ماذا تفعل لو كنت مكاني ؟؟؟

[smsmbakr]

لو كنت لسه نازل بالعربية وابنك (عمرة سنة ونصف) عايز ينزل معاك ((شبطان فيك)) والكلام ده الساعة 2 ظهرا .....
المهم ......
اكيد اول لما هتركب العربية هتشغل التكييف علشان الحر
ولما تمشي بالعربية وبعدين تقف مع واحد في الشارع وتبطل العربية وابنك يشبط في المفتاح (طبعا انا ادتهوله علشان ميعيطش )
المهم......
اول لما تنزل من العربية وتسلم على صاحبك
يقوم ابنك لاعب بالريموت وقافل على نفسة السنتر
ويرمي الريموت على الارض
ويقعد يلعب جوه وبعدين يزهق وبعدين الجو مش عايز ااقولكم
وبعدين يعيط وعايز يطلع .
وبعدين؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولو المفتاح الاستبن هيتأخر عليك حوالي ساعتين؟
هتعمل ايه في الموقف ده ؟؟
ولو المفتاح الاستبن مش موجود؟
ومتنساش الموضوع كان الساعة حوالي 2.30 ظهرا ياعني عز الحر
قولولي هتعملوا ايه ؟؟؟؟

[Abdo_Eldesokey]

لا إله إلا الله

ليه كده يا يس الشقاوة دي ...

بجد يا باشا موقف صعب ، انا لسه متجوزتش بس فعلا ً حاسس بشعورك

وحمد الله على سلامة الأستاذ يس

[M.Osman]

شقاوة عيال صحيح ...
بصراحة انا ضد ان الأطفال عامة يمسكوا مفاتيح العربية بأى شكل من الأشكال ...

بس انا عياز اعرف انت عملت اية ؟

[cobraa2008]

ان هاحاول افتح العرية باي طريقة لو مانفعش هاكسر الازاز الجانبي وخلاص



وقدر الله وماشاء فعل

[medomada]

حديلوا حتت علقه سخنه علشان مفتاح العربيه مش لعبه.
عموما حاحاول أشاورلوا يفتح المسوجر و فى نفس الوقت أكلم حد يجيب المفتاح, إنما لوا خلاص مافيش حل حاكسر الإزاز.

[ehab08]

حاكسر الشراعه الخلفيه بدون تفكير او اكسر زجاج اى باب

[Ghamrawy]

حايعيط شوية و يمكن ينام من العياط و التعب على ما المفتاح الاحتياطى ييجى و بعد كده يبقى فى درس ان المفاتيح كلها مش لعبة (سخن المفاتيح و اديهالوا يمسكها و حاتشوف النتيجة بعد كده )

[magomago]

لا حول ولا قوة الا بالله
انا متخيل شكل الولد وهو بيعيط فى الجو ده :k41:
قولنا عملت اية ؟؟؟

[hh]

حكسر الزجاج بدون تردد

[Noha.M]

هكسر الشراعة طبعا من غير ما استني المفتاح الspare ولا حاجة

يا خبر!! مين يجيله قلب يسيب ابنه جوة عربية مولعة من الحر عشان يجيب المفتاح التانى

ها انت حليت الpuzzle دى ازاى؟؟

[limo]

الموضوع ده حصل ادامى قبل كده مع واحده نزلت تشترى حاجه من محل وابنها اعد فى العربيه وقافل الزجاج
كل الى عملته الست انها اعدت نص ساعه تقول لابنها دوس على الزرار التانى
لغايه ما بنها داس على الزرار والست دخلت العربيه وضربت الواد ضرب


نجى بقا لموضوعك انا لو مكانك مش هسيب العربيه ابدا هحاول اشوف واحد بتاع مفاتيح يجى يفتح العربيه او اعمل زى الست اعد اوجهه لغايه ما يرفع السقاطه اويدوس على الريموت
وممكن اكلم حد فى البيت يجبلى المفتاح السبير
بس كسر الزجاج بلاش لانه ممكن يتعور منه

افضل حاجه انك تعمل مفتاح سبير مبطط منغير كاوتشه سوداء (عامل زى مفتاح الشقه) وتحط المفتاح ده علطول فى جيب من جيوب المحفظه بتاعتك

[D . a .\ AYMAN]

عموما حاحاول أشاورلوا يفتح المسوجر و فى نفس الوقت أكلم حد يجيب المفتاح

ان هاحاول افتح العرية باي طريقة لو مانفعش هاكسر الازاز الجانبي وخلاص

وقدر الله وماشاء فعل

أعتقد هوة ده اللى كنت هاعمله بالترتيب

[mahamedaraby]

الصراحه انا الا الاطفال بضعف ادامهم اوى

وطبعا مش هستحمل ان الواد يعيط ولو الموقف ده حصل فى 128 هكسر الازاز فورا بدون تردد

لكن لو فى التيدا هفكر دقيقه وبردوا هكسر الازاز:k41:

[badblood]

لو ابني هيطلع زنان كده مش عايزه:k5:

[youssefmustang]

انا لو مكانك اجيب زلطة واكسر الازاز واطلع الواد وارميه بره العربية (حتى لو ابنى) وامشى واسيبو مرمى فى الشارع...