الموضوع ده بجد ولا اشتغاله / اسبانيا واوكرانيا سقر

[ياسر مصطفي]

انا لاقيت الكلام ده عند صديق بس مش عارف اساله

لو حد عنده اي معلومة ياريت يفيدنا . شكرا



تامر عبده امين

السنة اللى فاتت كان فيه إعلان فى الأهرام عن طريق شركة وسيطة عن قرية قريبة من لندن ( بـ 10 كيلومتر ) عملت إعلان لبيع قطع أرض كتير .. القطعة الواحدة مساحتها فدان ونصف بسعر 10 الآف جنيه أسترلينى ( 100 ألف جنيه مصرى ) و اللى هيشترى هيأخد أقامة فى بريطانيا .. بس بشرطين .. الأول أن اللى هيشترى لازم يزرع الأرض .. الثانى أن الأولوية لما يبيع اللى هيزرعه تكون لـ القرية
ساعتها دخلت ع النت ع الموقع اللى كان مكتوب و اتفرجت ع صور للقرية دى .. مكان نضيف .. بدائى .. هادى .. بعيد عن أى و كل مظاهر التكنولوجيا لدرجة أنك تحس أنه خارج نطاق الزمن ! .. الريف الإنجليزى القديم اللى ياما قرينا عنه كما يجب أن يكون .. الموضوع عجبنى و قعدت أفكر لو انا و 9 أصحابى جمعنا الـ 100 ألف ( كل واحد 10 ) و رحنا قعدنا هناك زرعنا و عيشنا هناك هيحصل أيه ؟ .. بصرف النظر أن الموضوع أتفشكل بعدها و مقدرناش نجمع المبلغ بس تخيل كده مجرد الفكرة :)) ..

عموماً .. سمعت من صديق عايش بره النهاردة أن حاجة شبه كده معمولة فى أسبانيا و فى أوكرانيا و طلبت منه لينكات



حد يعرف حاجة عن الموضوع ده

[mikho83]

متابع

[prof2013]

اسبانيا واوكرانيا وضعهم الاقتصادي تعبان

[elkorany]

متابع

[Bassem Youssef]

اعتقد انه من الصعب تسجيل ملكيه الارض ل 10 اشخاص

و بعدين هل المشتري مستعد للانعزال عن العالم ؟

انا بتكلم علي اساس ان فعلا الاراضي في اطراف المدينه

و مفيش نت و لا موبايلات و لا يحزنون

اسبانيا واوكرانيا وضعهم الاقتصادي تعبان

لا يا راجل ؟؟؟ و بالنسبه للدوله اللي احنا عايشين فيها ؟؟؟

ده ليبيا بكل اللي بيحصل فيها و الدينار ب 5 جنيه و 60 قرش

اي دوله دلوقتي بقت احسن من مصر :d

[ياسر مصطفي]

حتى لو واحد بس يا أستاذ باسم . انا فعلا بدور على الموضوع ده
اكيد البلدين دول هيبقى الوضع مختلف شوية وهيكون في وسائل اتصالات فيها

[prof2013]

اعتقد انه من الصعب تسجيل ملكيه الارض ل 10 اشخاص

و بعدين هل المشتري مستعد للانعزال عن العالم ؟

انا بتكلم علي اساس ان فعلا الاراضي في اطراف المدينه

و مفيش نت و لا موبايلات و لا يحزنون



لا يا راجل ؟؟؟ و بالنسبه للدوله اللي احنا عايشين فيها ؟؟؟

ده ليبيا بكل اللي بيحصل فيها و الدينار ب 5 جنيه و 60 قرش

اي دوله دلوقتي بقت احسن من مصر :d

هنعمل ايه بس ياكبير قدرنا كده
وربنا يجعل الجنسيه المصريه شفيعا لكل المكبوتين يوم القيامه

[MaZaGAngeE]

اللي يعرف حاجة يقولي وانا هسافر وش

[أحمد كمال]

اسبانيا تشتري شقة بنص مليون يورو

اوكرانيا مفيش الكلام ده للاسف .... غير ان اوكرانيا حالها دلوقتي اوسخ من مصر بمراحل ..... الدولار قفز من 12 جريفنا ل 29 جريفنا في البنك و 35 سوق سوداء في شهر ! غير الحرب الاهلية و التهديدات الروسية الخ الخ الخ

[فتح الباب]

يافرحه ماتمت انا منت اول واحد ممكن يسافر خلونا شويه فى اىموضوع يمكن ييجى حد يقولنا حاجه تدينا امل يمكن

[subhimust]

متابعة