استفسار بخصوص الانفرتر سوكام شاينى

[Elawany13]

ينفع..بس الخطر الكبير انت فى وقت قطع الكهرباء هتكون محمل ايه على الانفيرتر.......... يعنى مثلا السخان او التلاجه او اى حاجه اكبر من سعه الانفيرتر ممكن يفصل او يتحرق

الافضل ايه......... تجيب كهربائى مش هيعمل حاجه جامده يعنى ... هو من مفاتيح الشقه الاوفر لوك

يصفى لك الاحمال ....... بمعنى هيخلى التقايل كلها على مفتاح مثلا واغلب التقايل فى المطبخ والحمام

وباقى انوار الشقه والتلفزيون والمراوح هيخليها على مفتاح وهيوصله بالانفيرتر... وبعد كده انسى ان عندك انفيرتر وانسى ان وقت الكهرباء هتقوم من مكانك اصلا

بمجرد قطع التيار مش هتحس غير بصفاره الجهاز بس وكهربه الشقه هتكون زى ماهى منوره

دا بالظبط الموجود عندى وشغال بيه

أنا كنت ناوى اعمل كده بس البائع قالى هتخسر امبير كتير فى تغذيه اسلاك الشقه على الفاضى خصوصا ان بطاريتى 70 أمبير فقط
وقالى الحل الأمثل انك تعمل شبكه منفصلة تانيه فيها لمبات ليد أو موفره فى الأماكن اللى عاوز تنورها فى الشقه وهى اللى تبقى متوصله بالإنفرتر والشبكة ديه ملهاش علاقة بالكهرباء الحكومية

أنا حاليا موصله على الكمبيوتر واللاب والراوتر وموصل عليه لمبه ليد
ولما الكهرباء بتقطع بتفضل اللمبة شغاله والكمبيوتر والراوتر لما بحب اشغل حاجه تانيه فى الشقة بأقفل مفتاح الكهرباء العمومى بتاع الشقه واوصل الفيشه الدكرين واحد بالجهاز والتانى بالحيطه واشغل اللى انا عاوزه فى الشقة بس خايف مره انسى افصل الكهرباء العمومية اللى جايه من البلديه ويحصل مشكلة

[abdulkhaleq]

شوية أسئله واتمنى ماكونش مكررها معلش
بفرض اني جبته, لازم اجيب معاه بطاريه يا ديب سايكل يابطاريه جافه, لو هجيب بطاريه جافه هتقعد معايا قد ايه ؟
وهل الفكره ان البطاريه واصله بالجهاز على طول والجهاز واصل بكهرباء الشقه عشان البطاريه نفسها تتشحن ؟
طيب ليه بيقولو ان بطارية العربيه هي فترة الصيف وهتبوظ ؟
انا مش ناوي اوصله على كهرباء الشقه لأ هستنى الكهربا لو قطعت هوصل انا الاجهزه اللي محتاجها وهما مثلا مروحه وتليفزيون وريسيفر وممكن لمبه موفره

[طارق _عبد السلام]

شوية أسئله واتمنى ماكونش مكررها معلش
بفرض اني جبته, لازم اجيب معاه بطاريه يا ديب سايكل يابطاريه جافه, لو هجيب بطاريه جافه هتقعد معايا قد ايه ؟
وهل الفكره ان البطاريه واصله بالجهاز على طول والجهاز واصل بكهرباء الشقه عشان البطاريه نفسها تتشحن ؟
طيب ليه بيقولو ان بطارية العربيه هي فترة الصيف وهتبوظ ؟
انا مش ناوي اوصله على كهرباء الشقه لأ هستنى الكهربا لو قطعت هوصل انا الاجهزه اللي محتاجها وهما مثلا مروحه وتليفزيون وريسيفر وممكن لمبه موفره

هو الافضل طبعا الديب سايكل...ومن ناحيه الجافه الصيف بس ما اظنش...... حضرتك انا مركبها من الصيف اللى فات..والحمد لله شغاله زى الفل...وانا مشغله واصل على طول بالكهرباء والبطاريه دايما شاحنه والجهاز فى وضع استعداد دائم.............. ولما الكهرباء بتقطع كل شىء منور عندى بيكون زى ماهو انا ممكن اطفى كم حاجه علشان الفتره تكون طويله ......

بجد ياجماعه الانفيرتر ده اختراع..ولامقارنه مطلقا بمولد كهرباء من ناحيه النظافه ولاصوت ولا عادم ولا اى خطوره... وكمان الاجمل انه مش محتاج منك حاجه هو عارف بيعمل ايه :)

[Elawany13]

سعر السوكام نزل
النهاردة سألت عليه قالى 1250 جنيه

[فتح الباب]

ولسه سهره هاينزل عن كده كمان نظرا لعدم الانقطاع المتكرر ان شاء الله ورغم انى حزين على ناس كتير تتضرر من نزول الاسعار الا انى فرحان فى بعض او اغلب التجار الجشعين ويارب الكهربا تفضل على كده هيبقى الانفرتر ساعتها ب ٥٠٠ ولا حاجه