنهايه

انت لو شوفت الدول دى فى اول ما قالو يا ديموقراطيه هتضحك على التزوير و الاستقطاب الى كانو فيه و لولا وجود ديكتاتوريه بشكل او باخر وقتها كانت خربت انا بتكلم عن كل البلدان من روما لبريطانيا للهند

اى دوله طلعت قالت بكره ديموقراطيه مطلقه باظت اولهم روسيا بعد الاتحاد السوفيتى و يلسن الى جابها لارض و كل الدول الى طلعت من الديكتاتوريه بامر من الغرب و قالولهم يالا بكر انتخابات و كله يتحمل مسؤليه اختياره و كله يحترم راى الاخر باظت برضه

[الاسد المهاجر]

باراجل دا حتى انت خيالك واسع شوية

تسمحلى اقولك انت بتكدب يا عم فريد

الكلام كنت ممكن اصدق منه زمان

اما دلوقتى ربنا يسترا على البلد

عرفت مين الي كداب يا ابو حبيبة ولا تحب اقولك يا اخو ابو حبيبة