افكاركم للاستفاده من سطوح العماره

[ahmadalsattar]

لدينا عماره 250 متر و كنت عاوز استفيد من السطوح بتاعها . فعاوز اعرف الافكار المختلفه للاستفاده بهذا السطوح

[Zing0]

حسب اللى أنت عاوزه
- فيه ناس بتعملب تكعيبة عنب و طقم كراسى خيرزان و تبقى قعده لطيفه لأى يوم أجازة من العمل
- فيه ناس غاويه زراعة و بتعمل أحواض خشب مرتفعة عن الأرض (حوض له أرجل علشان مياه الرى لا تضر بالخرسانة بتاعة الأسطح و تنشف من تحت لو زيادة و لو نزلت تنزل على مشمع بلاستيك) و بيزرعوا فيها كل حاجة جذورها صغيرة ( ورقيات و جزريات زى البطاطس و البصل و الجزر و الخس و الكرنب و الجرجير و الملوخية و ....) و يستمتعوا بالأورجانيك الأصلى.
- فيه ناس غاويه مهارات يدوية و فك و تركيب و تصليح و مفيش مكان فى الجراج .... يعمل حجرة صغيرة للعدد و المعدات و يوصل لها كهربا بمشترك طويل من أى شقة (ده لو مفيهاش عداد كهربا) و يشتغل عادى.
- و فيه ناس طبعاً عاملاه مخزن للكراكيب و بيربوا فيه ..... بس ده طبعاً فى المناطق الشعبية مينفعش وسط منطقة راقيه علشان الروائح هتأذى الجيران.
و فيه مشاريع صغيرة كتيييير ممكن تتعمل على مساحة السطوح.
ده اللى فى بالى دلوقتى
أعانك الله