الحقوني عندي فيران في البيت ومش عارف اعمل ايه

[Dr_Smart]

من كام يوم لقيت اثار فار عالكنبة في الريسبشن واستغربت جدا لاني مقفل كل حاجه كويس ومش عارف دخل ازاي ولا راح فين

المفاجأة اني اكتشفت انه مستخبي جوه التكييف الاسبليت .. سمعت صوته .. الظاهر قرقض المواسير من بره ودخل الاسبليت !!!!

الفيران دي كائنات عجيبة ومقرفه .. وذكية

المهم اني بالليل سمعت صوت واحد تاني في التكييف اللي في الاوضه !!!

الظاهر انهم قرايب ودي طريقه جديدة اخترعوها مع بعض :)

انا مش عارف اتصرف ازاي يا ريت تنصحوني اعمل ايه

فيه عماره جنبي اتهدت وفيه شغل في مواسير الصرف في الشارع .. يمكن هما اللي طفشو الفيران علينا

أجيب لزقه او مصيده ؟؟ طيب هيطلعو من التكييف للمصيده ولا فكره غير مجدية ؟

طيب افتح غطا الاسبليت واحاول اطلعهم واصطادهم ؟؟

ولا اجيب شركة مكافحه يتصرفو ؟

ولا بتوع شركة التكييف ممكن يتصرفو وبرضو يشوفو اكيد فيه خساير في التكييف ؟

ولا اعزل واهرب ههههههه

أغيثوني عشان فعلا اتخنقت .. ربنا ما يبتليكم

[smsm2015]

هات سم فئران واحسن مكان عارف المركز القومى للبحوث اكنك رايح على الكوبرى الخشب فى محل بتاع عصير جنبه محل كبير بيبعه حلو جدا وحط كل شويه من السم على ورقه وحط الورق فى جميع الاماكن اللى من المحتمل فيها تواجد القئران وان شاء الله يموتوا ...

[misry]

حط سم فئران على طماطم او طعمية ... مجربة :)

[yyy]

هات سم فئران واحسن مكان عارف المركز القومى للبحوث اكنك رايح على الكوبرى الخشب فى محل بتاع عصير جنبه محل كبير بيبعه حلو جدا وحط كل شويه من السم على ورقه وحط الورق فى جميع الاماكن اللى من المحتمل فيها تواجد القئران وان شاء الله يموتوا ...

حط سم فئران على طماطم او طعمية ... مجربة :)

بلاش سم احسنلك انت مش عارف ها يستخبى فين ..هات مصيدة وحط فيها جبنة رومى

[Dr_Smart]

هعمل محاولة وربنا يسهل

[م أحمد]

ابعد عن السم لانه لومات هيعفن و انت مش عارف مكانه
مصيدة و جواها حتة رنجة وانسى
اللزق فعال بس مكلف لو عندك اكتر من واحد

[أبو آسر]

أعتقد المصيدة أحسن حل فعلا لكن موضوع اللزق أنا جربته قبل كده ومنفعش
والمصيدة كانت هتجيبه بس كنت حاططها في حتة مزنوقة فمقفلتش للأسف وكنت حاطط جواها جبنة رومي ومجابوش غير البواب :d

[محمد عمر 2014]

المصيدة احسن حل وفيها حتة جبنة رومي وحاول تتأكد الاول ان مفيش فئران في المطبخ واقفله كويس لان طالما عنده مصدر اكل مش هيروح على المصيدة نهائي لازم يكون الاكل في المصيدة هو الحل الوحيد له

[م/مصطفى محمود]

اسرع واضمن طريقة هي المصيدة

باقي الطرق مش هتعرف هل اكله ولا لأ وهل مات ولا لأ

انا فضلت اسبوعين بجرب كل انواع السم واللزق وفى الآخر نزلت جبت مصيدة وجابتة فى نفس اليوم ، حطيت فيها حتة سمك واتقفش فى ساعتها

هتجيبها ب 10 جنية وهتسمع صوتها اول ما تقفل

[Dr_Smart]

شكرا جزيلا لكل النصائح

انا فعلا جبت مصيده ولزقتين وهجرب كده وربنا يسهل

[A.Saad]

ما تمسكش الاكل بايدك لانه بيشم ريحة الانسان فيه
البس جوانتى

[wael61]

المكان اللى يشم فيه الفار ريحة الفلفل الاسود لايمكن يقعد فيه رش فلفل اسود والفار هيطفش