زميلتى على الفيسبوك

[adallah]

كنت عاوز أخد رأيكم فى موضوع خاص بإنى ضايف واحدة من زميلاتى فى الشغل على الفيسبوك كنا بنحب بعض زمان لكن انفصلنا ومامكملش موضوع الجواز وكل واحد شاف طريقه وأنا اتجوزت وهى كمان اتجوزت بس لسه أصدقاء على الفيسبوك ..... بس بحس لما باكتب تعليق عندها باحراج وكأنى باعمل حاجة مش صح وفكرت انى الغيها من قايمة الاصدقاء منعا لاى حرج وباحتقر نفسى لما باعجب بتعليق لها وهى متجوزة وباقول يعنى لوجوزها عرف انى كنت هارتبط بيها زمان كان هايبقى مبسوط بده ........وف الوقت نفسه باقول طيب ماتعامل عادى وماحطش الموضوع القديم عشان احنا الاتنين ننساه ونتعامل مع بعض بدون حساسيات. بصراحة أنا محتار ومش عارف الصح ايه؟؟

[mmohamed15]

يا باشا لا يصح الا الصحيح مفيش في الدين الاسلامي صداقه و لا زماله بين الراجل و الست الغرباء عن بعض
لكن الكلام الي الناس بتقوله ان انا بأعتبارها اختي و مش عارف ايه ده علشان نخلي الحرام حلال و نقنع نفسنا انه مش غلط
و علي رأي احد البنات المحترمات كيف يكون هناك علاقه صداقه بين طرفين محرم علي احدهم النظر الي الاخر
بالنسبه لموضوعك فهو معدي اللي انا كتبته بكتير لأنك كنت مرتبط بيها
اعتقد المعني اللي انا قاصده وصل

[ahmad--ezzat]

unfriend واخلص… ..الشيطان مش هيسيبك… لايك ف كومنت ف محدثات بعد كدة… اقفل الباب خالص

[micromoud]

باشا اللى ماترضهوش لاهل بيتك ماترضهوش لغيرك...القصص دى لو كملت بيبقى اخرها خراب بيوت ومشاكل...

[بحار]

نص كلمه .. حط نفسك مكان زوجها ..؟؟ هه .. الوضع يعجبك ؟؟

[Bassem Youssef]

صدقني مش هتحب تبقي مكان جوزها

اعملها block و ريح دماغك

[أحمد كمال]

ماعتقدش اي حد هنا هيقول لك استمر ..... ما يصحش يا استاذي

[الفجر]

اجبلك الزبدة والخلاصة وأول سيناريو واخرتة

سيادتك هتقعد معاها في الأول شوية لايك على كومنتات بعد كدة هيا بنا نتكلم في الدين و مجالات الجياة المختلفة ثم يتطور الحديث الى الحديث عن الأمور الشخصية ثم الحديث عن عدم اقتناع كل طرف بشريك حياتة ثم أخيرا يبدء الندم على اختيار شريك الحياة الخاطئ وانة حان وقت تصحيح الاختيار الخاطئ لكل منكم

ثم طلاق وانفصال ثم............... زواج في سر
ثم بمرور الأيام ستكتشف حالة ملل من نفس الاختيار اللى ضيعت نفسة بيتك وولادك عشانة وتقعد تندم مرة خرى

ثم تكرر المأساة نفسها وتشعر انك أيضا اخترت للمرة الثانية الشريك الخاطئ وهلما جرا وتستمر الاحداث على نفس المنوال

وهكذا وهكذا وهكذا,,,,,,, صدقنى كل النساء زى بعض في الاخر

باستثناء ستات قليلة جدا جدا في هذا الزمان من الصعب انك تكون محظوظ عشان تلاقيهم بسهولة وتحتاج الى حظ غير عادى عشان تتعثر فيهم دة اذا فكرت بجواز مرة أخرى والمشكلة مش في جوازك مرة أخرى ولكن مشلكة كما قلت لك اين حظك هذه المرة ؟؟

[adallah]

أشكركم جميعا ..........
أنا كنت متردد صحيح بس ماكنتش عاوز أسمع حد يقولى استمر بالعكس
كنت عاوز نصيحة تساعدنى للقضاء على التردد وتسويل الشيطان لنفسى
خالص شكرى لكم

[مصطفى-حسن]

من حام حول الحمى اوشك ان يقع فية

بس خلاص

[reda elgohary]

ربنا يزيدك تقوي ، وربنا يغفر لنا ذلاتنا .