إعـــــــلان

Collapse

.

,
See more
See less

اللي بيفهم في عدسات النظارات

Collapse
X
 
  • Filter
  • الوقت
  • Show
Clear All
new posts

  • اللي بيفهم في عدسات النظارات

    انا عملت كشف نظر وهغير كل النضارات اللي عندي

    انا عندي نضارة بوليس شمس فهغيرها نظر والون العدسات علشان تبقى شمس

    عندي سؤالين

    اولا هل خطر اني الون العدسات النظر وهل كده فعلا تحمي من الشمس ولا هتضرني لانها مش عدسات مخصصه للشمس ؟

    ثانيا هل فيه نوع عدسات اسئل عليه لاني سمعت عدسات بتوصل ل 1000 جنيه وفهمت ان فيه انواع كتير جدا

    اخيرا ايه احلى لون للعدسات ويبقى شيك ومش منتقد لاني ساعات بلاقي الوان مش حلوة

    ياريت تفيدوني

  • #2
    مش عارف جزئية الحماية من اشعة الشمس

    عموما
    العدسات بتبقي بلاستيك او زجاج
    البلاستيك افضل لو المقاس كبير علشان سمك العدسة

    بيتقال ان انواع العدسات متقارب ومسميات تجارية
    لكن لو عدسة غالية مفروض بيجيبوا لك بروشر من الشركة بالعدسة ومواصفاتها ومقاسها عند الاستلام

    باختار انتى ريفلاكشن اخضر
    + فوتوغريه

    ممكن تسال عن اضافة البولايرزد للعدسة

    مغربي اسعارة غاليه جدا جدا جدا لكن ممكن تستفاد منه بالمعلومات الكامله وبعدها تقر تعمل عندهم او فى مكان تانى بعد ما تاخد المعلومة منهم الاول

    متابع مع حضرتك
    ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين

    Comment


    • #3
      مش فاهم يعني حضرتك هتمشي بعدسات ملونة حتى بليل ؟
      لو كده ده غلط جداً وكمان خطر لو بتسوق بليل

      لكن في حل كويس انك تعمل عدسات ترانزيشن
      دي بتكون شفافه عادي جداً وفالشمس بتتحول لغامقة (مش سودة بس بتقلل اضائة الشمس كويس)

      طبعاً المغربي والحاجات دي علشان بيبيع ماركات عالمية الاسعار غاليه شوية لكن انت ممكن عند اي واحد بتعمل عنده العدسه تقوله انك عاوزها ترانزيشن هو هيبقى عارف وهتلاقي العدسات فالاخر لو بلاستك وانتي رفلكشن وترانزشن هتكلف اقل من 100 جنيه ولا حاجه حسب الي بتعملها عنده

      ولو انت قريب من وسط البلد روح برج الاطباء الي هناك قرب وزارة الداخلية
      هناك كلها محلات نضارات وممكن تاخد الفريم من المحل الي انت عاوزه وتدخل في المبنى نفسه فيه المحلات الي بتعمل العدسات(هيكون ارخص من انك تخلي صاحب المحل يروح يعملهالك هو)
      بس ركز معاهم عالمقاس علشان ساعات مش بيكون عندهم نفس الدرجه فيحطوا ربع زيادة او ربع ناقص

      Comment


      • #4
        لا انا عندي نضاره شمس هخليها نظر شمس غير النضارات التانيه النظر بس

        وفعلا موضوع الدقه في القياسات دي عندك حق بيستهبلوا ومعندهمش امانه وفعلا بتعب من حته ربع درجه وربع زاويه :(

        Comment


        • #5
          تجربتي :- انا حاطت في العربية نظارتين ما بطلعهمش من العربية خالص

          واحدة نظر عادية شنبر عادي بيضاء بلاستيك anti- reflection لمنع خيالات انوار عواميد النور وانت سايق ليلا

          وواحدة نظر ملونة ( معتمة ) بلون ثابت ( لا يتغير ودرجة العتامة حوالي 60 % ) اللونرمادي على شنبر نظارة بوليس لونه اسود شمس ومضاف علي العدسات خاصية polarized لمنع وهج الاسفلت ووهج انعكاس الضوء على التابلوه الى عينك ،، ونصيحة العدسات اللي درجة عتامتها بتتغير colour matic مالهاش لازمة وانت سايق لأن العدسة مش هيتغير لونها الا وانت تحت الشمس

          ده غير النظارات اللي في البيت

          Comment


          • #6
            د محمود كلفتك كام العدسات مع البلوريزد وبتتعامل مع مين في النضارات ؟

            Comment


            • #7
              المشاركة الأصلية كتبت بواسطة د.محمود صلاح مشاهدة المشاركة
              تجربتي :- انا حاطت في العربية نظارتين ما بطلعهمش من العربية خالص

              واحدة نظر عادية شنبر عادي بيضاء بلاستيك anti- reflection لمنع خيالات انوار عواميد النور وانت سايق ليلا

              وواحدة نظر ملونة ( معتمة ) بلون ثابت ( لا يتغير ودرجة العتامة حوالي 60 % ) اللونرمادي على شنبر نظارة بوليس لونه اسود شمس ومضاف علي العدسات خاصية polarized لمنع وهج الاسفلت ووهج انعكاس الضوء على التابلوه الى عينك ،، ونصيحة العدسات اللي درجة عتامتها بتتغير colour matic مالهاش لازمة وانت سايق لأن العدسة مش هيتغير لونها الا وانت تحت الشمس

              ده غير النظارات اللي في البيت
              ممكن فى النظام القديم بس انا عامل ترانزيشن بيغير من الالترافيوليت يعنى مش لازم شمس مباشره و فى العربيه وانا سايق لو وهج عالى بتغمق عادى
              [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

              Comment


              • #8
                الترانزيشن ممتازة
                [COLOR=red]اللهم لك الحمد و الشكر كما ينبغى لجلال وجهك الكريم و لعظيم سلطانك[/COLOR]

                Comment


                • #9
                  العدستين البولارايزد + مقاسات النظر power عملت القياسات هنا في عمان هنا والمحل بعت يشتريهم من دبي وجت العدسات مدورة جاهزة للقص ، وبيكون لها اتجاه معين وخط محدد عشان اتجاه البولارايزد ما يضيعش والمحل قصهم غلط بدون اعتبار الخط المحدد للقص ( ماكانش فاهم ايه هو الخط ده ) والبولارايزيشن باظ واصريت انهم يتبدلو وراح مبدلهم وجم من دبي بعد اسبوعين ،، واصريت ان العدسات الجديدة تتقص بواسطة فني بصريات متخصص ،، وكلفوني 48 ريال العدستين يعني حوالي 800 جنيه في مصر ،، العدسات كانت صناعة فرنسية بلاستيك وطبعا 100 % ضد الاشعة الفوق بنفسجية

                  Comment


                  • #10
                    وهج الشمس على الاسفلت والتابلوه وانعكاس ضوء الشمس من اجزاء السيارات القادمة ما بيضيعهوش اي نوع من العدسات الا البولارايزد .. شاهد الفيديو

                    Comment


                    • #11
                      انا مقلتش انه بيضيع ... انا قلت ان العدسه بتغير لونها من مجرد وجود ضوء شديد و مش محتاج اكون واقف فى الشمس لحدوث ذلك
                      [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                      Comment


                      • #12
                        المشاركة الأصلية كتبت بواسطة m_marmoush مشاهدة المشاركة
                        الترانزيشن ممتازة
                        ممكن معلومات اكتر عن
                        العدسه
                        و ثمنها
                        ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين

                        Comment


                        • #13
                          المشاركة الأصلية كتبت بواسطة abokoko مشاهدة المشاركة
                          ممكن معلومات اكتر عن
                          العدسه
                          و ثمنها
                          كنت عامل من كام سنة عدسات ترانزيشن اصلية من المغربي مع انتي ريفليكشن ب 600 جنية

                          وبعدين بقيت اعملها بره تقليد بس بتغمق برضه فالشمس (بلاستك مع انتي رفلكشن بأقل من 100 جنية)

                          الفرق بينهم ان الاصلية بتغمق اكتر واسرع فالشمس وبعيد عن الشمس بتكون صافيه 100% تقريباً

                          لكن التقليد درجة غمقانها بتبقى اقل شوية وبتاخد وقت اطول حاجات بسيطه فالشمس علشان تغمق وده مش مشكلة

                          المشكلة انها في الضل مش بتكون صافيه 100% وده بيبان لما تحط العدسه على ورقه بيضه تحس انها فيها درجة غمقان بسيطه اوي


                          Comment

                          Working...
                          X