السيجاره الاكترونيه

[Amr Nasir]

السلام عليكم


حد عنده فكره عن السيجاره الالكترونيه ايه احسن الانواع و اجيبها منين و ايه اسعارها و تمن النكهه الي بتتحط فيها و بتكفي اد ايه

[akmm]

ego وكلها صينى ولكن منها درجات وفيه انواع اخرى افضل ولكن في النهايه صينى وتباع حاليا في اغلب محلات الالكترونيات او محال بيع السجائر والتوباكو ويتراوح ثمنها من 250 جنيه الى 700 جنيه ... والزيت بتاعها بيكون احجام بالمللى متر ونكهات مختلفه وصناعه صينى او ايطالى او امريكى وممكن تختار نسبه النيكوتين المناسبه لك في كل نوعيه من الزيوت واشهر مكان لبيعها هو بابيك في وسط البلد .... وتقعد اد ايه ملو الخزان من الزيت معك ده على حسب نسبه وعدد مرات التدخين خاصتك ويتم ملىء الخزان بالزيت عندما يفرغ وشحن السيجاره بيكون بكابل usp من الكومبيوتر او من شاحن صغير من الكهرباء ديركت ولكن الطريقه الاولى افضل للحفاظ على البطاريه من التلف .

[SHNORY]

الايجو سعرها بيبدا من 90 جنيه عباره عن شنطه صغيره فيها شيشتين وشاحن
وفيه حاجات بس مش ايجو سعرها بيوصل ل1500 و2000 جنيه
السائل انواع كتير ونكهات وتركيزات نيكوتين وفيه ناس بتشتري المواد بتاعته وتعمله
خد بالك انها كل فتره بتحتاج صيانه للاوتومايزر بتاعها والطرق موجوده علي اليوتيوب
وانا بقيت بعمل صيانتها بايدي دلوقتي

[طارق _عبد السلام]

الايجو سعرها بيبدا من 90 جنيه عباره عن شنطه صغيره فيها شيشتين وشاحن
وفيه حاجات بس مش ايجو سعرها بيوصل ل1500 و2000 جنيه
السائل انواع كتير ونكهات وتركيزات نيكوتين وفيه ناس بتشتري المواد بتاعته وتعمله
خد بالك انها كل فتره بتحتاج صيانه للاوتومايزر بتاعها والطرق موجوده علي اليوتيوب
وانا بقيت بعمل صيانتها بايدي دلوقتي

بقالها اد ايه معاك ياشنورى بيه ونست السيجاره ولا لسه ... واخبار تلبيش الصدر مع التغيير ايه:)

انا مهتم والاجمل فيها موضوع ان ملهاش ريحه السجاير

[SHNORY]

بقالها اد ايه معاك ياشنورى بيه ونست السيجاره ولا لسه ... واخبار تلبيش الصدر مع التغيير ايه:)

انا مهتم والاجمل فيها موضوع ان ملهاش ريحه السجاير

بقالها كده 3 اسابيع
منسيتش السجاير اوي علي سبيل الطفاسه والدناوه ههههههههههههههه
بس مره الاتنين الي معايا باظو والسلك اللي بلف بيه بيعمل شياط فجيبت علبه سجاير
انا جايب 4 منها علشان يبقي معايا بطاريات وشواحن احتياطي
تلبيش الصدر خفيف اوي وبطلت اصحي الفجر علي كحه وشرقه
كتير من اللي شربوها النهجان قل معاهم اوي
مصروف السجاير يعتبر اختفي او قل بنسبه كبيره
مفيش الخنقه من الي حواليك بالعكس دا فيه ناس مبتشربش ممكن تجربلها نفسين منك هههههههه
في ال3 اسابيع دول شربت حوالي من 30 ل40 سيجاره
بعد ما يقارب من اكتر من 50 او 60 سيجاره في اليوم
نفسك ريحته مبقتش سجاير
هدومك ريحتها مش سجاير
ممكن تشربها في اي حته
وشوف الفيديو ده كمان

https://www.youtube.com/watch?v=S2QcUyCIO8c

[طارق _عبد السلام]

لولا الفيديو ده كنت اشتريتها النهارده هههههههههههه

كنت فى القاهره ومعروض منها كتيييييييييييييييييييييييييييييييييير جدا وكلهم 2 فى علبه وتقريبا ممكن ب80 جنيه

بس كلها الفتيل فوق مش تحت والفيديو بيقول الافضل الفتيل يكون من تحت

تانى حاجه دورت على حاجه انجليزى او اى ماركه اوروبى لان صديق لى جايبها من انجلتر ا ..حاجه جميله جدا وهى سيجاره واحده والشحن بيكفيه يومين كمان مختلفه جدا فى خاماتها

لكن كل الموجود صينى وبصراحه خوفت اجيبها لانى عايز حاجه تنسينى الملعونه السيجاره

بس مهتم جدا انى اجيبها وتكون صناعه اوروبى............. وتوب علينا يارب

[SHNORY]

هات ام 80 جنيه دي وجربها حتقعد معاك اسبوعين تلاته وممكن اكتر مش فارقه فوق من تحت كمبتديئ ولسه بتجرب

لو عجبتك كمل
انما متشتريش حاجه غاليه وممكن متعجبكش وترميها او تبيعها وتخسر فيها

[abdulkhaleq]

طيب انا مش مدخن والحمد لله
لكن اصدقائي مدخنين
وقريت عن السيجاره دي كذا مقال
ليها اضرار خزعبليه برضه بس غير السجاير
منها نسبة بخر الزيت اللي بيدخل الرئه
ومنها ان المدخن مش بيحس بكمية النيكوتين لأنها مش زي الدخان فبالتالي ممكن يدخن منها اكتر

رأيي بلاش والله وانت حر طبعا

[طارق _عبد السلام]

هات ام 80 جنيه دي وجربها حتقعد معاك اسبوعين تلاته وممكن اكتر مش فارقه فوق من تحت كمبتديئ ولسه بتجرب

لو عجبتك كمل
انما متشتريش حاجه غاليه وممكن متعجبكش وترميها او تبيعها وتخسر فيها

شنورى بيه..انا طبعا بعد فحص وتمحيص ومذاكره كتير

قابلت واحد جابلى الخلاصه .. وكنت هبدأ بمود داخل على 3 الاف بعد تجربته

ولكن هو نصحنى بنوع مش غالى علشان التجربه بس ..وجبت spnner3 وبيجى معاها اوتومايزر..وجبت عبوتين ليكود... للتجربه .. وبقالها معايا يوم اهى ونقول شغاله شويه...وبطاريتها بيقولوا بتعمل من يوم ونصف ليومين.وهى والليكود عملت 500 جنيه

بس فيه دوخه شويه.....

ايه رأيك فى النوع ده .كبدايه... وايه افضل ليكود استعملته...

[7oda]

الشيشة الإلكترونية.. وهم به سم قاتل.. (تحقيق)

[طارق _عبد السلام]

الشيشة الإلكترونية.. وهم به سم قاتل.. (تحقيق)

هقولك حاجه... هو يعنى السجاير التقليديه شيكولاته.........

من مصلحه شركات التبغ ان التدخين الالكترونى يتوقف .... الموضوع اصلا مفيش اى منظمه عالميه

عملت بحث حقيقى..واصلا الصحفى كاتب الموضوع معندوش فكره لانه بيقولك معاها محلول وبعدين يقول معاها زيت وده لو عمل بحث بسيط هيعرف اسمه المحلول ده وبيتكون من ايه

ولاحظ كاتب المقال بيستشهد بمين................

ويوافقه الرأي رئيس شعبة الدخان في اتحاد الصناعات المصري إبراهيم إمبابي حيث يقول أن كل شركات الشيشة الإلكترونية ما هي إلا شركات نصب على المستهلكين، لأنها تنتج زيوت عطرية مصنوعة من مواد كيماوية محرمة دوليا، وأوضح لمصراوي أنه يتواجد في مصر 63 مصنع لصناعة الدخان، يعمل بهم ما يقرب من 300 ألف عامل، مؤكدا أن هذه المصانع مسموح لها طبقا للقانون أن تصنع السجائر والشيشة العادية فقط، وغير مسموح بها صناعة المعسل أو الشيشة الإلكترونية، وأوضح أننا ننتج سنويا 40 مليون علبة سجائر كل عام.

ان هقول عن تجربتى البسيطه جدا جدا من ايام .......... وبالفعل اشتريتها وبعد 3 او 4 ايام حسيت بفرق فى التنفس فعلا وحسيت انى احسن كتير................ والحمد لله مفيش تدخين عادى ... وكان من الصعب على فعلا لانى كنت بدخن علبتين واكثر مايقارب من 50 سيجاره يوميا ........

فبجد شايفها حل ممتاز ا جدا للمساعده على الاقلاع عن التدخين

[طارق _عبد السلام]

طيب شوف التقرير ده بيقول ايه


السيجارة الألكترونية: ظاهرة أم ثورة للإقلاع عن التدخين؟ | euronews, مراسل

[mahmoudysf]

عايز اجربها وابطل سجاير......بس هل هي بتدي تأثير السيجارة....
يعني لو جبتها مش هتحاج للسيجارة العادية خصوصا ان كل واحد معود نفسه على نوع دخان.....عايز اجربها وخايف مع اول نفس ارميها وارجع للسيجارة تاني..

[طارق _عبد السلام]

عايز اجربها وابطل سجاير......بس هل هي بتدي تأثير السيجارة....
يعني لو جبتها مش هتحاج للسيجارة العادية خصوصا ان كل واحد معود نفسه على نوع دخان.....عايز اجربها وخايف مع اول نفس ارميها وارجع للسيجارة تاني..

فعلا لازم تجربها الاول

وبعدين تبدأ بستارت رخيص بعض الشىء وبعدين لو عايز ترفع عادى

شوف هى مختلفه جدا عن بتاع زمان....... موضوع تانى وفيه ليكويد (السائل) بيكون مثلا بطعم التوباكو او السيجار ومنه نيكوتين من 6 الى 24 هتبدأ بحاجه عاليه وبعدين تنزل

انا بدأت ب6............ وبعدين رفعت ل12.. علشان مرجعش للسيجاره..يومين ورجعت ل6 والدنيا زى الفل والنهارده اول يوم مع مود جديد بجربه وبصراحه فرق شاسع ... لاريحه دخان غير محبوبه بالعكس.. كأنك مشغل معطر... ولا شياط .. وكل اللى حواليك حابينك تدخن علشان الريحه الحلوه (النكهات) ومنها فواكه كثير جدا حسب ماتحب

فيه جروب على الفيس حلو جدا وفيه ناس قمه فى الاحترام اسمه مطورى التدخين الالكترونى

هتلاقى اللى يساعدك وتقابله ويخليك تجرب الاول وهيدلوك على الصح

[mahmoudysf]

فعلا لازم تجربها الاول

وبعدين تبدأ بستارت رخيص بعض الشىء وبعدين لو عايز ترفع عادى

شوف هى مختلفه جدا عن بتاع زمان....... موضوع تانى وفيه ليكويد (السائل) بيكون مثلا بطعم التوباكو او السيجار ومنه نيكوتين من 6 الى 24 هتبدأ بحاجه عاليه وبعدين تنزل

انا بدأت ب6............ وبعدين رفعت ل12.. علشان مرجعش للسيجاره..يومين ورجعت ل6 والدنيا زى الفل والنهارده اول يوم مع مود جديد بجربه وبصراحه فرق شاسع ... لاريحه دخان غير محبوبه بالعكس.. كأنك مشغل معطر... ولا شياط .. وكل اللى حواليك حابينك تدخن علشان الريحه الحلوه (النكهات) ومنها فواكه كثير جدا حسب ماتحب

فيه جروب على الفيس حلو جدا وفيه ناس قمه فى الاحترام اسمه مطورى التدخين الالكترونى

هتلاقى اللى يساعدك وتقابله ويخليك تجرب الاول وهيدلوك على الصح

طيب بما ان فيه نوكتين......يبقى الميزة الوحيدة هي توفير فلوس ...ورائحة السيجارة العادية...
لكن ضرر النوكتين هو هو ....ولا انا فاهم غلط