الـــــــــــــولادة

[memoo305]

أنا بأختصار مراتي هتولد بإذن الله خلال شهرين وده المولود الأول لينا
كنت عاوز منكم نصيحة علشان أدبر ميزانية الموضوع :
-ميزانية الموضوع كام
-أيه أفضل مستشفيات في مصر الجديدة (مع مرعاة تكلفة & سمعة)
-تنصحوني ب أيه بناء على تجاربكم في الموضوع (انا حسس أن متوتر من دلوقت)

رزقتا الله واياكم الذرية الصالحة

[amr011111]

بالنسبه للنصائح تبقى محضر شنطة المولود جاهزه فى الشهر التاسع علشان فى اى وقت تخدها معاك او تبعت حد يجيبها لك . وتبقى محضر الفلوس برضه علشان حد السحب الاقصى من البنك ممكن متقدرش تسحب فى اليوم المبلغ كله
وتجيب طبعاً ببرونه وتبقى موجوده فى الشنطه
بالنسبه للمستشفيات انت المفروض الدكتور أو الدكتورة اللى المدام بتابع معاها لو هتولد عندها يبقى هى اللى هتقولك انه مستشفيات شغال فيها وبالتوفيق

[3abdo.it]

متااااااااااااابع جداااا... انا المدام عندى فضلها شهرين تقريبا وبردة الموضوع شاغل تفكيرى زيك بالظبط

[ibrahim sallam]

ههههههه متنساش الببرونه هههههه

والله فصلتني ضحك

شوف يا سيدي الفاضل متعلقات المولود ( ربنا يجيبه بالسلامه ان شاء الله) يعني هتبقا والدتك او والدتها أو احد النساء في الطرفين هو هيتولى الموضوع ده

وبعدين ساعة الولاده مش هتبقا لوحدك هتلاقي العيله من الطرفين كلها في المستشفى

بالنسبه للتكلفه هتفرق ما بين اذا كانت ولاده طبيعيه او قيصريه القيصريه تكلفتها أكبر من الطبيعيه

[ESO101]

الصبر الجميل ... لإن ماقبل الولادة هتحتاج رعاية خاصة ونوع من الإهتمام والمتابعة
فخلي بالك هتتردد على المستشفى كتير يمكن تصل لحد إنه هيفصل بين الزيارة والزيارة ساعتين

عربيتك تبقى جاهزة قدام باب البيت
تقول لجارك يركن بعيد عن عربيتك ووضحله السبب ( مراتي على وش ولادة )
خليك قريب منها دائمًا ولو هتطلع عالشغل أو مشوار تابعها بالموبايل
موبايل الزوجة مشحون على طول وعندها كرت إحتياط
متوترهاش أو متتنرفزش منها مهما كانت عصبية تحملها في الفترة دي ومابعد الولادة
لما المستشفى تقرر تدخلها خلاص دورك تفضل جنب الأوضة وتصلي وتدعيلها
تحضر مبلغ للولادة وإعمل حسابك على كل الإحتمالات لاقدر الله ( قيصرية , نقل دم , الطفل محتاج حضانة )

وربنا يقومها بالسلامة ويبارك لكم في ذريتكم ويحفظلك أسرتك من كل سوء

[Bassem Youssef]

ان شاء الله الولاده تتم علي خير و ربنا يباركلك في ابنك\بنتك

[JapRuleZ]

مفيش مستشفى افضل من التانية بشكل مطلق .... ليه ؟
عشان عناصر المستشفى متغيرة بشكل كبير
الاطباء - التمريض بيتغيرو كتير

بس هما 3 الافضل
النزهة - كليوباترا - كوينز
الثلاثة بتقال عليهم حلو و وحش فى نفس الوقت و كلنا عندنا تجاربنا بس هو ده اللى موجود

[memoo305]

الدكتور بيتعامل مع صفوة الجولف& الجولف الدولي & الأيطالي
طبيعي ولا قيصري: الله أعلم.هو مش بيبان دلوقتي بس في أحتمالية انه يبقى قيصري
أنا بس عاوز رنج التكلفة للولادة في المستشفيات دية سواء كاتت طبيعي أو قيصري
على فكرة أن استفدت من التعليقات جداً

[mohamed_selim]

اسال الدكتور و هو يقولك رينج الاسعار و خليه يقول على كل حاجه يعنى المستشفى تقريبا كام و هو هياخد كام و المساعدين كام

[ramymechanics]

من خلال تجربتى ..
مستشفى كوينز أفضل حتى الآن جنب نفق الكوربة .. غالية شوية بس تستاهل .. رعاية ممتازة و نضيفة و تمريض ملتزم جدا والأهم من كل دة فيها حضانة و بيروحها دكاترة كبار لأن زوجتى مريضة سكر فغالبا الأولاد بيحتاجوا حضانة

الولادة القيصرى من سنة كلفتنا 5500 تقريبا او 6000 جنيه مش فاكر .. الطبيعى كانت ب 4000 جنيه

الولادة اللى قبلها كانت فى عبد القادر فهمى ومعجبتنيش نهائى للأمانة مستواها نزل اوى عن الاول .. زوجتى ولدت 3 مرات مرتين فيها و مرة فى عبد القادر فهمى
سمعت ان النزهة الدولى كويسة و كليوباترا بس مجربتهمش .. ربنا يقومهالك بالسلامة ان شاء الله هى والمولود

[ramymechanics]

من خلال تجربتى ..
مستشفى كوينز أفضل حتى الآن جنب نفق الكوربة .. غالية شوية بس تستاهل .. رعاية ممتازة و نضيفة و تمريض ملتزم جدا والأهم من كل دة فيها حضانة و بيروحها دكاترة كبار لأن زوجتى مريضة سكر فغالبا الأولاد بيحتاجوا حضانة

الولادة القيصرى من سنة كلفتنا 5500 تقريبا او 6000 جنيه مش فاكر .. الطبيعى كانت ب 4000 جنيه

الولادة اللى قبلها كانت فى عبد القادر فهمى ومعجبتنيش نهائى للأمانة مستواها نزل اوى عن الاول .. زوجتى ولدت 3 مرات مرتين فيها و مرة فى عبد القادر فهمى
سمعت ان النزهة الدولى كويسة و كليوباترا بس مجربتهمش .. ربنا يقومهالك بالسلامة ان شاء الله هى والمولود

[ramymechanics]

ملحوظة الأسعار اللى فوق غير أتعاب الدكتور والحضانة دى مصاريف المستشفى .. ممكن تعدى تاخد ليستة الاسعار من الريسبشن و تشوفها و فى دكاترة كانوا بيدونا خصم 10% هناك زى دكتور أحمد حشاد اللى كنا متابعين معاه لأنه معروف هناك و بالمناسبة هو ولد أختى فى مستشفى فلسطين قدام سنترال ألماظة و سعرها كان نص الأسعار دى تقريبا شوفها بردو

[JapRuleZ]

ابتعد تماما عن صفوة الجولف و الجولف الدولى ... انا دكتور و دى نصيحه لوجه الله...

[amr011111]

ابتعد تماما عن صفوة الجولف و الجولف الدولى ... انا دكتور و دى نصيحه لوجه الله...

يبقى أنصحك تروح لدكتور عمرو الحسينى بـ 60 الخليفه المأمون - روكسى هتلاقيه جنب السخاوى مول وبالتوفيق

[memoo305]

ابتعد تماما عن صفوة الجولف و الجولف الدولى ... انا دكتور و دى نصيحه لوجه الله...

ليه يا فندم
وهل الأيطالي تعتبر معقولة