شباك خشب ولا الوميتال ؟

[اسماء محمد]

عندي في الريسبشن اركب شباك خشب افضل ولا الوميتال ؟
ولو الوميتال اجيب نوع ايه ولو في حد معروف اجيب منه

[ahmed_eng2001]

متابع

[غزلة]

الوميتال افضل

[midoabdeen]

الوميتال طبعا بس بي اس بلاش السعد المتر في حدود 550 -650 جم

[sama_Sama]

خشب، مساحة أوسع (تقدر تفتحه ع الأخر الألوميتال نص المساحه بس مفتوح) خصوصيه (لو مافيش ستارة الشيش حايش) أصعب بس في التنضيف

[mohabelnegm]

ألوميتال :
شيك
عزل للصوت و خصوصا لو هايتعمل بزجاج عازل للصوت
أى عواصف أو أتربة البيت مايتردمش(بشرط التركيب السليم)
فى الشتا بيمنع أى تسريب للهوا البارد من خارج الشقة للداخل على عكس الخشب اللى بيدخل هوا من كل حته.
يتعمل زجاج مرايه و يكده فى الصيف يقلل كتير من الحرارة اللى داخله على الشقة

[esam_refaat]

المكان هو اللى يحكم
بس لو عتعمل الوميتال اعمل بى اس زجاج دوبل ده بيزيد فى السعر 100 جم وهيكون ب 650
انا عملته زجاج مفرد وندمت لان المفرد فى الزجاج العاكس بيكشف المكان ليلا لكن الدوبل لا وكذلك حاجز للحرارة بفضل مساحة الهواء بين الطبقتين

[Dr_Smart]

اهم حاجه في الالوميتال التركيب السليم وعمل عزل ( بالسيليكون مثلا ) عشان يبقى فيه عزل تام للاتربه والهوا ومية المطر

[mr_vampire]

لو البلكونة بتاعتك كبيرة و يتقعد فيها اعمليها خشب افضل لان الالوميتال نص البلكونة هتبقي مقفولة باستمرار انما الخشب بيسمحلك تفتحيها كلها علي اخرها .. و غير ان الخشب في الريسبشن اقيم و اشيك بالذات لو فرش الشقة كلاسيك ..

[smsm2015]

خشب واعمليه اوستر مش لاكيه اشيك

[A_AMR_86]

الاول حابب ااكد على معلومة
بالنسبة للسعر سعر الخشب تقريبا نفس سعر الالومتال القطاع النضيف
علشان الخشب لسة فية اجرة الدهان والسلك والمقابض والعصافير والكلام دة كله وبرور حوالين الشباك

يعنى متفقين ان السعر تقريبا واحد

وان السعر مش موجود معانا فى مقياس المقارنة خالص
بالنسبة للشباك الموتال
* لو فتحه شباك صغير يعنى تقريبا كدة 1.20*1.20 يبقى بلاش الموتال جرار
علشان نص الشباك بس هو اللى بيفتح وتخصم من نص المساحة دى كمان عرض القطاع الناحيتين

* لو فتحة الشباك كبيرة يبقى بلاش خشب علشان هتعمل اكتر من ضلفتين وهيبقى شكله وحش وغلط على المفصلات
وفى الحالة دي الموتال جرار افضل


يعنى الخلاصة لو فتحة الشباك صغيره (اختيراتك شباك الموتال مفصلى يعنى زى الخشب بس الموتال - او خشب)
لو فتحة الشباك كبيرة ( اختياراتك الموتال جرار افضل)

[mk3]

اامن الشباك الالوميتال ازاى ضد السرقه ؟؟؟؟؟؟؟؟!!!!!!

[midoabdeen]

بالنسبه للناس اللي بتقول ان الالوميتال بيبقى نصف المساحه بس أللي بتتفتح في الوميتال مفصلي مش لازم جرار وكمان هيبقى انضف كثير ولا شمس تأكل الخشب ولا مياه المطر تبهدل الشباك