هنبطل سجاير

[محمد نشأت]

ألاسعار الجدبدة للسجائر بعد زيادة الضريبة

الصنف

الأسعار القديمة (بالجنية )

...الأسعار الجديدة(بالجنية)

مارلبورو- ميريت

دانهيل - ديفدوف

19.75

25.5

إل إم

14.25

19.25

نيكست

13.75

18.5

كينت

19.75

25.5

روثمانز

14

18.75

كليوباترا- جولدن – بلومنت- فلوريدا ( ورقية)- نيولايتس

8

12

( فلوريدا – هوليود- كابيتول)كرتونية- بوسطن- لايت-مونديال«أحمر-أرزق-أخضر»

8.25

12.25

سوبر- كليوباتر بوكس ( عادي –أحمر-أزرق)

8.5

12.5

فايسروي

11

15.75

روثمان 10سجاير

7

10.75

[MOTOR HEAD]

و الله لو هتبطل عشان السعر فشويه و هترجع تانى

اما لو هتبطل عشان حرام عليك تضر الناس اللى حواليك او نيه خير فربنا معاك و يثبتك

[Abdm]

لآ عايزين بجد طريقه قويه نقنع بيها المدخن أنه يبطل تدخين أذاى ؟؟؟ وما هى الآفكار والحلول

أنا ليس عندى غير حل ولكن يأتى بعد فوات الآوان ويجب تذكير المدخن به قبل أن يحدث و هو المرض الناتج عن التدخين .

عندما يذهب المدخن الى الطبيب بمرض ما نجم عن التدخين فيقول له الطبيب يجب ولازم تقلع عن التدخين فتتم هنا أما الآستجابه للى خايف على نفسه وعايز يلحق نفسه من تدهور الحاله أكثر . يعنى غصبن عنه مش بمزاجه ..

و أما عدم الآستجابه أو الآنقطاع ثم العودة والآستمرار فى التدخين على الرغم من الحاله المرضيه وعدم الآستجابه لطلبات الدكتور ولا يهتم بتدهور حالته نفسها الصحيه و هذة الحاله ربنا معها ..

الخلاصه : عايزين حل نقنع به المدخن أن يقلع عن التدخين قبل الوصول الى الدكتور ؟؟؟؟؟؟؟؟

[boomboomzoro]

السلام عليكم

لو حسبنا علي الأسعار الجديده

فرضا لو بتدخن علبه كل يوم

12.5 جنيه * 30 يوم *12 شهر = 4500 جنيه

يعني لو بطلت سجاير ممكن بفلوسها تطلع تقريبا عمرة كل سنه أو حج كل 5 سنوات

غير طبعا المحافظه علي الصحه الشخصيه و صحه من حولك أيضا

لعل هذه الزياده في الأسعار تكون سببا في إقلاع الكثيرين

جزاكم الله خيرا

[Bassem Youssef]

سعر السيجاره العاديه بقي اغلي من سيجاره الحشيش :d

[misry]

الحمد لله مش بدخن

[MaZaGAngeE]

انا قدرت امسك نفسي 3 شهور… . و رجعت تاني ..
نفسي ابطل السجاير عشان
حرام
بتاخدني من الاولاد
ريحتي وحشة
مكلفة
……
ايه اسباب تاني ?
بس بجد مش قادر عليها

[4fun14]

جربوا السيجارة الالكترونية..
خلتنى ابطل السجاير العادية شهر بحاله وقللت جدا من استهلاكى للاكترونية كمان..
هتريحك فورا من مشاكل الريحه..تقدر تشربها ف اى مكان ومش ممنوعة..اوفر كتير..مش محتاج ولاعة ولا طفاية

[SHNORY]

جربوا السيجارة الالكترونية..
خلتنى ابطل السجاير العادية شهر بحاله وقللت جدا من استهلاكى للاكترونية كمان..
هتريحك فورا من مشاكل الريحه..تقدر تشربها ف اى مكان ومش ممنوعة..اوفر كتير..مش محتاج ولاعة ولا طفاية

لسه شاريها من يومين وعامله معايا واجب بصراحه
بس برضه حاطط طفايه جنبي هههههههههه
بس عيبها مش بتعض في الصدر (:

[مُصْطٓفٓى]

خدوا بالكم من السيجارة الاليكترونية
سمعت انها مضرة

[mastr_n]

الحمد لللة بطلت من حوالى 4 شهور
كنت بشرب ميرت اصفر ب 21 جنية
يعنى لو علبة كل يوم ب 600 جنية
بعد السعر الجديد يعنى 750 جنية
طيب يوم القيامة لما ربنا يسالنى على الفلوس دية هاقلة اية ؟
انا كنت مدخن ل 18 سنة على فكرة مابطلتش فيهم يومين على بعض
دلوقتى بعد مابطلت عايز اقولوكوا ان الدنيا اتغيرت 360 درجة بقيت نضيف وباكل وبروح جيم وثقة فى نفسى غير عادية كفاية ان انا انتصرت على نفسى من العبودية والادمان
عوامل ساعدتنى كتير
1 فيديو الطريقة السهلة لترك التدخين بتاع الن كار على اليوتيوب اعمل سيرش وهتلاقية
2 ايضا كتاب الطريقة السهلة اترك التدخين كتاب عظيم ومفيد ولما تخلصة هايقنعك ان السجاير ولا ليها صنف الازمة وانا عن نفسى اقتنعت جداااااا بعد ماقريت الكتاب وبطلتها وانا مرتاح نفسيا كمان عقبالكوا ان شاء اللة

[الغزالى]

بلاش السيجاره الالكترونيه .. اشرب سجائر احسن ..

سيجارة إلكترونية - ويكيبيديا، الموسوعة الحرة

[SHNORY]

بلاش السيجاره الالكترونيه .. اشرب سجائر احسن ..

سيجارة إلكترونية - ويكيبيديا، الموسوعة الحرة

فين الاحسن ؟؟


فوائد وإيجابيات السجائر الإلكترونية:

1. لا تنتج ثاني أكسيد الكربون ولا تؤذي الآخرين بالتدخين السلبي.
2. لا تترك رائحة حتى على الملابس.
3. يمكن استخدامها تقريباً في أي مكان حتى الأماكن المغلقة.
4. لا تنتج رماد ولا بقايا، فهي تساهم في النظافة وتترك الأماكن جميلة.
5. تحتوي على مواد أقل بكثير من سجائر التبغ. الفرق كبير جداً.
6. محلول السجائر الإلكترونية يتكون من مواد مصرحة للاستخدام في المنتجات العلاجية والغذائية.
7. المحلول أرخص ٨٠٪ من السجائر التقليدية. حتى أغلى أنواع المحاليل المصنوعة من مواد طبيعية تعتبر أرخص من التبغ.
8. نكهات كثيرة شهية (نكهات فواكه مثل الليمون، التوت، الخوخ، التين؛ بالإضافة إلى نكهات أخرى مثل نكهة التبغ, ونكهة الفانيليا والشيكولاته)
9. تقلل الرغبة بالسجائر التقليدية، وتسهل عملية الإقلاع عن التبغ.
10. تمكن من التحكم بكمية النيكوتين إلى الصفر.
11. بعض الفوائد الصحية التي تنتج من الإقلاع عن التبغ, مثل تحسين حاسة التذوق والشم.
12. تقلل خطر الحرائق لأن السجائر الإلكترونية لا تستخدم الولاعات.
13. يمكن إنتاج ضباب ذا كثافة أعلى من دخان السجائر التقليدية.
14. لا تحتوي على القطران ولا على التبغ.
15. لا تسبب السعال ولا ضيق التنفس.
16. بعكس السجائر الإلكترونية, تدخين التبغ تم ربطه بالسرطان وبأضرار أخرى على الخصوبة والحمل.

سلبيات السجائر الإلكترونية

1. جديدة ولا توجد دراسات طبية مؤكدة عن نتائجها، لذلك قد يكون لها أضرار صحية على المدى البعيد.
2. بعضها يحتوي على الكحول الإيثيلي، المادة المتواجدة بشكل طبيعي في بعض الفواكة، يوجد خلاف حول الحكم الشرعي من تعاطيه بشكل مركز لأسباب غير علاجية.
3. بعضها يحتوي على النيكوتين وهو يعتبر مادة ضارة لجسم الإنسان.
4. بعضها لا يحتوي على النيكوتين مما قد يسهل وصولها إلى الأطفال.
5. لا تترك رائحة ويصعب اكتشافها، وبالتالي قد يتم استخدامها في الأماكن الغير مناسبة، المدارس مثلا.
6. بعضها ليست مصنوعة بشكل جيد وتقوم بتسريب المحلول إلى الفم وبلعه بكميات كبيرة وقد يتسبب ذلك بخطر كبير على الصحة.
7. لا توجد جهة رقابية للإشراف أو لوائح للتصنيع، والبعض يبيع عن طريق الإنترنت بدون مقر معلوم.
8. بعض المواد المستخدمة في إنتاج المحلول قد تتأكسد مع الأكسجين وتنتج مادة تؤثر على الخزانات المصنوعة من البلاستيك.
9. يجب إعادة شحن البطارية كل يوم تقريباً. وتتطلب تخزين البطارية بشكل جيد وبعيد عن المواد الإلكترونية.
10. يوجد خطر انفجار البطارية.
11. بعضها حجمها أكبر ووزنها أثقل من علب السجائر التقليدية.
12. لا تضمن الإقلاع عن النيكوتين أو التبغ.
13. طعمها مختلف عن السجائر التقليدية وقد لا تقنع البعض في البداية، وتتطلب بعض الوقت للاعتياد عليها.
14. قد تسبب الحساسية لدى البعض.
15. تكلفة شراء البطارية والمعدات الأساسية باهظة مقارنة بسعر بكت السجائر التقليدية.

[4fun14]

لسه شاريها من يومين وعامله معايا واجب بصراحه
بس برضه حاطط طفايه جنبي هههههههههه
بس عيبها مش بتعض في الصدر (:

حسب النكهة يا باشا ونوعها..انا جربت واحده بطعم البرتقال كانت بتدى نفس إحساس السيجارة بالظبط"بتعض ف الصدر"..وكان جاى معايا محلول بطعم السيجارة العاديه..دى مش بتعمل دخنه كتير بس بتعض ف الصدر برضه وكانت مخليانى مستغنى عن السجاير بسهولة ومش حاسس بمشكله..بالعكس
بقيت بعرف اشتغل وانا بدخن في نفس اللحظه :)

خدوا بالكم من السيجارة الاليكترونية
سمعت انها مضرة

حتى لو مضرة..ضررها لا يقاس بالسيجارة العادية
وعموما انا بتكلم عنها كفتره انتقالية بين التدخين والاقلاع عن التدخين

[hugan]

الحمد لله
قربت علي 3 اشهر
بس لسه خرمان وفي اشتياق لسيجاره