إعـــــــلان

Collapse

.

,
See more
See less

قول رايك في كل توكيل لماركة اتعاملت معاه

Collapse
X
 
  • Filter
  • الوقت
  • Show
Clear All
new posts

  • قول رايك في كل توكيل لماركة اتعاملت معاه

    الموضوع ده جه في باللي بعد موضوع التقييم بتاع توشيبا
    ان يكون عندنا مرجع لكل الاعضاء من واقع خبرة حقيقية بالاحتكاك مع توكيل لماركة
    اي ماركة في اي سلعة يكون ليها ضمان
    تجربة سيئة اكتب
    تجربة جيدة برضه اكتب ومش هانعتبرها دعاية
    هانعتبرها انه عمل شغل كويس يستاهل يتكافأ
    شكرا نور القمر

    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  • #2
    توكيل كريازي أتعاملت معاهم في الغسالة أن الزرار الي بيفتح الباب كان ضعيف فكسر أتصلت بيهم جولي بعد يومين الفيوم وصلحوه وعملولو تعديل علشان ميكسرش ومخدوش فلوس لأنه عيب في الغسالة وكان من حوالي ست أو سبع سنين
    من أسبوعين أتصلت بيهم علشان الديب فريزر والسخان جم بعد أسبوع وكشفو علي
    الديب فريزر ولسه مجوش للسخان
    [SIZE="5"][CENTER][marq="3;right;3;scroll"]اللهم صل على محمد وعلى آله وصحبه أجمعين [/marq][/CENTER][/SIZE][CENTER][SIGPIC][/SIGPIC][/CENTER]

    Comment


    • #3
      اهلا بيك كريم باشا
      ممكن اقول مشكلتي مع acer بتوسع شوية
      اشتريت لاب توب من محل في سيتي ستارز ضمانه 3 سنين اسمه ابلاينس
      قبل ما يكمل السنة ظهر فيه عيوب زي
      بعض الازرار بتعلق _ الكام كل شوية عايزة تعريف علشان تشتغل _ السي دي ريتر نسخت عليه مرة واحدة وبعدين بطل ينسخ مع ان استخدامي للسي دي روم يعتبر معدوم
      واخيرا ظهر عندي مشلكة بزرار الباور وبقه يعلق كتير والفتح بالنسبة لي كان مشكلة كبيرة
      وكنت مطنشة كل العيوب دي لولا موضوع مفتاح الباور مكنش يتسكت عليه
      بعد كدة عرفت انها مش مشكلة مفتاح وان البور سبلاي هو اللي بايز
      على مانقلت ملفاتي لجهاز تاني وسألت اروح لمين كان عدت سنه بحوالي اسبوع بس
      روحت للمحل قالولي موضوع ميخصناش روحي للتوكيل نفسه
      طبعا التوكيل في اخر الدنيا في صحرا مساكن شيراتون
      طبعا قالولي 3 سنين ايه الضمان دلوقت سنه واحدة
      طبعا انترفزت جامد وقلت انا معايا ضمان مختوم ب3 سنين
      قالولوي لازم تجيبي فاتورة الشراء
      مكنش معايا غير ايصال الكاشير وقالو مينفعش
      رجعت للمحل تاني قلتلهم عايزة فاتورة والتاريخ موجود وسهل تطلعو فاتورة
      وافقوا وبعدين اكتشفت انه مطلعينها بتاريخ السنه دي مش تاريخ الشرا ومينفعش يعملوا فاتورة بتاريخ قديم لانها سنه مالية اتقفلت بصراحة منتهى الاستهبال ازاي اقدم ورقتين كل واحدة بتاريخ
      بس واحد من المحل ابن حلال قالي انه يعرف واحد في شركة اسر نفسها وهايبعت له اميل ويوضح له المشكلة

      طبعا مسكت كل الخيوط في ايدي على اساس اللي يمشي يمشي
      بقيت احاول مع ا دارة المحل يطلعو فاتورة
      اتخانقت مع التوكيل ان الضمان لوحدو ضامن لحقي من غير فواتير
      المهم ان مراسلة اسر نفسها هي اللي مشت الموضوع
      ومن استهبال التوكيل يقولي 3 سنين بتتحسب من يوم ما المحل استلم الجهاز
      قلت له اصلا الجهاز مكملش 3 سنين في السوق ازاي يكون عدى عليه سنتين في المحل
      وحتى لو كلامك صح اي عيل صغير يعرف ان الضمان يتحسب من يوم ان اشتريت الجهاز
      بصراحة شكيت انهم ممكن يعملوا اي تلاعب وصممت يختموا ايصال استلام الجهاز
      ووافقوا على مضض بعد ما رجعت لمديرهم

      يعني من الاخر شغل نصب واللي نفسه قصير مش هياخد منهم حق ولا باطل

      Comment


      • #4
        1- توكيل جولدى محترم جدا جدا جدا.....عن تجربة , بعد الاتصال المهندس بيجيلك لحد البيت و يتولى الاصلاح و تانى يوم يتصلوا بيك يسألوك عن رأيك فى الخدمة.
        2- توكيل i2 بالنسبة للموبيلات ممتاز الموبيل باظ مرتين فى شهر واحد لقيتهم من نفسهم بيغيروه بواحد جديد.
        3- توكيل ايديال (و خاصة الفروع فى المحافظات ) , و على وجه الخصوص فرع اسيوط زباااااااااااااااااااالة , باظت غسالة الاطباق ايديال ايليت بعد شهرين من شرائها تتصل بمصر يقولك كلم اسيوط , تكلم اسيوط يقولك اتصل بمصر , و فييييييين لما يبعتولك حد ييجى يقولك ان الامر يستلزم قطعة غيار هنبعت نجيبها من مصر , و بعد 3 اسابيع من الاتصالات رحت بنفسى فرع اسيوط و هددتهم انى هطلع على النيابة اعمل مذكرة لاثبات الحالة و بعدين هرفع عليهم دعوى تعويض مدنية بالتعويض , فى نفس اليوم بعتوا خدوا الغسالة و تانى يوم كانت عندى فى البيت و طلع الموضوع طبعا و لا عايز قطعة غيار و لا اى حاجة.
        [aldl]http://www.nilemotors.net/Nile/signaturepics/sigpic18771_2.gif[/aldl]
        [CENTER][B][SIZE=6]نوبيرتى الحبيبة - يارب يخليكى ليا و يقدرنى على رد جمايلك[/SIZE][/B][/CENTER]

        Comment


        • #5
          -توكيل HP ، محترمين جدا و معاملة العملاء كويسة جدا ، بس طبعا عشان عليهم ضغط كبير اى تصليح فى اللابتوب بياخد مش اقل من اسبوع او 10 ايام على الاقل ، بس كمستوى عام هايلين
          - توكيل سونى اريكسون ( دلتا ) ، تعاملهم محترم جدا برضو ، و الصيانة كويسة جدا و مش مكلفة ( مبينصبوش على الناس )

          - توكيل توشيبا ، محترمين اوى و اول ما بنبلغ عن اى عطل بيبعتو الفنيين على طول و مش بيتأخرو فى اى تصليحات

          - توكيل كريازى ، بحالات ، ساعات بيبقو كويسين و بييجو على طول و الاعطال بتتصلح ، و ساعات بيستهبلو
          Everything's not lost..

          Comment


          • #6
            توكيل ايديال زانوسي ...... سيء
            من سنتين تقريبا الحلة بتاعة غسالة الهدوم كانت بتعمل صوت ودوشة اثناء الدوران ....
            اتصلت وجالي المندوب
            الغسالة عاوزة طقم أكس وبلية لازم ييجي مع بعضه ... وبعد التركيب لازم تتحط علي جهاز اتزان لمدة 8 ساعات ....العملية تاخد يومين او تلاته
            ولما نفك نشوف لو فيه حاجة تاني ....
            التكلفة مش فاكر قالي 400 جنية تقريبا او اكتر شوية وقابلة للزيادة
            .....
            قدرا .... باكلم اختي قالتلي احنا نعرف واحد كان بيشتغل في التوكيل و سابهم وشغال لحسابة ...
            اتصلت بيه ... راجل ملتزم و محترم جدا وفي منتهي الادب والامانة ...جه فك الحلة وغير البلية ولقي الاكس سليم ...والبلية ماركة محترمة ... افتكر skf او حاجة في مستواها .... التكلفة ...80 جنية شاملة البلية والمصنعية والمواصلات .... الوقت ساعة ونص تقريبا
            وسلملي ع التوكيل الفاشل .... دول جولي اساسا بعد كام يوم
            [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
            [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
            [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

            Comment


            • #7
              توكيل كريازي كويسين نوعا ما .... لكن بيطلبو البقشيش بنفسهم ....بدل ما انت تطنش او تحرج
              [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
              [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
              [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

              Comment


              • #8
                محدش يجيب لي سيرة كريازي دلوقت عفاريت الدنيا بتتنطط قدامي بسببهم
                طالباهم بالظبط من 11 يوم للبوتاجاز
                بصراحة هم جم بعد يومين وانا كنت سافرت علشان وفاة بابا الله يرحمه وبعد ما رجعت كل يوم اتصل وادوني 6 مواعيد ومحدش جه

                Comment


                • #9
                  بالنسبه للاب توب Acer انا كنت اشتريت جهاز من الامارات من حوالى 3 سنين
                  المهم بعد الشراء ب 11 شهر باظ السى دى روم من كتر الاستعمال روحت ل مانتراك فى المهندسين و عن طريق السريال عرف تاريخ الشراء و كمان كان مسجل بعد تاريخ الشراء الحقيقى باسبوعين ......... لغايه كده كله تمام
                  قالولى الكومبو درايف مش متاح عندنا دلوقتى لان الموديل ده مش منتشر فى مصر و هنبعت نجيبه بسرعة خلال اسبوعين و الاسبوعين بقو اربع شهور
                  فقعتهم شكوى محترمه لشركة Acer بعدها بايام كلمونى و قالولى تعالى و ركبوه و انا واقف

                  ده بالنسبه للتوكيل اما الجهاز فا مافيش اى مشاكل فيه انا باعامله بقسوه جدا يعنى تقريبا شغال 24 ساعة بقالو 3 سنين و باسافر بيه دايما

                  لكن دلوقتى البطاريه مش بتقعد زى الاول
                  [hr]#0033ff[/hr]
                  تحياتى
                  أحمد عزت

                  Comment


                  • #10
                    بدا بنوكيل بيجو التوكيل كويس للعنده معرفه هناك غير كده زباله

                    توكيل شارب العربي كويس جدا اتعملنا معاه في التكيف و التلفزيون

                    توكيل اوليمبك الكتريك كويسين جدا جدا

                    توكيل سامسونج كونتاكت وحش الي ابعد الحدود i2 احسن مليون مره

                    توكيل توشيبا العربي كويسين برده العربي بتاع شارب و توشيبا

                    توكيل سوني متميز جدا

                    توكيل سامسونح كويس فس الاجهزه بتاعت الكمبيوتر (مترا)

                    موبينيل المعامله فوق الوصف بصراحة

                    و لينك دي اس ال المعامله مش قد كده بس لما تروح مركز خدمه بتبقي كويسه جدا

                    بس كده دول التعملت معاهم
                    [CENTER][COLOR="Navy"][SIZE="4"]my peugeot 306 gti6:iloveyou2:
                    [aldl]http://i59.tinypic.com/a1sod0.jpg[/aldl]
                    [/SIZE][/COLOR][/CENTER]

                    Comment


                    • #11
                      توكيل يونيفرسال ممتازين اتعاملت معاهم مرتين مره للتركيب و مره لاصلاح البوتاجاز ملتزمين بالميعاد و تكلفه مقبوله جدا

                      توكيل سوزوكى (مودرن موتورز) سواء ابو رواش او اللى فى طريق الاسماعيليه ....... زباله الزباله فى المواعيد و عدم الاتقان و اسلوب الحوار و الاسعار الغير منطقيه

                      توكيل دايو سواء ابو رواش او العباسيه........... لازم تضيع يوم كامل عشان تغير زيت من 7 ص حتى 4 عصرا واى مشكله يقولك هيه كده عشان كده انا سيبتهم و فى داهيه الضمان

                      توشيبا العربى جزيره بدران بشبرا ........ ممتازين فى المواعيد و الاسعار (خارج الضمان)

                      Link DSL المعامله نضيفه فى الفروع لكن اتاخرو فى التشغيل اسبوعين

                      اوليمبك اليكتريك معقول الى حد ما .......... الميكرويف اخدوه من البيت يتصلح 3 مرات و يرجع بنفس العيب و فى الاخر جابو واحد جديد فى المره الرابعة (فى الضمان)
                      [hr]#0033ff[/hr]
                      تحياتى
                      أحمد عزت

                      Comment


                      • #12
                        المشاركة الأصلية كتبت بواسطة ahmedezzat78 مشاهدة المشاركة
                        لكن دلوقتى البطاريه مش بتقعد زى الاول
                        انا نسيت اقول ان بطاريتي بازت بعد ما رجع التصليح مباشرة لدرجة اني شكيت يكونوا بدلوها بواحدة قديمة وغيرو استيكر السريال نمبر
                        الله اعلم بالحقيقة
                        وطبعا البطارية مش داخلة في الضمان

                        Comment


                        • #13
                          المشاركة الأصلية كتبت بواسطة نور القمر مشاهدة المشاركة
                          انا نسيت اقول ان بطاريتي بازت بعد ما رجع التصليح مباشرة لدرجة اني شكيت يكونوا بدلوها بواحدة قديمة وغيرو استيكر السريال نمبر
                          الله اعلم بالحقيقة
                          وطبعا البطارية مش داخلة في الضمان

                          التوكيلات المحترمة لما بيستلمو منك النوتبوك مابياخدوش البطارية ولا الشاحن اطلاقا
                          ولو قاللك مفيش الموديل ده وعايزين البطارية
                          تقوليلهم اشتغلو على الباور مباشرة

                          جروب ورشة نايل موتورز علي الفيس بوك


                          صفحة ورشة نايل موتورز على الفيس بوك

                          Comment


                          • #14
                            ما هو احنا متفقين من البداية انهم مش محترمين

                            Comment


                            • #15
                              المشاركة الأصلية كتبت بواسطة mr_kenawy مشاهدة المشاركة
                              1- توكيل جولدى محترم جدا جدا جدا.....عن تجربة , بعد الاتصال المهندس بيجيلك لحد البيت و يتولى الاصلاح و تانى يوم يتصلوا بيك يسألوك عن رأيك فى الخدمة.
                              2- توكيل i2 بالنسبة للموبيلات ممتاز الموبيل باظ مرتين فى شهر واحد لقيتهم من نفسهم بيغيروه بواحد جديد.
                              3- توكيل ايديال (و خاصة الفروع فى المحافظات ) , و على وجه الخصوص فرع اسيوط زباااااااااااااااااااالة , باظت غسالة الاطباق ايديال ايليت بعد شهرين من شرائها تتصل بمصر يقولك كلم اسيوط , تكلم اسيوط يقولك اتصل بمصر , و فييييييين لما يبعتولك حد ييجى يقولك ان الامر يستلزم قطعة غيار هنبعت نجيبها من مصر , و بعد 3 اسابيع من الاتصالات رحت بنفسى فرع اسيوط و هددتهم انى هطلع على النيابة اعمل مذكرة لاثبات الحالة و بعدين هرفع عليهم دعوى تعويض مدنية بالتعويض , فى نفس اليوم بعتوا خدوا الغسالة و تانى يوم كانت عندى فى البيت و طلع الموضوع طبعا و لا عايز قطعة غيار و لا اى حاجة.
                              استكمالا للفايدة احب اضيف على ما سبق ان ما فيش ازبل من توكيل ايديال الا توكيل كريازى , و على وجه الخصوص فى البوتجازات , استهبال كااااااامل.
                              [aldl]http://www.nilemotors.net/Nile/signaturepics/sigpic18771_2.gif[/aldl]
                              [CENTER][B][SIZE=6]نوبيرتى الحبيبة - يارب يخليكى ليا و يقدرنى على رد جمايلك[/SIZE][/B][/CENTER]

                              Comment

                              Working...
                              X