ماذا تفعل لو كنت مكاني ؟؟؟

[ahmedfouad]

انا لو مكانك اجيب زلطة واكسر الازاز واطلع الواد وارميه بره العربية (حتى لو ابنى) وامشى واسيبو مرمى فى الشارع...

مش بس كدة
هعضوا من .......... واطلع حتة لحمة:biggrinjester:

[smsmbakr]

انا كنت مستني اشوفكم هتعملوا ايه
انا اولا
سبته خالص قاعد يلعب جوه واتصلت على اخويا يجبلي المفتاح التاني
وطبعا يس بيه عمل كل الي انا كنت بمنعة منه
لعب بدراع المساحات والدريكسيون والفواحة والمرايا ((وطبعا كل ده وانا بقول في سري ماشي العب براحتك ))
وبعدين فتح درج التابلوه وطلع المعطر ولعب بيه وبعدين رماه
وبعدين مسك الشرايط شريط شريط يقطع فيه كل ده طبعا وانا مستني المفتاح
((وخدين بالكم هو اساسا لما قفل العربية رما المفتاح على طول ))
وبعد كده قعدت اتحايل عليه يجيب المفتاح وطبعا جاب المفتاح من الارض وعايز يدهولي من الزجاج ((وانه يفكر يلعب في الريموت تاني ابدا )) بعد محيله يابني تك يابني العب ولاكن للاسف فشلت كل محاولات اقناعة بلعب بالريموت ورمة المفتاح تاني
وطبعا هو لايعرف يفتح المسوجر ولا حتى فتح الزجاج
ثانيا
حاولت فتح الزجاج انا وصحبي بشده لأسفل بأي شكل وده طبعا منفعش
لغاية يس بيه لما خلاص زهق وعرق وبدء العياط والمفتاح لسه مجاش كل مااتصل على اخويا يكنسل عليا
طبعا انا قول لما لقيته بدء العياط ((للاسف)) كسرت المثلث الشراعة
وفتحت الباب واخرجته طبعا مش عايز ااقولكم كان شكلة عامل ازاي
واول لما خرج يس بيه اخويا جه على طول ياعني انا بفتح الباب وهو بيفتح بالريموت التاني
وبس ......
شوفته بقى يس عامل فيا ايه ؟؟؟

[MedaSam]

أنا كنت هكسر الزجاج بدون تردد ....... بعد محاولات مش اكثر من 5 دقائق سواء لاقناعه بالعب في الريموت أو فتح المسوجر ....... أنا مقدرش اغامر ان ابني يجيله ضيق تنفس أو يغمى عليه من الحر ........ الحمد لله انني مش متجوز اصلا

و ألف سلامه على يس باشا ....... طبعا لو عايز الريموت تاني عارف هتعمل ايه :k26:

[aif]

و بعد كده يبقى فى درس ان المفاتيح كلها مش لعبة (سخن المفاتيح و اديهالوا يمسكها و حاتشوف النتيجة بعد كده )

:k20:
يا سلام ع الحنييييييييه
يا سلام ع الانسانيييييه
طول عمرك حنين يا حضرة العومدة
.....
يا باشا بيقولك ابنه................ مش إريل شارون
هههههههههههههههههههههه
يا عم العيال ياما بيعملو بلاوي فداه 100 شراعة ....

[Ghamrawy]

:k20:
يا سلام ع الحنييييييييه
يا سلام ع الانسانيييييه
طول عمرك حنين يا حضرة العومدة
.....
يا باشا بيقولك ابنه................ مش إريل شارون
هههههههههههههههههههههه
يا عم العيال ياما بيعملو بلاوي فداه 100 شراعة ....

هاهاهاهاااااااااااى
أيه رأيك يا أحمد بيك ؟؟ طول عمرى حنين و قلبى كبير و انسان الى أقصى الحدود بس العيال بتعمل حاجات تجنن و تخلى الواحد يطلع من هدومه
بس كان حايبقى ايه العمل لو العربية دى مثلا مرسيدس E320 ولا بى أم 530 ؟؟ أعتقد ان كسر الشراعة ده حايبقى فى ذيل قائمة الحلول

[Michael_Lanos]

الواد يعيط براحته لكن المفتاح لاء، مش اي حاجه يتلعب بيها افرض دخله فى عينه ولا بؤه

[Hossam_Hassan]

المفروض اى طفل يبقى قاعد ورا و مربوط بحزام الأمان، انا عانيت لغاية ما عودت ليليا على كده بس لما اتعودت بقت تروح بنفسها و عاوزة تربط الحزام، و عود نفسك رجلك ماتنزلش من العربية من غير ما المفتاح يكون فى ايدك، حتى لو فى حد كبير فى العربية.

نصيحة أخيرة، الأطفال من سن سنة - 5 سنين، لازم انت اللى تحطلهم القواعد بحزم و صبر، لأنهم اذكياء جدا جدا و بيعملوا علينا تجارب كتيرة، أغلب تصرفاتهم بيقصدوا بيها قياس ردود أفعالنا و حدودها.

[Noha.M]

المفروض اى طفل يبقى قاعد ورا و مربوط بحزام الأمان، انا عانيت لغاية ما عودت ليليا على كده بس لما اتعودت بقت تروح بنفسها و عاوزة تربط الحزام، و عود نفسك رجلك ماتنزلش من العربية من غير ما المفتاح يكون فى ايدك، حتى لو فى حد كبير فى العربية.

نصيحة أخيرة، الأطفال من سن سنة - 5 سنين، لازم انت اللى تحطلهم القواعد بحزم و صبر، لأنهم اذكياء جدا جدا و بيعملوا علينا تجارب كتيرة، أغلب تصرفاتهم بيقصدوا بيها قياس ردود أفعالنا و حدودها.

فعلاااااااااااااااااا كلام سليييييييييييييم مليون فى المية

انا عانيت كتير اوى مع ولاد اختى و طريقة تربيتها و دلعها و تغاضيها على حاجات كتير جداا بيعملوها و بيجربوها فعلا الاول لحد ما بنتها وصلت لنها لما تعيييط شوييية و تزززززن و تترمي على الارض و دى اكتر حركة بكرهاااااا في العيال بقت على طووول اختى تسمع كلامها

و بقول لاختى متتخدعيش بالطرق دي تقولي دي عيلة

فعلا الاطفال ازكياء جدا فى السن دة و مش تقريبا اطفال دول مسجلين خطر

[sherif_m72]

حديلوا حتت علقه سخنه علشان مفتاح العربيه مش لعبه.
.

صح 100% بس لمين...........؟

[y_omran]

فكرة جديدة اتكلم على موبايلك فى البيت و خلى اللى يرد عليك يجيب المفتاح الاستبن و يشغله جنب الموبايل و انت موبايلك يبقى على بعد قدم من العربية العربية هتفتح و جرب و قوللى

[D . a .\ AYMAN]

فكرة جديدة اتكلم على موبايلك فى البيت و خلى اللى يرد عليك يجيب المفتاح الاستبن و يشغله جنب الموبايل و انت موبايلك يبقى على بعد قدم من العربية العربية هتفتح و جرب و قوللى

الفكرة دي فعلا انا أعرفها من زمان وكنت انسيتها وانت فكرتني بيها دلوقتي

لكن الصراحة عمري ما جربتها بس اللى قالهالي كان مجربها بنفسه

[MedaSam]

فكرة جديدة اتكلم على موبايلك فى البيت و خلى اللى يرد عليك يجيب المفتاح الاستبن و يشغله جنب الموبايل و انت موبايلك يبقى على بعد قدم من العربية العربية هتفتح و جرب و قوللى

ممكن حضرتك تشرح الفكره دي أكتر ......... اصلي مش واخد بالي بصراحه

[ahmedezzat78]

غريبه قوى

ياريت شرح

[ooso28]

فكرتني بالاعلان ده

http://www.youtube.com/watch?v=w4XxEQwHYUY

ممكن الواحد فينا يقترح حلول بس لو ساعة الموقف اكيد رد الفعل كان هيختلف

[medomada]

الولد ده لو إبنى كنت بدون تردد أكسر الشراعه و أطلعه و أطلق أمه.