هل كدة اعفاء ولا لأ؟

[امجد مروان 454]

السلام عليكم
الناس اللی عندها خلفية بموضوع التجنيد
واحد صاحبی مخلص كلية وهيقدم السنادی وهو 26 سنة والده طبعا متوفی ووالدته بتشتغل وعنده اخ واحد فی الكلية اصغر منه ب5 سنين ايه الإجراء التجنيدی له هيبقی اعفاء ولا ده مش سبب كافی؟
وجزاكم الله خيرا.

[M!SHO]

خليه يسأل عن موضوع عائل الاسرة ، ممكن ياخد تأجيل لغاية ما أخوه يخلص كلية

بس خلي بالك وارد جداً يدخل بعد كده ، ساعتها هتبقى أصعب بعد ما أشتغل وشبه أستقر

[mohamed_selim]

اعفاء مؤقت لانه العائل الوحيد لوالدته و هيحتاج اثبات قيد لاخوه من الجامعه
بس اول ماخوه يخلص هيلبس ... الا لو كان عدا ال٣١

[Bassem Youssef]

لو يعرف يثبت انه العائل الوحيد للاسره بما ان والده متوفي و اخوه في الكليه يبقي فل اوي بس برضه بعد ما اخوه يخلص كليه ممكن يخش الجيش و هو كبير

[امجد مروان 454]

الی انا فهمته كدة انه هياخد اعفاء مؤقت لحد لما اخوه يخلص كلية وبعدين ممكن يدخل؟
طب مهو كدة ماستفدش بالعكس خسر.فعلا حرام يعنی هو كدة متشعلق ده لو دخل من الاول احسن وهو بقی هيقدم ماجستير وممكن يتجوز ويخلف وييستلم نيابته ويمارس حياته الطبيعية وبعد كدة يستدعوه اعتقد ده لعب بمستقبل الناس ووجه من وجوه فرض السيطرة والتحكم بسير الحياة غير مبرر علی الاطلاق.

[Bassem Youssef]

في حل تاني انه يخلع من البلد خالص و مش يرجع الا لما يعدي ال 30 و يعمل تصالح

[Karim Alaa]

هياخد تاجيل مش اعفاء كعائل وحيد لامه لحد ماخوه يخلص دراسه او والدته تتجوز لو الاتنين محصلوش لحد موصل سن الثلاثين هيقدم نفسه و ياخد الاعفاء النهائى

[eng.m7md.ali]

هياخد تأجيل مؤقت لحد مااخوه يخلص ... ولو فات 3 سنين من غير مااخوه يخلص هياخد اعفاء نهائي واخوه هو اللي يدخل

[K_E]

لو اخد تأجيل لأنه العائل لوالدته واخوه بيدرس وهو 26 سنة هيكون الموضوع متوقف على ان اخوه باقيله كام سنة ويخلص لأنه لو خلص بعد ما هو تم ال 30 بيوم واحد وقتها هياخد اعفاء

[امجد مروان 454]

اخوه حاليا فی تالتة طب يعنی قدام بتاع 3سنين ونص وسنة امتياز معرفش بقی هل الامتياز بيتحسب ولا لأ.

[SGH]

الامتياز بيتحسب من سنين الدراسة

[SGH]

يعنى اخوه لو ماجلش ولا دور حيخلص السنة السادسة نوفمبر 2018 و الامتياز 28-2-2020 بعدها ينتهى تاجل الجيش بتاع اخوه

[امجد مروان 454]

الامتياز بيتحسب من سنين الدراسة

حضرتك متأكد؟ أصلی سمعت ناس بيقولوا انه مابيتحسبش
عموما لو كان بيتحسب يبقی كده هو فی الامان

[SGH]

الامتياز مش من سنين الدراسة بس سنة مستحقة لتاجيل الجيش لانها سنة تدريب اجبارى لطلبة الطب

[Karim Alaa]

بيتحسب و اخوك مش مطلوب للجيش الا بعد متخلص سنه الامتياز و برضه هيدوك تاجيل 3 او 5 سنين و تروح تجدده اقصى حد للتاجيل انك تتم 29 سنه و تقدم تانى لو لسه ليك اعفاء بتاخد النهائى و تروح