عايز اشترى فاكهه القشطه لعلاج مرض خطير الاقيها فين وبكام

[احمد المصرى]

السلام عليكم
كنت عايز اشترى فاكهه القشطه عامله ذى الكمثرى كدا تقريبا دى بتعالج مرض مش كويس وناس طالباها منى ومش عارف اجيبها منين وسعرها كام

لو فى مكان قريب من 6 اكتوبر يكون تمام جداااااااااااااااااااا

[sherifahmed]

يافندم ربنا يعينك و تلاقيها و الشافى هو الله
بس اشك بشدة فى كل الكلام دا عن الفاكهة دى و مش عارف فاكهة ايه بتعالج السكر
اصل لو كدا كانت اتباعت بالجرام
ربنا يشفى مرضانا و مرضى الناس

[احمد المصرى]

يافندم ربنا يعينك و تلاقيها و الشافى هو الله
بس اشك بشدة فى كل الكلام دا عن الفاكهة دى و مش عارف فاكهة ايه بتعالج السكر
اصل لو كدا كانت اتباعت بالجرام
ربنا يشفى مرضانا و مرضى الناس

انا مش عارف هل الكلام دا صح ولا غلط بس ال طالبها طالبها بشده واكثر من دكتور قالو عليها وهيا بتعالج الكانسر ويقال انها افضل حتى من الكيماوى والله اعلم انا شخصيا عايز اجيبها وخلاص علشان مكنش مقصر فى اى حاجه مع الناس والشافى هو الله

[hugan]

اللي اعرفه ان موسمها في اكتوبر ونوفمبر
ممكن تنزل سوق التوفيقيه اكيد هاتلاقيها هناك
بس انا قريت انها بتمنع المرض من الظهور لكن مش علاج
لكن معلومه غير مؤكده واكيد الكلام عاي الناس اللي بتستخدمها بشكل يومي من الصغر

[amr_naser]

عموما يا اخى الفاكهه دى فيه منها مستورد اذا صعب عليك تجيبها شوف اى حد جاى من اى بلد عربى يجبها لك بسهولة جدا حيلاقيها بتتباع هناك

[Fo1Fo]

هى أكيد ليها موسم . ممكن تلاقيها فى هايبر وان . الفكهانيه اللى فى الزمالك . فى فكهانى امام المستشفى الجوى فى أحمد سعيد او سوق التوفيقيه والحتت النظيفه .