حكاية بلد ...

[بحار]

النهاردة كان عندى شغل فى العاشر من رمضان ..كنت راجع من على طريق الاسماعيليه - القاهرة
فيه كمين بعد العاشر كان معطل الطريق شويه بحيث سمحلى انى اشوف المشهد ده :
الدنيا بتمطر الساعه 11,45 ص .. مسلمين عساكر الجيش حاجه كده زى ماتكون بالطو مشمع يحميه من المطر أول مرة أشوفه . والعساكر كانت لبسته لأن المطر فى لحظات كان بيزيد ..
عسكرى راكب مدرعه وامامه مدفع .. كان بيعدل البالطو بتاعه ( قلت أكيد هايلبسه زى زمايله )
فوجئت بالعسكرى (بيلبس ماسورة المدفع البالطو بتاعه ) وبيحكمه حمايه ليها من ان المطر يسبب اتلافها !!!
لولا خطأ التصوير للمكان والناس دى كنت صورته ..

[besso]

اي انسان عاقل وعنده ضمير هايعمل كده
احنا اللي للأسف الصفات دي تقريبا انقرضت في بلدنا

[hugan]

عهده وخايف عليه من الصداء
حسب ماذكر في الجيش بعد كل رمايه
كان ﻻزم البنادق تتغسل بالجاز والزيت
والدبشك الحديد ﻻزم تتشاف القواعد من نقط البارومه
عامه كان اي سلاح يخرج من السلاحليك حتي لو ماضربش بيه نار
مايرجعش اﻻ ما يتغسل بالجاز والزيت

[مصطفى-حسن]

الانضباط فى الجيش هو سر صلابتة وتماسكة عن اى مؤسسة فى الدولة
السلاح دة عهدة على العسكرى وممكن يكون بيحمية ويحافظ علية لانة عهدة
وممكن يكون بيحمية ويحافظ علية عشان لا قدر الله لو حصل حاجة يلاقية جاهز تحت ايدة فورا

[أبو آسر]

عادي
أي حد بيشتغل شغلانة ومعاه عهدة بيخاف عليها زي عنيه خاصة لو تبديدها هيترتب عليه محاكمة وحوارات
أنا بشتغل على كمبيوتر بتاعي وبخاف عليه زي عنيا ولو حد لمسه بس ببقى هاكله مع إنه مش عهدة ده ملكي ولو لا قدر الله حصله حاجة هقدر أجيب غيره ، فما بالك بسلاح مش هيقدر يجيب غيره طبعا وعهدته ؟ أكيد لازم يخاف عليه
ده عشان عسكري مطحون لكن في حيتان غيره بيبددوا ويهدروا وينهبوا مليارات ومحدش بيقولهم بتعملوا إيه
وهي دي بلدنا إذا سرق فيهم الشريف تركوه وإذا سرق فيهم الضعيف أقاموا عليه الحد

[sherifahmed]

لازم طبعا التكة الاخيرة مع انها ملهاش علاقة بالموضوع بس هما وحشين (معروف مين الوحشيين طبعا)
يعنى مثلا ملاحظة عن اكلة كشرى لازم الرد يبقى فيه ملاحظة ان فيه ناس حيتان بتاكل كفيار الصبح فى سندوتشات على غيار الريق
و هى بلدنا كده

[ahmedwagdy03]

النهاردة كان عندى شغل فى العاشر من رمضان ..كنت راجع من على طريق الاسماعيليه - القاهرة
فيه كمين بعد العاشر كان معطل الطريق شويه بحيث سمحلى انى اشوف المشهد ده :
الدنيا بتمطر الساعه 11,45 ص .. مسلمين عساكر الجيش حاجه كده زى ماتكون بالطو مشمع يحميه من المطر أول مرة أشوفه . والعساكر كانت لبسته لأن المطر فى لحظات كان بيزيد ..
عسكرى راكب مدرعه وامامه مدفع .. كان بيعدل البالطو بتاعه ( قلت أكيد هايلبسه زى زمايله )
فوجئت بالعسكرى (بيلبس ماسورة المدفع البالطو بتاعه ) وبيحكمه حمايه ليها من ان المطر يسبب اتلافها !!!
لولا خطأ التصوير للمكان والناس دى كنت صورته ..

مش فاهم إيه اللى تقصده و عايز تقوله . موقف ليس له أى معنى .

إن كان العسكرى يقصد يحافظ على المدفع اللى هو ملكه و ملكى و ملكك فمشكور .

و إن كانت دى أوامر بينفذها فأكيد مش مقصود بيها إذلاله أو تقليل شأنه .

موقف عادى لا يستحق أى تعليق . ممكن تبقى ماشى فى الشارع و تشوف سيارة بتشغل المساحة وقت المطر ده موقف ليس له أى معنى

[FAR!D]

عادي
أي حد بيشتغل شغلانة ومعاه عهدة بيخاف عليها زي عنيه خاصة لو تبديدها هيترتب عليه محاكمة وحوارات
أنا بشتغل على كمبيوتر بتاعي وبخاف عليه زي عنيا ولو حد لمسه بس ببقى هاكله مع إنه مش عهدة ده ملكي ولو لا قدر الله حصله حاجة هقدر أجيب غيره ، فما بالك بسلاح مش هيقدر يجيب غيره طبعا وعهدته ؟ أكيد لازم يخاف عليه
ده عشان عسكري مطحون لكن في حيتان غيره بيبددوا ويهدروا وينهبوا مليارات ومحدش بيقولهم بتعملوا إيه
وهي دي بلدنا إذا سرق فيهم الشريف تركوه وإذا سرق فيهم الضعيف أقاموا عليه الحد

احترت في رد على ردك مش لاقي
اقولك ايه طيب ؟
ربنا يحميلك الكومبيوتر

[Abo_Mazen]

أنا فهمت هو يقصد إيه ...وده لإني للأسف شغال في شركه عسكريه وعارف اللي حصل ده معناه إيه


المعده أهم وأغلى من البني آدم..البني آدم يموت ليه سعر بكتيره 100000 جنيه ..لكن المعده تمنها بيعدي المليون جنيه ..أنا بقول للأسف لإن هي دي سياسة الشركه في التعامل معانا ..إنت كعامل في الشركه ليك سعر في حالة وفاتك أثناء العمل ..السعر ده مقدر بعشر تلاف جنيه ..لكن في معدات عندنا في الشركه تمنها يتخطى المليون جنيه..هي مش قصة عهده ومش عهده ..في حكايه سمعتها من ناس كبار بتتكلم عن عسكري تاه في الصحرا ومكانوش لاقيينه ..وبعد مده لاقوه ميت وحاضن سلاحه ..المشكله إن زمايله كانوا بيرجحوا إنه هو لو كان إتخفف من سلاحه والحديد اللي هو شايله على جسمه كان ممكن يقدر يمشي مسافه أطول من كده ويقدر يوصل لمكان فيه عمار ويعيش..بصرف النظر عن صحة القصه من عدمها ..إلا إنها بتحمل نفس المعنى بتاع المشاركه اللي مكتوبه دي..عسكري ممكن يمرض ويجيله التهاب رئوي من البرد خايف على المعده أكتر من نفسه لإن هما علموه كده ..المعده أغلى منك


طبعا هلاقي ناس بتقول إنتوا لازم تدخلوا السياسه في كل حاجه..ما هو لازم مش عارف مين يدخل في جمله في وسط الكلام عشان تثبتوا إن إنتوا على حق.


بس هي دي الحقيقه..قانون العسكر ..المعده أهم من الإنسان


متهيألي دي ممكن تكون آخر مشاركه ليا إن ما توقفتش

[FAR!D]

اللي مات و ممسك بسلاحه ده مش عشان خاف يسيبه ياحاكم
ياروح مابعدك روح
لكنه اتعلم و تشبع بمبدأ "سلاحي لا اتركه قط حتى اذوق الموت "
ساعه الاختيار مابين الحياه و الموت بيبان المعدن و المعتقدات الحقيقيه
العسكري اللي بنحكي عنه بينضف سلاحه و بيخاف عليه مش عشان خايف من العقاب بس لكن عشان عارف و متأكد ان ده اللي حيحمي بيه نفسه و زمايله و السلاح ده من قوت الغلابه اهله و ناسه
و ممكن يكون خايف من العقاب بس
لكن الاكيد انه يتقاله شكرا عشان محافظ على السلاح اللي حيحمي بيه بلده و يسلم الامانه للي بعده بحالتها مش عاااادي
بس كده

[sherifahmed]

اللي مات و ممسك بسلاحه ده مش عشان خاف يسيبه ياحاكم
ياروح مابعدك روح
لكنه اتعلم و تشبع بمبدأ "سلاحي لا اتركه قط حتى اذوق الموت "
ساعه الاختيار مابين الحياه و الموت بيبان المعدن و المعتقدات الحقيقيه
العسكري اللي بنحكي عنه بينضف سلاحه و بيخاف عليه مش عشان خايف من العقاب بس لكن عشان عارف و متأكد ان ده اللي حيحمي بيه نفسه و زمايله و السلاح ده من قوت الغلابه اهله و ناسه
و ممكن يكون خايف من العقاب بس
لكن الاكيد انه يتقاله شكرا عشان محافظ على السلاح اللي حيحمي بيه بلده و يسلم الامانه للي بعده بحالتها مش عاااادي
بس كده

لالالالالا هما وحشين
دماغك

[M.Radwan]

اللي مات و ممسك بسلاحه ده مش عشان خاف يسيبه ياحاكم
ياروح مابعدك روح
لكنه اتعلم و تشبع بمبدأ "سلاحي لا اتركه قط حتى اذوق الموت "
ساعه الاختيار مابين الحياه و الموت بيبان المعدن و المعتقدات الحقيقيه
العسكري اللي بنحكي عنه بينضف سلاحه و بيخاف عليه مش عشان خايف من العقاب بس لكن عشان عارف و متأكد ان ده اللي حيحمي بيه نفسه و زمايله و السلاح ده من قوت الغلابه اهله و ناسه
و ممكن يكون خايف من العقاب بس
لكن الاكيد انه يتقاله شكرا عشان محافظ على السلاح اللي حيحمي بيه بلده و يسلم الامانه للي بعده بحالتها مش عاااادي
بس كده

حضرتك دخلت الجيش يا فندم ووقفت خدمة بالسلاح؟

[Abo_Mazen]

حضرتك دخلت الجيش يا فندم ووقفت خدمة بالسلاح؟

أنا برضه كنت عاوز أقول كده ..اللي خدم وعرف وجرب غير اللي بتكلم عن حاجات هو متخيل إنها موجوده

[FAR!D]

حضرتك دخلت الجيش يا فندم ووقفت خدمة بالسلاح؟

هههههههه سؤال محرج اعفيني من الرد
و اكيد جالك الرد على الخاص من أحد الاعضاء

[M.Radwan]

هههههههه سؤال محرج اعفيني من الرد
و اكيد جالك الرد على الخاص من أحد الاعضاء

يعني ايه مش فاهم؟؟