بخصوص مشروع بيت الوطن

[abd_el_7amid]

السلام عليكم

انا ليا شوية استفسارات بالنسبة للى فى التجمع الخامس .. ياريت لو حد يعرف يجاوبنى

1- دلوقتى بيقولوا ان المشروع دا مش مدعم.. طب ما المقصود بالدعم؟؟ اذا كان سعر المتر تقريبا ما يعادل 3500 و سعر المتر فى الاراضى المدعمة تبع القرعة برده 3500؟؟
2- مدة البناء على كام سنة؟؟ ولا مش فارقة ؟؟ ولا سنتين زى بتاعة القرعة؟؟
3- انا مش عارف اتخيل مكان المشروع .. يعنى قريب من ايه؟؟
4- الحجز على النت لحد امتى؟؟ يعنى لحد امتى القطعة باسمك لحد ما تسدد ال 25%
5- لو حد يعرف الخطوات للتسجيل و الحجز ياريت يقولى

[subhimust]

بسم الله
غالبا انا حولت الفلوس بس غالبا مش هلحق حاجة لان انا حولت امبارح
1-ارض بيت الوطن للعامبين بالخارج فقط ولابد من وجود الاقامة وتصربح العمل للتسجيل على الموقع والحجز
2-التسجيل من خارج مصر
3-السداد للمقدم والاقساط بالدولارررر فقط ولن يقبل الجنيه
4- المتر 450 دولار بخلاف التميز
5- البناء 3 سنوات والسداد 5 سنوات
موقع الارض بين مدينتي والتجمع هتلاقيها صحراء كده على جوجل
غالبا تم حجز جميع القطع مع ان الحجز مفتوح من يومين بس اللي كان عاوز يحجز كان حجز في المرحلة الاولى كانوا بيدللو عليها

[abd_el_7amid]

انا بالخارج
ولسه فيه قطع موجودة على الموقع
بس سداد المقدم فى خلال قد ايه؟؟

[midnightman_74]

حد يعرف اذا كان فى مراحل بعد المرحلة الحالية ؟

[ahmedwagdy03]

1- السعر 450 دولار للمتر غير نسبة 4% غير نسبة التميز يعنى أكتر من 3500جنية بس سعر الدولار ثابت على 7.63
2- مافيش قيد على مدة البناء بس مافيش قيد على سنتين
3-المكان زى ما قالوا بين مدينتى و التجمع
4- الحجز على النت من موقع www.nuca.com.eg بيفتح من خارج مصر فقط بس حتتنفخ لغاية ما تعرف تحجز . كنا بنحجز لواحد زميلنا من الساعة 11 ص حتى الساعة 8 م و معرفناش غير من النسجة الإنجليش على الإكسبلورر

المشكلة إنك ممكن تحجز لغاية قطعتين و لو فردين مشتركين فى حجز قطعة واحدة ( مسموح بيها ) لازم تسجل الإسمين و بطاقة الرقم القومى أو الباسبور لازم يبقى سارى .
الحاجة التانية أن ممكن نفس القطعة كذا واحد يحجزها و اللى بياخدها هو اللى يسبق و يكمل ال 25% الأول

[subhimust]

ما هو المشكلة ان هما عاملين موقع يضحكوا بيه على الناس القطع بيوصل للناس تاكيد حجز وبرضوا بتفضل متاحة على الموقع عموما الطرح كان فاشل جدا اليكترونيا واتعب الناس كلها من 20 ساعة محاولات عشان تعرف تسجل مرورا ان الموقع لا يبين القطع التي لم تحجز الى نظام الحجز اللي هو باسبقية وصول الفلوس من الخارج الى البنك المركزي الى الهيئة

[subhimust]

حتى النسخة الانجليزية كانت بتتفاعل مع الناس وتبين القطع اللي متاحة فعلا حدثوها والغوا الخاصية دي منها
يبدوا ان خالد عباس هيلم الدولارات ويهربوا بيها بلاد بره

[subhimust]

لغاية دلوقتي الكلام عن تثبيت سعر الدولار مش رسمي وشكله مش هيبقى رسمي بسبب الاقبال الشديد

[abd_el_7amid]

طب انتوا شايفين ايه؟؟ الموضوع كويس ك استثمار؟؟ ولا لأ؟

[tkamal]

الموضوع جميل بس الغموض فيه صعب جدا

[ahmedwagdy03]

حد يعرف حاجة عن الموضوع أو جرب يحكى عن تجربته .

أنا ليا واحد زميلى دافع من يوم 25 و لسة التحويل موضلش و بيقولى إن كل اللى بيحول من السعودية مش واصل تحويله و إن اللى بيحول من أوروبا و أمريكا بيوصل تانى يوم .

الكلام بدأ يثار فى المنتديات إن الموضوع فيه محاباه لناس معينة علشان تختار القطع بتاعتها عن طريق تدخل البنك المركزى فى مصر فى ترتيب تسجيل التحويلات