ماذا تفعل لو كنت مكاني ؟؟؟

[نور القمر]

من البداية محبش ادلع الاطفال زيادة عن اللزوم
يعني مش كل حاجة متاحة ليهم يلعبو بيها
لوعيط مرة والتانية على حاجة ومنفذتش طلبه خلاص بيفهم ان ده ممنوع ومش هيحاول تاني
ثانيا عمري ما انزل من العربية الا والمفتاح في ايدي لكن باباهم ماشاء الله ديما يقفل على المفتاح لحد ما عمل نسخة وسايبها في جيبة على طول
انما لو اللي حصل حصل وابني اتقفل عليه والمفتاح هايأخر وبدأ يعيط فعلا مش هاستنى دقيقه واحدة وهكسر اي ازاز بسرعه
وهاديلو علقة اكيد افش غلي منه هههههههههههههههه

نصيحة اكتشفت ان في اشرار كتير في المنتدى هههههههههههه اوعى تسمع كلامهم

[سمير يونس]

الولد ده لو إبنى كنت بدون تردد أكسر الشراعه و أطلعه و أطلق أمه.

طيب و أمه ذنبها أيه في الموضوع ده كله ؟؟؟

[Noha.M]

طيب و أمه ذنبها أيه في الموضوع ده كله ؟؟؟

عشان اكيد هي اللى دلعته الدلع الماسخ دة

[medomada]

علشان الأولاد مسؤوليه الأم , هو الأب حيعمل أيه ولا أيه ؟!!!!!!! و بعدين أكيد أول ما حضربه حيعيط و يقول عايز ماما أبقى أنا سبقته و طلقتهاله لما نشوف بأه حيقول عايز مين؟

[Mido80]

انا كنت مستني اشوفكم هتعملوا ايه
انا اولا
سبته خالص قاعد يلعب جوه واتصلت على اخويا يجبلي المفتاح التاني
وطبعا يس بيه عمل كل الي انا كنت بمنعة منه
لعب بدراع المساحات والدريكسيون والفواحة والمرايا ((وطبعا كل ده وانا بقول في سري ماشي العب براحتك ))
وبعدين فتح درج التابلوه وطلع المعطر ولعب بيه وبعدين رماه
وبعدين مسك الشرايط شريط شريط يقطع فيه كل ده طبعا وانا مستني المفتاح
((وخدين بالكم هو اساسا لما قفل العربية رما المفتاح على طول ))
وبعد كده قعدت اتحايل عليه يجيب المفتاح وطبعا جاب المفتاح من الارض وعايز يدهولي من الزجاج ((وانه يفكر يلعب في الريموت تاني ابدا )) بعد محيله يابني تك يابني العب ولاكن للاسف فشلت كل محاولات اقناعة بلعب بالريموت ورمة المفتاح تاني
وطبعا هو لايعرف يفتح المسوجر ولا حتى فتح الزجاج
ثانيا
حاولت فتح الزجاج انا وصحبي بشده لأسفل بأي شكل وده طبعا منفعش
لغاية يس بيه لما خلاص زهق وعرق وبدء العياط والمفتاح لسه مجاش كل مااتصل على اخويا يكنسل عليا
طبعا انا قول لما لقيته بدء العياط ((للاسف)) كسرت المثلث الشراعة
وفتحت الباب واخرجته طبعا مش عايز ااقولكم كان شكلة عامل ازاي
واول لما خرج يس بيه اخويا جه على طول ياعني انا بفتح الباب وهو بيفتح بالريموت التاني
وبس ......
شوفته بقى يس عامل فيا ايه ؟؟؟

هههههههههههههههههههههههههههه..ربنا يخلية لك ويطرح فية البركة. معلش انا زعلت لما قرات الموضوع ومشيت مع تعليقات الاعضاء لان الموضوع مقلق شوية لحد ما وصلت لردك بس انا عاوز انبهك لحاجة مهمة جدا جدا. اوعي تسيب ابنك داخل السيارة لوحدة تاني حتي لو نازل تشتري حاجة من سوبر ماركت ولو اضطريت ابقي افتح الازاز وبردة خلي عينك علية. انا بقولك الكلام دة لاني حصلت واقعة انا تعبت نفسيا من ساعة ما صاحبي حكالي عليها (بلاش اذكرها عشان محدش يضايق). المهم خلي بالك من النقطة دي. ربنا يحفظنا جميعا من كل شر