إعـــــــلان

Collapse

.

,
See more
See less

مشكلة غريبة في عملية بيع

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    مشكلة غريبة في عملية بيع

    من اسبوع او اكتر عرضت عربيتي للبيع و عملتلها اعلان , و طبيعي عشان وجع الدماغ جبت خط و حطيته في تليفون قديم عشان اعرف اقفل التليفون في اوقات اللي مش عاوز تليفونات الخ ..... ( معلومات ملهاش لازمة )

    المهم يوم الجمعة اللي فات جالي واحد محترم جدا , اتفرج علي العربية .... هنرجع للمعلومات اللي ملهاش لازمة ( قابلته في مكان بعيد عن منزلي )
    انا في الاعلان حطيت سعر عالي حبتين و اول ما الراجل جه واتفرج علي العربية و لسه هيتكل علي الفلوس قلت له علي السعر اللي انا عاوزة في العربية .. فضحك و قالي مش هفاصل معاك

    المهم
    ... اتفقنا ان احنا نتقابل السبت و نخلص باقي الاجراءات و لو مش السبت يبقي الاحد و ما بينا تليفونات لحد كدة و كله تمام ....

    طب فين المشكلة .... المشكلة ان الاخ اصر انه يديني مبلغ 2000 جنيه ( ربط كلام ) و فات سبت و احد و اثنين و احنا التهاردة الثلاثاء و تليفونه مقفول ... و انا محتاس و اللي بيكلمني بيسأل هي العربية موجودة برد اقوله تقريبا ... و اللي بيشوفها بقوله علي الموضوع و اقوله ان انا مقدرش ابيع الا لما اشوف الاخ اللي دفع 2000 جنيه

    الجدير بالذكر ان الموضوع ده حصل مع صديق لي من فترة طويلة و كانت نصيحته لي استني اسبوع و اعرض العربية تاني و اخلي معايا في البيت مبلغ 2000 جنيه عشان لو الراجل اتصل

    طيب افرض استنيت اسبوع و بعت العربية و في نفس اليوم جالي الراجل و عاوز يكمل الشراء ... انا هيبقي منظري ايه .... خصوصا انه اداني 2000 جنيه بدون وصل ولا عقد ابتدائي و لا حتي شهود


    ملحوظة رقم 1 - مش متاكد من اسمه هو احمد بس ايه مش عارف
    ملحوظة رقم 2- ابتديت اشك ان الرقم اللي انا بتصل بيه مش هو رقمه لاني محفظتش رقمه علي التليفون و طبعا فيه ارقام كتيرة علي الموبايل لناس اتصلت عشان العربية و فيه احتمال اني اتلخبط

    طبعا انا غلطان اني مكنتش بركز مع اسماء الناس اللي جت او اتصلت علي اعتبار ان هم اللي محتاجين لي مش انا اللي محتاجلهم


    انا اعمل ايه بقي دلوقتي ؟؟؟؟؟؟

    اللي باع عربية قبل كدة هيعرف قيمة مشتري قمة في الادب و الذوق و هيقدر عذاب الضمير اللي انا فيه بسبب الانسان المحترم ده
    [CENTER]لا يعرف الحق بالرجال و لكن يعرف الحق فتتبعه الرجال [/CENTER]
    الكلمات الدلالية (Tags): بيع, عملية, غريبة, في, مشكلة
  • #2
    بيع
    هو ربط العربيه لحد ما الزباين يزهقوا من اﻻتصال علشان تنزل في السعر
    [SIGPIC][/SIGPIC] ياتقول كلام في محله يا تقول حلو ياحلو
    [url]/photos/a.879931698703941.1073741827.879900435373734/879931905370587/?type=1[/url]

    Comment

    • #3
      بيع العربية طبعا. هو ملتزمش معاك و انت مش ملزم تستناه. لما يبقى يسأل على فلوسه ترجعها له طبعا انما هو ملوش حاجة تانية عندك

      Comment

      • #4
        المشاركة الأصلية كتبت بواسطة hugan مشاهدة المشاركة
        بيع
        هو ربط العربيه لحد ما الزباين يزهقوا من اﻻتصال علشان تنزل في السعر

        احتمال قائم ...
        [CENTER]لا يعرف الحق بالرجال و لكن يعرف الحق فتتبعه الرجال [/CENTER]

        Comment

        • #5
          موقف رخم جدا بصراحه بس انا لو منك هبيع العربيه طبعا وهخلى التليفون مفتوح بتاعى لحد لما يتصل بعد اسبوع بعد شهر وطبعا هياخد الفلوس بتاعته ولو زعل يبق متخلف بصراحه
          [CENTER][SIZE=5][B][B][COLOR=black][SIZE=6][COLOR=Magenta][SIZE=7][COLOR=Indigo]اللهم ارزقنى بر والدى[/COLOR][/SIZE]
          [/COLOR][/SIZE]
          [COLOR=#0000ff] [/COLOR][/COLOR][/B][/B][/SIZE][SIGPIC][/SIGPIC]
          [SIZE=5][B][B][COLOR=black][COLOR=#0000ff]
          [/COLOR] [/COLOR][/B][/B][/SIZE][/CENTER]

          Comment

          • #6
            اصبر عليه في حدود استطاعتك يعني لو مش محتاج فلوس العربية لمدة أسبوع مثلا اصبر عليها الأسبوع ده وبعد كده بيع وكده هتبقى عملت اللي عليك بزيادة وهو فلوسه محفوظة في الحفظ والصون وقت ما يتصل هياخدها
            بس اعذره ممكن تكون حصلتله ظروف طارئة فعلا كلنا بنتعرض لمواقف زي دي
            ولكن
            مستعجل أوي على البيع ومحتاج الفلوس فعلا يبقى كده انت برده مفيش عليك حرج لأن هو اللي أخل بالتزامه مش انت فبيعها عادي ولما يتصل برده فلوسه محفوظة بس أهم حاجة تسيب رقمك شغال أو تبعتله رسالة على رقمه تبلغه برقمك التاني
            وموفق إن شاء الله
            [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
            [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

            [SIGPIC][/SIGPIC]

            Comment

            • #7
              بيع العربيه و لما يظهر تاني اديله فلوس

              Comment

              • #8
                مش ممكن حصله ظروف طارئة بجد ؟؟
                استخير ربنا وربنا يوفقك لما فيه الخير
                [CENTER][FONT=Tahoma][SIZE=5][COLOR=SeaGreen]سبحان الله وبحمده ،،، سبحان الله العظيم [/COLOR]
                [/SIZE][/FONT][/CENTER]

                Comment

                • #9
                  ربنا يباركلك في امانتك ..
                  اعتقد - و الله اعلم - انت في حل من ارتباطك عل اساس انه اخلف معاده
                  و راي الاخ الافضل انك تنتظره لحد احر الاسبوع و تبتدي تبيع العربيه بجد - ده راي محترم و يخلصك من عذاب الضمير

                  Comment

                  • #10
                    بص ياسيدى انا حصل معايا شبه الموقف بتاعك بس الراجل اللى كان هيشترى كان مش محترم واللى حصل انى كنت ببيع عربية فيرنا ونزلت بيها سوق الحى العاشر واول ما قربت ساعتها من السوق دخل عليا حوالى 6 تجار شباب اخترت منهم واحد شكله كان سمح !! :-) و لفينا لفة بالعربية وعاين العربية واتفقنا على السعر وعربن بالف ونصف وكتبنا عقد ابتدائى على ان الشراء بعد يومين وبدأت المماطلة واصل انا شاريها علشان ناس ولسة مش موجودين لا بكره لا بعده و بعد اسبوعين لقيته بيطلب تخفيض 3 الاف جنيه عن السعر اللى اتفقنا عليه وطبعا رفضت ورجعتله فلوسه واخدت العقد وبعد كده بعتها على النت . !!

                    فرأيى ان المشترى لسيارتك ليه 3 احتمالات . الاول انه ناوى يعمل معاك زى اللى اتعمل معايا او الاحتمال الثانى انه بيجمع الفلوس والاحتمال الثالث انه جرى له حاجه.
                    ورأيى انك تصبر اسبوع من وقت المقابلة وبعدين لو مفيش اتصال بيع عربيتك وان شاء الله ليس عليك لوم اما العربون فهو امانة فى عنقك له حاول تشوف المكالمات اللى عملتها او جاتلك قبل ما تتقابلوا مباشرة لانك اكيد كنت بتتصل بيه علشان تظبطوا المكان والمعاد واتصل بالارقام دى لحد متوصله. والله الموفق
                    [RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]

                    Comment

                    • #11
                      جزاكم الله خير .. استني ليوم الجمعة الجاية ... و لو مجاش اتكل علي الله ... و فلوس الراجل ... موجوده لما يتصل ارجعهاله ...
                      [CENTER]لا يعرف الحق بالرجال و لكن يعرف الحق فتتبعه الرجال [/CENTER]

                      Comment

                      • #12
                        اعمل call forward للمكالمات من خط البيع لخطك واتاكد ان فيه رصيد
                        بس قبل كدة
                        1 - تشيل الاعلانات
                        او
                        2 - تخللى الراجل ده فقط مسموح له يتصل وباقى الارقام لا
                        A.Saad

                        Comment

                        السابق template التالي
                        Working...
                        X