سخان جديد

[hobby10]

سلام عليكم .. محتاجة اجيب سخان جديد ومحتارة اجيبه غاز ولا كهربة ... وشركة ايه ؟ .. حاجة تكون كوالتيى كويسة وتعيش وصاينتها متوفرة

شكرا

[amr011111]

الغاز له ميزة كبيره وانك اول لما تفتحى المياه هتلاقى المياه السخنه موجوده
بخلاق الكهرباء اللى لازم تشغليه قبلها بفتره
انا بالنسبه لى بفضل سخان الغاز
وبالتوفيق

[ebb]

الغاز افضل وارخص وعملى اكتر

[ZADH]

والله أنا عن نفسي شغال بسخان المصانع الحربية ال 10 لتر غاز من زمان ...... ممتاز و قطع غياره في كل مكان.
وعموما نشوف رأي باقي الأعضاء الكرام لمزيد من الافادة.
وشكرا جزيلا.

[smsm2015]

الاريستون كويس جداا

[almohaor]

والله أنا عن نفسي شغال بسخان المصانع الحربية ال 10 لتر غاز من زمان ...... ممتاز و قطع غياره في كل مكان.
وعموما نشوف رأي باقي الأعضاء الكرام لمزيد من الافادة.
وشكرا جزيلا.

تمام زى ماحضرتك قلت
سخان غاز مصانع حربية موديل س8
لايعلى عليه خدمة اكتر من عشرين سنة بدون مشاكل
سهل الصيانة وقطع غياره عند البقال وغير مكلفة خالص مثال
كاوتشة الرداخ كنت باجبها بجنيه دلوقتى فى حدود تلاتة جنيه وافضلها التركى
طبق ابرة الغاز بحوالى خمسة جنيه وافضله المصنوع من البلاستيك لانه بيحافظ على كاوتشة الرداخ سليمة عند درجة الحرارة العالية جدا
اشعال اليكترونى 10-15 جنيه
واذا تعطل الاشعال الاليكترونى ممكن تشغله بعود كبريت
سنسور بحوالى 15 جنيه وكل دول انا غيرتهم بنفسى كمان
طوال اكتر من عشرين سنة
والحمد لله بتكلفة لاتتعدى 50 جنيه
اضف على ذلك انه الوحيد اللى ممكن يعطيك
مياه درجة حرارتها من فاترة الى درجة الغليان
ستجده فى حدود سعر 1050 جنيه من مراكز بيع المصانع الحربية
واصبح من اغلى سخانات الغاز الاخرى بالسوق حاليا بعد اثبات كفائته
امام السخانات الحديثة والجزء الاساسى فيه صناعة المانى
وبالتوفيق

[salodas]

كهربا ....توشيبا

[ZADH]

تمام زى ماحضرتك قلت
سخان غاز مصانع حربية موديل س8
لايعلى عليه خدمة اكتر من عشرين سنة بدون مشاكل
سهل الصيانة وقطع غياره عند البقال وغير مكلفة خالص مثال
كاوتشة الرداخ كنت باجبها بجنيه دلوقتى فى حدود تلاتة جنيه وافضلها التركى
طبق ابرة الغاز بحوالى خمسة جنيه وافضله المصنوع من البلاستيك لانه بيحافظ على كاوتشة الرداخ سليمة عند درجة الحرارة العالية جدا
اشعال اليكترونى 10-15 جنيه
واذا تعطل الاشعال الاليكترونى ممكن تشغله بعود كبريت
سنسور بحوالى 15 جنيه وكل دول انا غيرتهم بنفسى كمان
طوال اكتر من عشرين سنة
والحمد لله بتكلفة لاتتعدى 50 جنيه
اضف على ذلك انه الوحيد اللى ممكن يعطيك
مياه درجة حرارتها من فاترة الى درجة الغليان
ستجده فى حدود سعر 1050 جنيه من مراكز بيع المصانع الحربية
واصبح من اغلى سخانات الغاز الاخرى بالسوق حاليا بعد اثبات كفائته
امام السخانات الحديثة والجزء الاساسى فيه صناعة المانى
وبالتوفيق

هوه ده الكلام

[طارق _عبد السلام]

الاريستون الغاز ممتاز جدا جدا
لكن لو توفر المصانع الحربيه يكون هو الافضل

[J A G U A R]

عندى غاز وكهربا ومش بشغل غير الغاز وركنت الكهربا

[ZADH]

الاريستون الغاز ممتاز جدا جدا
لكن لو توفر المصانع الحربيه يكون هو الافضل

منور يا كبير

[طارق _عبد السلام]

منور يا كبير

بوجودك يا استاذنا

[egytamer]

مع احترامي لجميع الاراء بس السخان الافضل سواء غاز او كهرباء هوا حسب الظروف المتاحة يعني مثلا ميبقاش في ازمة انابيب والمكان مفيهوش غاز طبيعي ساعتها هيبقي الكهرباء افضل طبعا اما لو المكان فية غاز طبيعي ساعتها ممكن الغاز يبقي اوفر بكتير

[A.Saad]

الغاز
ابعدى عن اليونيفرسال

الوايت ويل كويس

بصفة عامة الغاز بينقسم الى نوعين حسب التكنولوجى اللى فيه
بدون اشعال ذاتى : ده صيانته سهلة عيبه ان كل ما تحتاجيه تولعيه ولو سبتيه بدون اطفاء بعد الاستخدام بيكون فيه شعلة بتفضل شغالة ودى بتزود استهلاك الغاز
باشعال ذاتى ده بيعتمد على استخدام بطاريات جافة عادية زى بتاعة لعب الاطفال علشان يوفر شرارة للاشعال
هنا اما تحتاجى المياة الساخنة بتفتحى المياه وبس وهو بيولع نفسه
عيبه ان صيانة نظام الاشعال غالية
عندى بعد 3 سنوات محتاج قطعة غيار بحوالى 300 جنيه

[ahmedshawky]

كهرباء توشيبا ممتاز جدا
وبالنسبالي اامن من الغاز