مسابقه الحصول على الجنسيه

[rotanamasoud]

اكيد مصر واكيد بهزر
امريكا طبعا بدون تفكير مستقبل اى حد بدء بعربيه يبيع جيلاتى او سندوتشات مع الوقت بيكون مطعم وسلسله مطاعم لاكن مصر طول ما انت صغير حتفضل صغير غير ان كله فى حاله وبدماغه

[Hobgoblin]

ماليزيا. بس المشكلة ان جوها حر و رطوبة عالية
علي فكرة كوكب اليابان رائع بس المشكلة في الاكل. اللي راحوا قبل كدة لفترة صغيرة اتعذبوا في الاكل. الفراخ تصعق واكلهم غريب مثلها مثل الصين.

حضرتك غربتي أكل ماليزيا؟

أكلهم عجيب وبرضو صعب التعود عليه.

[Bassem Youssef]

بودي اقول دوله اسكندنافيه بس ممكن يجيلي صدمه من كتر النضافه :d

فخلينا في دوله شرق اوروبيه معفنه شويه زي روسيا او جورجيا مثلا :d

[rotanamasoud]

بودي اقول دوله اسكندنافيه بس ممكن يجيلي صدمه من كتر النضافه :d

فخلينا في دوله شرق اوروبيه معفنه شويه زي روسيا او جورجيا مثلا :d

ايه اللى نزل طموحاتك كده على فكره انا ممكن اروح روسيا ايه رايك

[أحمد كمال]

انا عايز اهاجر اساسا عشان السبهللة

مش عايز سبهللة عايز حقي بالقانون

مش عايز اقف في طابور (لو فيه برة طوابير اساسا) و الاقي الباشا نط قدامي بالكوسة

مش عايز اعدي من لجنة بمخالفة و قدامي واحد مفيم و من غير لوح و بيتعظم له

مش عايز اقدم على وظيفة و الاقي ابن انكل فلان خدها



برة المهاجر مش المواطن راسه براس رئيس الوزراء او رئيس الدولة و مفيش حد احسن من حد


السبهللة ادمان للي مستفيد منها بشكل جذري .......


غير كده محدش بيحب السبهللة اصلا

[lena jo]

حضرتك غربتي أكل ماليزيا؟

أكلهم عجيب وبرضو صعب التعود عليه.

مجربتش حاجة . انا قرأت عن التجربة الماليزية و كيف تقدمت علي يد رئيسها السابق مهاتير محمد و تابعت موضوع رائع هنا في المنتدي عن ماليزيا ل abo rouqa . و عجبتني البلد و الشعب و من وصفه انهم مسالمين رغم اختلاف اعراقهم الا ان كلهم نسيج واحد. معدلات الجريمة قليلة جدا و غالبا من الاغراب مش اهل البلد. و طبعا مسلمين كتير و جوامع رائعة و اذان مسموع . انا احب اسمع الاذان من المساجد. انا غير متذكره موضوع الاكل لكن علي الاقل لن يكون ابدا عك مثل اليابان و الصين و الذبح اكيد علي الطريقة الاسلامية او علي الاقل مفيش صعق. و انا لا اقصد اكل المطاعم لكن الاكل العادى من السوبرماركت او المعلبات حتي.

[FAR!D]

انا عايز اهاجر اساسا عشان السبهللة

مش عايز سبهللة عايز حقي بالقانون

مش عايز اقف في طابور (لو فيه برة طوابير اساسا) و الاقي الباشا نط قدامي بالكوسة

مش عايز اعدي من لجنة بمخالفة و قدامي واحد مفيم و من غير لوح و بيتعظم له

مش عايز اقدم على وظيفة و الاقي ابن انكل فلان خدها

برة المهاجر مش المواطن راسه براس رئيس الوزراء او رئيس الدولة و مفيش حد احسن من حد

السبهللة ادمان للي مستفيد منها بشكل جذري .......

غير كده محدش بيحب السبهللة اصلا

فكر بهدوء كده
انت عيشتك اصلا من اولها لاخرها سبهلله
لو انتقلت لدوله بتقدس القانون هي و شعبها مش حتعرف تعيش
ببساطه عشان متربتش على القانون من البدايه

[أحمد كمال]

فكر بهدوء كده
انت عيشتك اصلا من اولها لاخرها سبهلله
لو انتقلت لدوله بتقدس القانون هي و شعبها مش حتعرف تعيش
ببساطه عشان متربتش على القانون من البدايه

غير صحيح ..... انا عشت و زرت دول كتير و التزمت بالقانون عالمسطرة ..... انا متربي في بيتي عالقانون

اللي متربي في بيته عالسبهللة بقى و اتعود عليها هو اللي مش هيعرف


انا اساسا طفشان من السبهللة

[Bassem Youssef]

كل اللي عايز يسافر براحته بس مسيرك تحن لمصر
عشان السبهلله مش حتلاقيها بره :))))))))))))))

مفيش حد بره بيحن لمصر الا عشان خاطر اهله

فئه نادره اللي بتحن للبلد حبا فيها

ايه اللى نزل طموحاتك كده على فكره انا ممكن اروح روسيا ايه رايك

لو بتعرف روسي كويس جدا و هتنزل علي شغل محترم بمرتب محترم او هتعمل مشروع مدروس صح

توكل علي الله بس اعمل حسابات للمستقبل بالنسبه للاوضاع الاقتصاديه و السياسيه هناك

[Mohab.Nabil]

انا شخصيا اختار نيوزيلاندا

و اى انسان طبيعى يحب يلتزم بالقانون طالما بيطبق على الكل .. و فيه مصريين كتير جدا فى كل بلاد العالم بيلتزموا بالقوانين بتاعت البلاد و عايشين مبسوطين بس متجيش فى بلد اصلا القانون مش مطبق فيها على الكل زى مصر و تقولى ليه مش بتحب الالتزام بالقوانين .. القانون اصلا الهدف من وجوده هو تنظيم و تسهيل حياة الشعب و اللى ميحبش كده يبقى عنده مشكلة بقى

[أبو آسر]

فكر بهدوء كده
انت عيشتك اصلا من اولها لاخرها سبهلله
لو انتقلت لدوله بتقدس القانون هي و شعبها مش حتعرف تعيش
ببساطه عشان متربتش على القانون من البدايه

مش كل الناس تأقلمت على "السبهلله"
في ناس كتير جدا بتكره السبهلله ومش عارفة - أو مش عايزة - تتأقلم عليها لذلك هما دول اللي تلاقيهم تعبانين ونفسهم يهجوا من البلد النهاردة قبل بكرة
أما اللي بيقولك البلد زي الفل وبيحنوا للوتن وميقدروش يعيشوا في مكان تاني هما دول اللي اخترعوا السبهلله وأصبحت منهج حياة عندهم وهما دول اللي هيتعبوا لو سافروا برة بلد السبهلله وهما دول اللي بيكرهوا أعداء السبهلله لأنهم في نظرهم شواذ و Aliens
لكن في ناس مصرة تحافظ على مبادئها وملتزمة بالحد الأدنى من الأخلاق الحميدة وبتربي عيالها على كده ومنتظرين بكل لهفة ساعة الصفر اللي هيبصوا فيها للسبهلله من شباك الطيارة ويحدفوا عليها قلة Family Size
أنا مثلا بلزم نفسي إني مرميش أي ورقة في الشارع ولو اضطر الأمر إني أحطها في جيبي لحد ما ألاقي باسكت أرميها فيه ومعود ولادي على كده وببهدلهم لو رموا حاجة في الشارع فبالتالي اللي زينا غالبا لو سافروا برة إلى بلاد اللاسبهلله هيقدروا يتأقلموا سريعا على الوضع الجديد ، طبعا هيتعبوا شوية برده لأنهم مش متعودين 100% على النظام الكامل والالتزام الحرفي للقوانين في ظل الفوضى والهمجية اللي هنا بس لأن عندهم الرغبة في التغيير ومهيأين نفسهم للتغيير فهيقدروا يندمجوا بسرعة
اللهم ارزقني لذة النظر إلى مصر من شباك الطائرة على رأي أخونا باسم يوسف :)

[mmolazem]

ماهى الدوله ؟
ماهى معيار اختيار هذة الدوله ؟

الدولة : مصر
المعيار : ان تكون دوله !!
التوقيت : فى المشمش !!

[FAR!D]

غير صحيح ..... انا عشت و زرت دول كتير و التزمت بالقانون عالمسطرة ..... انا متربي في بيتي عالقانون

اللي متربي في بيته عالسبهلله بقى و اتعود عليها هو اللي مش هيعرف


انا اساسا طفشان من السبهلله

[FAR!D]

مش كل الناس تأقلمت على "السبهلله"
في ناس كتير جدا بتكره السبهلله ومش عارفة - أو مش عايزة - تتأقلم عليها لذلك هما دول اللي تلاقيهم تعبانين ونفسهم يهجوا من البلد النهاردة قبل بكرة
أما اللي بيقولك البلد زي الفل وبيحنوا للوطن وميقدروش يعيشوا في مكان تاني هما دول اللي اخترعوا السبهلله وأصبحت منهج حياة عندهم وهما دول اللي هيتعبوا لو سافروا برة بلد السبهلله وهما دول اللي بيكرهوا أعداء السبهلله لأنهم في نظرهم شواذ و Aliens
لكن في ناس مصرة تحافظ على مبادئها وملتزمة بالحد الأدنى من الأخلاق الحميدة وبتربي عيالها على كده ومنتظرين بكل لهفة ساعة الصفر اللي هيبصوا فيها للسبهلله من شباك الطيارة ويحدفوا عليها قلة Family Size
أنا مثلا بلزم نفسي إني مرميش أي ورقة في الشارع ولو اضطر الأمر إني أحطها في جيبي لحد ما ألاقي باسكت أرميها فيه ومعود ولادي على كده وببهدلهم لو رموا حاجة في الشارع فبالتالي اللي زينا غالبا لو سافروا برة إلى بلاد اللاسبهلله هيقدروا يتأقلموا سريعا على الوضع الجديد ، طبعا هيتعبوا شوية برده لأنهم مش متعودين 100% على النظام الكامل والالتزام الحرفي للقوانين في ظل الفوضى والهمجية اللي هنا بس لأن عندهم الرغبة في التغيير ومهيأين نفسهم للتغيير فهيقدروا يندمجوا بسرعة

ليه كل واحد واخد الكلام على نفسه ؟
ليه كل واحد بيقيم نفسه ؟
ابسط مثال السواق المصري اللي فلق الحجر من سواقته ده لو بره شافوه حيضربوه بالنار
حد عنده قريب بالخارج يحكي له عن المعناه في استخراج رخصه قياده و كام مره سقط في الاختبارات ؟
سواقتك هنا حتى لو ملتزمه بالنسبه ليهم غلط × غلط
قيس و قارن على جميع المستويات
واخيرا ادعو لكل شخص مثالي منتمي للحضاره الاروبيه من داخله بس على رأيك Alien امام المجتمع ان يصل الى الحدود سالما و يرزقه الله بمتعه النظر من شباك الطياره
بس صدقني حتبقى Alien برضوا امام الدول الغربيه

[wawamoha]

دار السلام