مشكله مع شركه فودافون

[Bassem Youssef]

انا بستخدم خط بتاع واحده قريبتي و هي حاليا خارج مصر و عايز اسجل الخط بأسمي

روحت الشركه و اتلطعت نص ساعه

حظي الظريف رماني مع واحده عماله تمضع في لبان و لطعتني 3 دقايق لما خلصت رغي في الموبايل

المهم قولتلها عايز اسجل الخط بأسمي و صاحبه الخط مش موجوده

تقولي عايزه اخر 3 كروت شحن و اخر 3 ارقام بتصل بيهم علي طول و اخر 3 ارقام تم تحويل رصيد منهم للخط

اخر 3 كروت شحن ايه و انا بحول رصيد اصلا مش بشحن بكروت و فرضا شحنت بكروت فهل انا مطالب اني احتفظ بالكروت دي ؟؟؟ يعني لازم اشحن 3 كروت عافيه و بلطجه ؟؟؟

اخر 3 ارقام تم تحويل رصيد منهم للخط علي اساس اني هخش لصاحب السنترال و اقوله رقم خطك كام اللي بتحول منه و بعدين انا مش بتعامل الا مع سنترال واحد و السلام فهل انا مطالب احول رصيد من سنترلات اخري و اقولهم و النبي يا عمو رقمك كام اللي بتحولي منه الرصيد ؟؟؟

اعمل ايه في ام التخلف ده ؟؟؟ كل ده لازم اعمله و بعدين ابقي اعدي عليهم كمان شهر

الكريزه علي وش التورته اني لسه محول النهارده لنظام فيلكس يعني 56 جنيه رصيد

انا اتفقعت

[ramymechanics]

عجيب امركم ايها المصريون
طب وهو حضرتك متخيل اى واحد يعدى معاه اى خط يقولهم عاوز اعمله باسمى يقولوله اتفضل ؟؟ افرض انت سارق موبايل بالخط مثلا ؟؟ و كمان حضرتك بتقول انه متسجل باسم واحدة تانية ؟؟

[Karim_Mohy]

السلام عليكم...
الفكرة في ان فيه شوية ضوابط ممكن تكون خانقاك ولكن دي حماية لصاحب الخط
مثال لو حد لقي خط مثلا او معاه خط حد من السهل انه يروح ويسجل الخط باسمه...وده هايفتح باب للمشاكل كتير للشركة ولصاحب الخط...
الكلام ده مالوش علاقة بشركة بعينها...الشركات كلها بتطبق نفس السياسة
لو حضرتك جيت في يوم ولقيت خطك باسم واحد تاني هاتعمل مشكلة لان الخط المفروض باسمك
الفكرة ان طالما انت مستخدم الخط وليس المالك في الوقت الحالي حاجة من اتنين....يا المالك يتنازل عن الخط لحضرتك وده ماينفعش لانك قلت انه سافر.....او انك تجمع المطلوب لفترة وتسجل الخط باسمك.
حبيت اوضح لحضرتك بس الشركات كلها بتطبق نفس المبدأ...ممكن تكون مش كويسه بالنسبالك او ممكن تسبب اي مشاكل لاي حد مالوش ذنب او ان الخط معاه من فتره ومش باسمه...بس تبقي للاحسن
تحياتي

[أحمد كمال]

مش شايف انهم غلطانين .....

[lemo147]

عجيب امركم ايها المصريون
طب وهو حضرتك متخيل اى واحد يعدى معاه اى خط يقولهم عاوز اعمله باسمى يقولوله اتفضل ؟؟ افرض انت سارق موبايل بالخط مثلا ؟؟ و كمان حضرتك بتقول انه متسجل باسم واحدة تانية ؟؟

اوك كلامك صح ف الجزئية الاولي لان المفروض الخطوط متتنقلش غير لما يكون صاحب الخط بنفسه موجود ويتنازل عنه زي ما بره بيحصل
بس هل ارقام كروت الشحن هي اللي تثبت ان انا سارق الخط او لأ

موضوع كروت الشحن ف ده عك ومش المفروض يطلب كروت شحن عشان اي حد ممكن يسرق خط ويشحن 3 مرات مثلا وينقله باسمه

[ahmad--ezzat]

فين الغلط صحيح

[Mu7ammeD]

انا سجلت خطي بأسمي بأستخدام أخر ثلاث كروت شحن فقط

[mmkhattab]

أي مكان في الدنيا ليه ضوابط و قوانين بتحكمه و العاملين لازم يلتزموا بيها
زي ما انت اكيد شغال في مكان و بتشتغل وفق منظومة
أو حتى لو ليك عمل خاص فأكيد أنت حاطط ضوابط معينة للعمل

[Qmax]

الخط ده مش متسجل بإسم حد عشان لو متسجل كانت طلبت منك إحضار مالك الخط يتنازل لك عنه.
أما موضوع كروت الشحن سهله لو انت فاكر تواريخ الشحن عالطاير بتقول لهم عليها عشان يتأكدوا انك صاحب الخط ومستخدمه
لو كنت كلمتهم قبل حضورك الفرع كانوا هايعرفوك المطلوب عشان متروح وتنتظر عالفاضي
إنما أن جيت للحق فودافون مبتعملش عروض وان عملت بتكون آخر حد عمل وتلاقيه مشروطه هي طول عمرها كده

[Karim_Monir]

للاسف انت غلطان
ده نظام شركه بغض النظر عن الموظفه وانهم فعلا سيئين لكن انا بتكلم علي النقطه دي
والافضل تبعت للمشرف يغير عنوان الموضوع

[Bassem Youssef]

معلش

الخط بقاله عده اشهر معايا يعني سهل جدا اثبات ان الخط بتاعي عن طريق المكالمات الوارده و الصادره

و بعدين هل من الطبيعي ارغام العميل علي شحن الخط بكروت عشان اثبات ملكيه الخط ؟؟؟

ايه علاقه ده بده اصلا ؟؟؟

هل المفروض اتطفل علي اصحاب السنترلات و اسألهم عن الارقام اللي بيحولوا بيها الرصيد ؟؟؟

النهارده بقه

حكيت لمن باع الخط ليا علي الحوار ده و قالي انهم طالبين اخر 3 ارقام فودافون حولتلهم رصيد و انا مش عندي ارقام فودافون اصلا غير ارقام بعض الزباين بتوعي

اروح بقه للزباين و اقولهم هحول ليكو رصيد هديه ؟؟؟

الكلام بالعقل

[فتح الباب]

جميل ان عنوان الموضوع اتغير للاحسن طبعا

[Karim_Mohy]

موضوع كروت الشحن لازم يعدي عليه فتره...مش هايتشحن الكروت ف نفس اليوم ويتسجل...الفكره ان اللي بيسجل الخط مايعرفش حضرتك...لازم مايثبت استخدامك للخط...وطالما حضرتك المستخدم يبقي الفترة دي احتفظ بالكروت ده غير الارقام اللي بتكلمها...

[sherifahmed]

يافندم و فودافون تتأكد منين من القصة دى كلها؟
حط نفسك مكانهم
السلام عليكم انا عايز الخط دا يبقى باسمى
هما: ادينا دقيقتين يافندم و هايبقى بتاعك

على رأيك الكلام بالعقل
انا اصلا ضد نقل ملكية الخطوط غير بوجود صاحب الخط نفسه فى محل فودافون رسمى
انا اصلا مانع ان facebook goole و كل دول انى احط رقم تليفونى عندهم عشان سهل جدا فى مصر ان اى حد ياخد بيانات الخط بتاعى و يعمل forgot password و يسرق كل حاجة على اى موقع من دول

[sasaasso]

لازم يكون في إثبات لشركة فودافون بكده