حل للصداع النصفى ياجدعان

[banzai]

الصداع كمان ممكن يكون من عادات سلوكيه متكرره
خليه يقعد مع نفسه يعمل فلاش باك و يشوف الحلقه المفقوده فين فى سلوكه اليومى
لو بينزل الشغل على معده فاضيه او سندويتش خفيف و شغله مجهد احتمال يجيله صداع لو بيشرب سجاير كتير من غير اكل او سندويتش خفيف ممكن يجيله صداع , لو بيحصله اجهاد عصبى نتيجة النرفزه المتكرره , لو بيتفرج على الشىء المدمر اللى اسمه التليفزيون و خاصة المصرى و بيعلى الصوت زى ما هى سمة الشعب ممكن يجيله صداع بالذات مع كمية تسونامى العصف الذهنى اما فى برامج التوك شو او التمثليات اللى كلها صويت و خنقه و ناس بتتخانق
احنا على العموم فى مصر نعتبر بيئه مدمره للعقل البشرى من كتر التلوث الضوضائى
هل هو عصبى ؟ خليه يحاول يكون هادى و يحاول يخفض الاصوات على قد ما يقدر
لو بياخد فوار رانى بتاع الحموضه بالذات خليه يشوف حاجه غيره استشارى مخ و اعصاب هو اللى قالى ان فوار رانى اساسا بيسبب الصداع , مفيش قلق من باى بروفينيد انا بستعمله كتير هو او بروفين 400 و عمرى ما اخدتلهم حاجه للمعده مخصوصه يعنى اخرى قرص فى اليوم و طالما آكل الموضوع سهل هما pain killer كويسين
لا تستهون لانها فروق فرديه بين الناس , الصداع مسكنى سنتين شيبنى فيهم لدرجة انى كنت اخش اشترى المسكن و ابلعه فى الصيدليه بسرعه من غير ميه من كتر الالم

[lonedoctor]

بغض النظر عن الموضوع
هل مستوى الطب فى مصر انحدر الى هذا المستوى لدرجة انه الناس اصبحت بتسال عن علاج الامراض من غيرها غير المتخصصين ولا اطباء ؟والله فعلا ماساة
التوقيع
طبيب مغترب من 15 سنة

[Imhotep]

بغض النظر عن الموضوع
هل مستوى الطب فى مصر انحدر الى هذا المستوى لدرجة انه الناس اصبحت بتسال عن علاج الامراض من غيرها غير المتخصصين ولا اطباء ؟والله فعلا ماساة
التوقيع
طبيب مغترب من 15 سنة

مش اوى كده يا دكتور
مازلنا فى مصر نحترم التخصص و بالذات الطب لانه مفيهوش هزار و حاجة بتمس حياة بنى ادم
و مستوى الطب لم ينحدر لهذه الدرجة لانه مازال يوجد اطباء اكفاء كثيرون لكن المشكلة هى فى العثور على احدهم
و يمكن بتشوف هنا موضوعات بتسأل عن افضل دكتور فى التخصص الفلانى فى المنطقة الفلانية و الناس بتدخل تشارك بخبرتها
لكن مؤكد برضه حضرتك عارف انه احيانا الطبيب بيستخدم كل ادواته لكن يفشل هو و غيره فى علاج الحالة
يعنى الاخ اللى بيعانى من الصداع النصفى اللى ممكن سببه يكون واحد من عشرات الاسباب لكن حظه العاثر انه لم يجد بعد الطبيب اللى يعثر عليه
مؤكد الاخ ده اتهرى MRI و كات سكان على المخ و هى دى اقصى الادوات فى الحالة دى اللى ممكن يستخدمها الدكتور للفحص بدقة اكبر- على حد علمى.
لكن غالبا الحاجات دى مظهرش فيها حاجة توضح للدكتور شئ غريب و بالتالى ظلت معاناته كما هى مع تعدد التشخيصات و العلاجات
لكن لو تلاحظ انا لم ابدأ الكلام الا بعد اوضح صاحب الموضوع ان صاحبه (داخ) على الدكاترة بلا فائدة . . . ساعتها فقط تكلمت عن تجربة شخصية مع دواء جربته و وجدت نتيجة جيدة . . . و هو دواء عادى مجرد مسكن قوى مش حاجة خطيرة او مخصصة لعلاج مرض خطير لان حاجة زى كده مينفعش تتوصف كده بسهولة بين الناس لانه ده بيبقى شئ غلط جدا. . . و غالبا اى حد بيشارك بخبرة فى موضوع طبى بيقول برضه لمن ينصحه انه ياريت يشوف دكتور اخر زى ما عمل احد الاخوة الاخرين المشاركين فى الموضوع . . . بس موضوع الصداع النصفى ده بالذات elusive لدرجة انه الراجل كانت النصيحة النهائية له انه صداع مزمن بلا سبب و يتعايش معه. . . من هنا انا قلت على الدواء اللى جربته من منطلق انها ممكن تيجى على اهون سبب و يريحه دواء عادى متداول جاب نتيجة فى حالة ان لم تكن مماثلة تماما لكنها قد تكون بذات الحدة فى وقتها
تحياتى

[GMakram]

متابع

[sherifahmed]

خليه يجرب و مش هيخسر حاجة لو ماجابش نتيجة

يريحه دواء عادى متداول

لا هايخسر كليته و دا اللى حصل معايا بالمللى و قعدت اغسل 3 سنين و فى الاخر زرعت الحمد لله
صداع و ادوية nsaid لغاية ما انتهت الكلى و السبب كان ضغط
ارجو منن الادارة قفل االموضوع دا عشان مش معقول نتناقش فى كدا عادى و نودى حياة فى ستن داهية

[الفجر]

اذا المريض اخد جميع الادوية الصداع وعمل جميع التحاليل ومفيش علاج ..........................

فغالبا الصداع من النوع العنقودى وليس النصفى وعلاجة غريب جدا

انك تكون عندك انبوبة اكسجين في البيت ولما يجيلك الازمة تشم اكسجين راح يتلاشى الصداع خلال ربع ساعة بكتير من النوبة الصداع المتكرر مع وقف عقار المجرينل نهائيا لان العلاج نفسة يسبب الصداع

ما اقولة عن علم وتجربة

[Imhotep]

لا هايخسر كليته و دا اللى حصل معايا بالمللى و قعدت اغسل 3 سنين و فى الاخر زرعت الحمد لله
صداع و ادوية nsaid لغاية ما انتهت الكلى و السبب كان ضغط
ارجو منن الادارة قفل االموضوع دا عشان مش معقول نتناقش فى كدا عادى و نودى حياة فى ستن داهية

اولا الف سلامة لحضرتك و ربنا يتمم لك الشفاء ان شاء الله
ثانيا لو حضرتك عارف و متأكد انه ممكن لا قدر الله يضر الكلى الضرر الجامد ده من مجرد جرعة واحدة لمسكن معروف و متداول. . . فأنا بسحب توصيتى بيه لان دى مسئولية انا مقدرش عليها. . . رغم ان انا برضه عارف كويس خطورة الاستخدام العشوائى للادوية عموما و حتى المسكنات و اثارها الجانبية و تأثيرها النهائى لانها كلها بتنتهى فى مصافى السموم فى الجسم و هى الكبد و الكلى. . . و يمكن وضحت لاحد الاخوة ازاى يتغلب على احد هذه الاثار الجانبية و هى مشكلة زيادة حموضة المعدة. . . و ايضا رغم انى قلت ان المسكن اللى انا وصفته لا يستخدم الا عند اللزوم فقط و بحد اقصى لجرعة محددة لا تزيد عنها فى ال 24 ساعة
و ربنا يوفق صاحب المشكلة للعلاج الناجح ان شاء الله. . . و مرة تانية الف سلامة

[sherifahmed]

اولا الف سلامة لحضرتك و ربنا يتمم لك الشفاء ان شاء الله
ثانيا لو حضرتك عارف و متأكد انه ممكن لا قدر الله يضر الكلى الضرر الجامد ده من مجرد جرعة واحدة لمسكن معروف و متداول. . . فأنا بسحب توصيتى بيه لان دى مسئولية انا مقدرش عليها. . . رغم ان انا برضه عارف كويس خطورة الاستخدام العشوائى للادوية عموما و حتى المسكنات و اثارها الجانبية و تأثيرها النهائى لانها كلها بتنتهى فى مصافى السموم فى الجسم و هى الكبد و الكلى. . . و يمكن وضحت لاحد الاخوة ازاى يتغلب على احد هذه الاثار الجانبية و هى مشكلة زيادة حموضة المعدة. . . و ايضا رغم انى قلت ان المسكن اللى انا وصفته لا يستخدم الا عند اللزوم فقط و بحد اقصى لجرعة محددة لا تزيد عنها فى ال 24 ساعة
و ربنا يوفق صاحب المشكلة للعلاج الناجح ان شاء الله. . . و مرة تانية الف سلامة

شكرا لسيادتك على تمنياتك
بس يا فندم المشكلة لو هو ارتاح على الدوا دا و كبر من الدكاترة ودا اللى حصل معايا لان حالته مزمنة زى
الصداع راح و انا رحت معاه

[Imhotep]

يا فندم المشكلة لو هو ارتاح على الدوا دا و كبر من الدكاترة ودا اللى حصل معايا
الصداع راح و انا رحت معاه

عندك حق. . . الف سلامة لك و له. . . و ربنا يتمم شفاكم جميعا ان شاء الله
ياريت صاحب المشكلة لا يكل من السعى لطلب العلاج المناسب لحالته و ان شاء الله ربنا هيوفقه للطبيب الماهر اللى هيكون علاجه على ايديه

[mastr_n]

بصفتى صاحب الموضوع
انا شاكر جداا لكل الناس اللى ساهمت بالمشاركة والنصيحة
ثانيا بالنسبة للمشكلة واحساسك ان صديقك ععمرك بيعانى من مرض معين وهوة الصداع النصفى يارب يعافيكو كلكوا من اى مرض اللهم امين
احساسك بمعاناتة مع الدكاترة اللى اغلبهم بقو تجار بمعنى الكلمة الا من رحم ربى وبيكتبوا الادوية على حسب تظبيط مندوب الشركة وغالبا اتكتبلة ادوية كورتيزون وبدون علمة كمان
تم عمل اشعة على المخ وتبين قصور فى الدورة الدموية وماكتبش اى دواء لية

خلاصة الموضوع والحمد للة انا وصاحبى على درجة من المعرفة بحيث ان عمرى ماخدت دوا الا لما اقرا side effects بتاعتة و موانع الاستعمال

انا موضوعى موجة للناس اللى عندها تجربة مماثلة يمكن يختصر عليا الطريق ويقولى اعمل اية لاننا زهقنا من الدكاترة فعلا وفى الاخر بجد انا مبسوط من التفاعل وفعلا الناس هنا بتحب بعض وعايزة الخير لبعض

[kar!m]

شافاة الله وعافاة وفعلا حاسس بية لان عندى نفس الحالة ممكن معلومات اكتر عن الجهاز يعنى متوفر وبيشتغل على اية يعنى فكرتة اية

الجهاز اسمه cefaly .. و ده الموقع بتاعه Cefaly Migraine Pain Relief
و صاحبي بيشكر لي فيه .. الجهاز من شركة كندية و صناعة بلجيكي .. و هو شاريه من التوكيل بتاعه في مصر الجديدة .. 7 شارع الأهرام .. بع كنيسة البازيليك .. أعلى محل BTM .. و البنك الأهلي
سعره 1950 جنية.
و بييجي معاه لزقة اسمها electrode .. الواحدة بتكفي 30 جلسة .. الواحدة ب 80 جنية .. و الجهاز معاه 2 هدية.
بالشفاء ان شاء الله.

[lonedoctor]

عموما انا لن اتدخل فى الموضوع الا بقدر ما يطلب منى لكن فى النهاية الاخ اللى بيقول الصداع العنقودى- ده حاجة تانية غير النصفى تماما cluster headache not migrain وهذا لا يمكن تشخيصه بالحكاوى فى المنتديات
كثرة استخدام المسكنات غير السترويدية قد يؤدى للفشل الكلوى وهناك من اصيب بذلك فعلا فى احد المشاركات وفعلا انا كان رسالة الماجستير عندى على موضوع فى الفشل الكلوى نسبة كبيرة من المرضى جالهم بسبب المسكنات
الامر الاخير انه صاحبك لابد يكون عارف انه الصداع النصفى من الامراض التى تصاحب الانسان فى حياته وتستمر لسنوات كبيرة قد تصل الى 30 سنة ولم يكتشف الطب لها علاج شافى اساسا بالرغم من تجربة مايزيد عن 500 عقار فى الابحاث الطبية
وبالتالى صاحبك عامل زى اللى عنده سكر وعايز ياخد علاج علشان يخف ولما مش بيخف بيغير الدكتور واصلا مستحيل المرض يخف طبقا لما وصل ليه البشر حتى الان من علاج فلازم يعرف انه الهدف من العلاج السيطرة على النوبات وتخفيف الالم الناتج منها ومباعدة الفترة بينها فقط فلا يسرف فى الامل او الهدف الذى يسعى اليه
الجهاز اللى الاخ ذكره ماهو الا علاج طب بديل من العلاجات التى قد تساعد فى تخفيف النوبات وقد تاتى بنتيجة او قد لا تاتى
اما الادوية فكثيرة جدا ولها مراحل فى الترتيب يبدا المريض بمرحلة فاذا لم يرتاح ينتقل للمرحلة التى تليها من الادوية والمنتدى ليس المكان المناسب لذلك لكن الافضل يتابع مع طبيب باطنى او امراض عصبية
تقبل تحياتى وارجو من الاخوة الاعضاء عدم وصف ادوية بدون تخصص لان هذا امر خطير ولا يمكن تصور حدوثه فى البلاد المتحضرة بحال

[aymanshebl]

متابع

[volociximab]

هناك ادوية تستخدم لمنع حدوث النوبات و ليس علاجها
البيبرفينيد هو نفسه الكيتوفان مفيش فرق غير فى الشركة--و العيلة دى كلها بما فيها السيلوكسيب و عيلته بتؤذى الكلى على المدى البعيد
هناك بجانب هذه العائلة ادوية اخرى من عائلة التربتان لكن هذه الادوية لا تؤخذ الا بمشورة طبية لان لها محاذير
هناك ايضا اطعمة تؤدى الى حدوث نوبات الصداع النصفى--ان تأكدنا انها بالفعل صداع نصفى
الميجرانيل لم يعد مطروحا للعلاج

[mastr_n]

في دوا اسمة نوميجران دة مش جدول ودة للصداع النصفي بس للاسف ماجبش نتيجة
وفي الحجامة بيقولوا بتجيب نتيجة كويسة حد عندة خبرة؟