تجربتي مع فيزا نت بنك مصر

[K_E]

حضرتك تقصد بنك cib

بالنسبه للوكلاء .. او خدمة عملاء توماس كوك نفسها .. نعرفها ازاي ؟

ايوه طبعاً CIB معلش اتلخبطت (ياريت لو في مشرف يقدر يعدلها)
البنك العربي الافريقي عنده كارت 4U مسبوق الدفع لكن مشكلته مش ممكن تعمل ايداع من المكنة لأ وكمان علشان تعمله ايداع بتروح لخدمة العملاء فالبنك تاخد منهم ايصال تدفعه فالخزنة وترجع تاني ومش ممكن تسحب فلوسك منه لو مش عاوزهم اونلاين

رقم خدمة عملاء توماس كوك 16119 (اسم الشركة اتغير دلوقتي ل Travel Choice)

فيها ريفند ولا لا ؟

مش عارف لو قصدك انك ترجع الفلوس الي حطيتهم فيها فهو ممكن تسحبهم عادي لكن لو ترجع فلوس عملية عملتها اونلاين مش عارف دي ممكن ولا لا

[Abo_Mazen]

تمام جدا انا ايضا لدى نفس التجربة تقريبا والبنك الاهلى اظن انه افضل البنوك حاليا فى التعامل طبعا بشكل عام لانه الخدمة البنكية فى مااااسر كلها بشكل عام تعبانة وينقصها الكثير من الخدمات
انا عايش من زمان فى السعودية والخدمة البنكية عندنا يمكن لو ذكرتها بعض الاعضاء ممكن يصابوا بصدمة حضارية لكن ابسط شئ تحويل الاموال وانت جالس فى بيتك لغاية نص مليون ريال يوميا بمبلغ 25 ريال فقط وباستخدام عدة قنوات تحويل منها الكويك باى ودى الحوالة سعادتك بترسلها توصل فى الحال اونلاين
فى مااااسر عملت حساب فى بنك فيصل وطلبت اعمل بطاقة فيزا وعملوها مشكورين فى اسبوع وبسلامة نية باسال الموظف عن الية التسديد لو اشتريت حاجات من النت فقالى نت مين يا استاذ دى تسحب بيها من الصراف بس فتعجبت ليه سمتوها فيزا طيب والاجابة لا تعليق
روحت البنك الاهلى فتحت حساب دولار ومااااسرى وطلبت اعمل ماستركارد فكان هناك مشكلة لانى طبيب حر وماليش شغل فى الحكومة ولا عضو فى نادى مشهور فكان الحل وديعة ب 20 الف جنيه وورصيد الماستر كارد بيكون 60% من قيمة الوديعة يعنى 16 الف جنيه ولو زدتهم لزادونى ولكن الستة عشر الفا تكفى احتياجاتى
التسديد بالتليفون وممكن من مااااسر وخارج ماااااسر
حساب على موقع البنك الاليكترونى تتابع بيه كل تعاملات حسابك
البطاقة فعالة على جميع المواقع زى بطاقة السعودية تماما
البنك محترم جدا وخدمة العملاء راقية جدا
البطاقة اخدت شهر لغاية الاستلام بواسطة ارامكس واعتقد انها فترة طويلة شوية نسبيا
الرسوم اظنها 20 او 30 جنيه سنويا وبعد 55 يوم بيحسب عليك فايدة
الشراء بالقسط بدون فايدة من اماكن كتير لكن لم اجربه صراحة
ولا عزاء لبنك فيصل اللااسلامى وتجربتى معاه فاشلة جدا والماكينات الخاصة به قليلة وموقع البنك عطلان طول الاسبوع اساسا وبيفتح نادرا
ولما ذهبت اعمل لزوجتى توكيل بالبنك (فرع الازهر على فكرة) طلبوا يشوفوا وشها وهى منتقبة فقلت مش مشكلة اول مرة فقالوا لا وكل مرة كدة اذا كان عاجبك
لكن البنك الاهلى محترمين لاقصى حد وجابوا موظفة مخصوص تشوف وشها وبعد كدة بيصرفوا لها اى فلوس مباشرة
ارشح التعامل مع البنك الاهلى كافضل البنوك فى مااااسر صراحة لكن طبعا احذر فى التاخير فى السداد قبل الفترة المسموح بها بدون فائدة حتى لا تقع فى الربا

والله أنا من خلال قراءاتي لمشاركات الأعضاء لقيت إنه أسلس بنك في التعامل هو البنك الأهلي ..هو يمكن روتينيته في حكاية إنك تبقى موظف أو ليك حساب دي اللي بتعتبر عائق بالنسبه لناس كتير ...ما تنساش بقى تفعل حسابك في الأهلي بوينتس عشان تاخد فلوس على قيمة مشترياتك

[lonedoctor]

ازاى افعل حساب الاهلى بوينتتس دى ياريت تعرفنى اخى الكريم؟

[Abo_Mazen]

ازاى افعل حساب الاهلى بوينتتس دى ياريت تعرفنى اخى الكريم؟

أفتح موقع البنك الأهليى هتلافي لينك تحت على إيدك الشمال من ضمن اللينكات اللي تحت إسمه (الأهلي بوينتس) إضغط عليه وأدخل إملى البيانات وإتبع الخطوات ..سهل جدا على فكره

[lonedoctor]

تومام
جزاك الله خير

[lonedoctor]

انا الان فعلتها الحمد لله ووجدت لى رصيد 1980 نقطة
اظن اقل نقاط للاستبدال 5000
وهل لما اذهب الى اى من الفروع للاستبدال او الشراء بس بالبطاقة الشخصية؟

[Abo_Mazen]

انا الان فعلتها الحمد لله ووجدت لى رصيد 1980 نقطة
اظن اقل نقاط للاستبدال 5000
وهل لما اذهب الى اى من الفروع للاستبدال او الشراء بس بالبطاقة الشخصية؟

حضرتك لما تحب تستبدل النقط لازم هتروح فرع البنك الأهلي اللي البطاقة صادره منه ..بعد كده بتاخد بون من البنك بقيمة نقاطك متحوله لفلوس ..بعد كده تروح لأي فرع من فروع البيع الموجوده عند حضرتك في الحساب الخاص بالأهلي بوينتس ..يعني الإستبدال لازم يكون عن طريق البنك الفرع اللي صدرت منه البطاقه