شقة فى مدينة نصر ولا العبور ؟

[alrabeh]

السلام عليكم
الإخوة الأفاضل من واقع تجاربكم رأيكم ايه فى شراء شقة فى مدينة نصر بالمنطقة التاسعة الشارع الموازى لمصطفى النحاس بعد مدرسة المنهل

ولا فى العبور فى الحى الأول بمحطة حليم بجوار مسجد السيدة خديجة بمنطقة ال 800 متر (التمنميات)

هل قرب مدينة نصر مع زحمتها أفضل ولا بعد العبور وهدوئها؟

[4fun14]

لو متوفر لكل فرد في الاسره عربيه هختار العبور لو كنت مكانك
والا تباه مدينه نصر..طبعا مدينه نصر فيها كل الخدمات ودى ميزتها الكبيره بس زحمه اوى وده عيبها
العبور مشكلته كمان انه متطرف

[alrabeh]

شكرا للرد
الاولاد لسه فى المرحلتين الابتدائيه والاعداديه
ميزة العبور ان بنفس سعر مدينة نصر ممكن تشترى شقه اكبر فى المساحه
بس المسافه من سوق العبور للحى الاول حوالى 13 كيلو

[mr_green]

مدينة نصر أفضل

[alrabeh]

ممكن توضيح وجهة نظر سيادتك ان مدينة نصر أفضل -لو أمكن- وشكرا جزيلا

[abdulkhaleq]

حضرتك معاك اسره وفي اطفال صغيرين
يبقى اللي هيحدد هو مكان الشغل ومدارس الاولاد
بالرغم من ان بالنسبه ليا شخصيا
بفضل المدن الجديده

[mr_green]

مدينة نصر مع زحمتها الرزلة - أفضل خدميا من حيث:

مواصلات
أمن أفضل من العبور إللى فيها أماكن فيها قلق
الشغل أكيد هايكون أقرب من العبور
طلبات البيت و شوبينج حواليك فى كل مكان
المدارس متوفره بكثره هاتختار
ده غير إن بطاقتك أو شهادة الميلاد أو غيره للأطفال مش هاتكون قليوبية ودى بتفرق فى بعض المواقف للأسف

[kazamodia]

العبور من المدن الجديدة اللي مش حلوة
لوقارنت بين التجمع ومدينة نصر كنت قلت لك اكيد التجمع