استشاره قانونيه

[اسماء محمد]

دلوقتي انا اشتريت شقه و عاوز اخلي والدي و والدتي الي يقعدوا فيها
وانا شويه كده قدام ابقي اشتري اقعد و اتجوز فيها

بس حاسس ان والدتي مش مستريحه انها قاعده في شقه مش بتاعتها

فانا فكرت ان انا اعملها هيا و والدي عقد قانون قديم ليهم في الشقه لحد طوله العمر ليهم

فديه اعملها ازاي اعمل قانون قديم و احدد فيه لحد اخر عمرهم ولا اعملها ازاي ؟

وهيا مصممه ان انا ديه بتاعتي و انا اولي بيها بس انا مش هرتاح الا لما اشوفهم هما مرتاحين

[A.Saad]

رزقك الله رضاه والبركة فى المال والعمر

العقد قانون قديم بيكون مدته 59 سنة
واعتقد ده مش هيفيدك
ومش هينفع تعملى عقد تاريخه قبل 96 سنة صدور قانون الايجارات الجديد لانك لسه شارية الشقة
لكن ببساطة اعملى عقد قانون جديد مدته مثلا 10 او 15 سنة
وتنصى فيه على ان العقد يفسخ تلقائى دون الحاجة الى انذار او تنبيه او حكم قضائى فور وفاة المستأجر
كدة يبقى لا قدر الله وحدث المكروه العقد يفسخ تلقائى

[hussein]

اعملي عقد ايجار قانون جديد لمدة طويله
20 سنه مثلا

[اسماء محمد]

انتوا شايفين كده !!
طيب لا قدر الله لو انا مت يفضلوا برضه قاعدين في الشقه عادي ؟ ولا ممكن حد يلغي العقد ده !

[A.Saad]

ربنا يديكى طول العمر
حسب ما تكتبى فى العقد

[أحمد كمال]

ساعتها في حالة وفاة المالك بينتقل العقد و يبقى بين المستاجرين و الورثة

بس مش فاهم ليه الوالدة مش مرتاحة تقعد في شقة باسم بنتها


فهميها ان ده ضمان لحقك عشان محدش من اخواتك يطمع فيكي

[mk3]

ربنا يرزقك بر الوالدين وخصوصا الام
من غير عقود وكلكعه اقنعيها تقعد فيها وانتى حاولى تشترى بسرعه شقه كمان عشان متحسش انها جت عليكى