خط فودافون ولآ اتصالات ؟؟

[Mahmoud Naguib]

أنا كنت محتاج أعرف إي أفضل خط ف الدقايق اللي بيوفرها لل٣ شبكات بسعر أقل !!

يعني في ناس قالت فودافون فليكس كويس وفي ناس قالت في عروض أفضل ف اتصالات !!

ياريت حد يقولنا خط إي أفضل وإي أفضل عرض لل٣ شبكات بسعر قليل !!

وياريت كمان لو حد يعرف أشتري منين خط مميز بس يبقى تمام أوي !!!

[أبو آسر]

مبدئيا فودافون أفضل من ناحية جودة الشبكة وخدمة العملاء
أنظمة كنترول فيليكس كويسة جدا بتبدأ معاك من 23 جنيه نظام فيليكس 20 بيديك 500 وحدة في الشهر تقدر تتكلم بيهم 500 دقيقة لفودافون أو 100 دقيقة لأي شبكة تانية أو 500 ميجا بايت إنترنت أو 500 رسالة أو ممكن تنوع بينهم كلهم
يعني الدقيقة لفودافون = وحدة ، الميجا إنترنت = وحدة ، الدقيقة لأي شبكة تانية = 5 وحدات ، الرسالة = وحدة
لو ال500 قليلة يبقى خليك في فيليكس 40 ب46 جنيه بيديك 1600 وحدة وده اللي أنا شغال بيها حاليا ومش بخلصها
في برده فيليكس 60 بـ69 جنيه بيديك 2500 وحدة لو انت مكالماتك كتير أو بتفتح الإنترنت كتير
وفي برده فيليكس 80 بيديك 3500 وحدة ب92 جنيه
الميزة في النظام ده إنك تقدر من خلاله تقوم بكل حاجة بدون الحاجة لباقات إضافية ، يعني تتكلم كل الشبكات وتشتغل إنترنت وتبعت رسايل وكله من نفس الباقة مش تشترك في باقة للكلام وباقة للإنترنت لوحدها وكده ، ده حتى بعض الخدمات زي الكول تون ممكن برده بنظام الوحدات اليوم 5 وحدات للكول تون