اللى يعرف عن الفيش والتشبيه

[egyboy]

السلام عليكم

عايز استفسر بسرعة اللى يعرف هل ممكن عمل فيش وتشبيه فى القاهرة

اذا كان الشخص اصلا البطاقة تتبع لمحافظة غير القاهرة

بس مفيش وقت اسافر هل ممكن من القاهرة ولا من المركز التابع له

ولو من القاهرة فين ؟؟ شكرا لكم

[midoabdeen]

في العباسيه وبيطلع في ساعنها
تمشي بعد برج مصر للسياحه كانك رايح علي صلاح سالم هتلاقيه علي اليمين كده

[egyboy]

تسلم ياباشا انت برنس والله
بس لو تدلنى اكتر

يعنى مثلا لو روحت مترو انزل عتبة مثلا

او اعتبر انى فى رمسيس هركب مواصلات

اعمل ايه بالظبط

[midoabdeen]

ياباشا لو ركبت المترو اركب الخط الثالث وانزل محطه العباسيه واسال الف من هيدلك
ولو ركبت من رمسيس اركب اي ميكروباص رايح مدينه نصر او عباسيه وقوله نزلني عند شركة الكهرباء
هينزلك اخر كوبري كده هترجع خطوتين من تحت الكوبري هتلاقي علي شمالك