الرخصة الدولية لقيادة الكمبيوتر ICDL

[خالد]

عاوز أحصل على شهادة الــ ICDL
لو أى حد عنده فكرة بالمراكز المحترمة اللى بتدى دورات تأهيلية لدخول الإمتحان
والمراكز اللى بنمتحن فيها وناخد الشهادة منها ، ياريت يفيدنا
وأرخص المراكز سعراً فين ، ولو فيه مواد علمية كتب يعنى وسيديهات أجيبها منين
وجزاكم الله عنا خير الجزاء

[AhmedElsayed]

هو السؤال بس انت عايزها ليه؟ اصلى بحس انها مش مهمة اوى يعنى
لو انت بتجيد الكومبيوتر كويس فمش حتفرق معاك اوى لو بتقدم لشغل او حاجة زى مالناس بتفتكر

ولو انت بتدور على حاجة تفيدك فالافضل تدرس الاوفيس والحاجات المفيدة فى سوق العمل

معلش انا مش قادر افيدك لان مفيش مركز حاضر فى ذهنى دلوقتى

[خالد]

أنا مدرس جامعى ، وهى بتنفع فى الترقية لوظيفة أستاذ مساعد
كمان أصبحت مطلوبة عند التعاقد مع بعض الجامعات العربية
وحاسس أنها ستصبح شئ ضرورى فى المستقبل ومن متطلبات شغل مناصب عديدة

[sokasoon]

• ده موقع الرخصة الدولية لقيادة الكمبيوتر icdl

• www.icdlegypt.gov.eg

• والله انا دخلت بياناتى من حوالى 5 شهووور

• ولحد دلوقت ماحدش اتصل بيا علشان يقولولى مكان الاختبارات

[zorooo1986]

يا جماعة انا طالب باكادمية القاهرة فى مصر الجديدة
وحاصل على الشهادة دى تبع المعهد قدر يوفرهلنا
هوة فى معيدين بيشرحو المواد بتاعتها شرح ممتاز وتقريبا بتقف المادة ب20 او 30 ج وحجز المادة علشان تمتحن ب50 ج ورسوم ا شتراك علشان تقدر تمتحن 150 ج ويا جماعة الاكادمية بتاعتى الوحيدة الى فى القاهرة تقريبا الى بتدى الشهادة دى والشهادة مختومة من ميكروسوفت ومن اليونسكو
انا كنت بشوف اتوبيسات جاية من جمعات كتير اوى عندنا علشان يمتحنوها عندنا انا هسئلكم اذا كان اى حد يقدر يخدها عندنا وارد عليكم ان شاء الله
وبالتوفيق
اخوكم طارق

[analyzer]

السلام عليكم جميعا

حصلت على هذه الدورة كتدريب وشهاده منذ 8/2003
وعندى الكتب الخاصه بيها لمن يريدها عليه الاتصال برقم 0123742967
وللعلم هناك مراكز تدريب كثيره جدا فى القاهرة معتمده من اليونسكو

[mohamedfadel]

ان شهادة ال ICDL مهمة جدا حيث تطلبها الكثير من الجهات داخل و خارج مصر عند التقدم للعمل فهي ترفع من قيمة السيرة الذاتية للشخص و هي شهادة دولية من اليونيسكو و معتمدة و مطلوبة في 101 دولة و توجد الكثير من المركز للحصول عليها و لكن يوجد مكان كزيس جدا معتمد حكومة قد قمت بالحجز معهم و ستبدأ الدورة التي قمت بالاشتراك فيها في 01/08/2007 و تنتهي في 12/09/2007
و بيانات هذا المكان و الاسعار كالتالي:-
الجهاز المركزي للتعبئة العامة و الاحصاء , مركز التدريب علي تكنولوجيا المعلومات
بطاقة التسجيل Skills Card تتكلف 140 جنيه
و قيمة كل اختبار 25 جنيه علما بأنهم 7 اختبارات و يوجد مبلغ 200 جنيه و هي قيمة الدورات التأهيلية لدخول الامتحان علي النت.
العنوان: العباسية - ش امتداد رمسيس - بجوار نقابة التجاريين
ت: 23421804 - 23426836 - 23427834
الموقع علي النت: www.capmas.gov.eg
اخوكم
محمد فاضل