نايل موتورز قصص نجاح

[Karim_Monir]

السلام عليكم ورحمه الله
كل سنه وانتم الى الله اقرب وعلى الطاعه ادوم
لا مش عشان شم النسيم
عشان بنحتفل سوا بالعيد الثامن لتأسيس بيتنا الكبير نايل موتورز
بقالنا ٨ سنين بنفيد بعض وعايشين مع بعض عالحلوه والمره زي ما بيقولو
اختلفنا واتفقنا وفرحنا وزعلنا وناس خدهم مننا الموت نسال الله لهم الرحمه
ناس زعلو وسابونا ومشيو وناس زعلو وعاتبو وسمعنا عتابهم
ما العتاب علي قد المحبه
ناس سافرت وفرقت بينا الاف الاميال لكنهم في قلوبنا دايما بيوجعونا لما نفتكرهم ونفتكر قعدتهم الحلوه
الموضوع ده كاتبه كفضفضه وسؤال عن حاجه مهمه
من فتره طويله كده قررت اعمل مركز نايل موتورز لتجديد العربيات
كنوع من زياده الدخل ومساعده اصحابي ميضحكش عليهم الحرفيين
ربنا وفقني والمشروع بعد خمس سنين ناجح بفضل الله ونسبه رضاء عملائي عدت ال ٨٠٪
ودي في عالم الخدمات نسبه كويسه والحمد لله وبسعى دايما للتطوير
ونايل موتورز البيت الكبير كان سبب مجرد سبب لفتح ابواب رزق لناس كتير
ممكن تحكي نايل موتورز كان سبب ليك في ايه ؟
مجال رزق مباشر او فرصه شغل او دراسه او معلومه غيرت مجرى حياتك
علاقه بشخص او صديق بقيتو اصحاب قوي
حتى ولو عرفك علي ناس بيشجعك علي الخروج والاكل
يعني حاجه كده من التجارب الايجابيه اللي عدت عليك هنا
ولو في سلبيه ابعتهالي عالخاص يمكن اقدر احلها
وكل سنه واحنا دايما في المكان ده بنفيد بعض

كريم منير

[Ahmed Lotfy]

وانت طيب كريم بيك ومزيد من التقدم ان شاء الله

[amr011111]

وأنت طيب

[Karim_Monir]

معلش حصل مشكله ومنزلش بقيه الموضوع
يا ريت تقروه تاني بعد ماتكتب كله ومستني ردكم

[MTAK]

نظرا لانى مش مهتم بالسيارات اصلا

و اشتركت بس لما كنت عاوز اشترى

بس دا لم يمنع انى اتصفح المكان يوميا على مدار 8 سنوات

نايل موتورز كان السبب انى اتخانقت مع مراتى و مديرى علشان الوقت اللى بقضيه

و ياما ضيعلى باقه النت و انا عمال اعمل ريفرش كل 3 دقائق علشان اشوف الردود الجديده فى موضوعات معينه وصلت المشاركات فيها الى ارقام تعدى 1000

ممكن تقول عليه هو حاله نفسيه اكتر منه مكان

اتعرفت على ناس كتير و احببتهم رغم انى لم التقى بهم و لا مرة

عرفت معاه يعنى ايه الواحد يعمل خدمه بدون مقابل لما شفتها من اكثر من شخص فى المكان

هو بالنسبه لى عباره عن كنز

كنز من البشر استحاله تقدر تتعرف عليهم فى مكان واحد

هو بفضل اعضاؤه جعل عندى حاله من الانتماء للمكان , رغم ان الدنيا اتغيرت و ناس كتير راحت و المكان مش زى الاول

بس لسه الواحد برضه بيحب يفتحه كل يوم

جزى الله خيرا المجموعه التى بدأته

و جزى الله خيرا المجموعه التى تحافظ عليه الى وقتنا هذا

[الغزالى]

نفسى فلمه من بتوع ال 2009 و 2010 بناسها ترجع تاني ...
واتمني الموضوع ده يبقى السبب فكده

للي محضرش الفتره دي المنتدى او مكنش متابع كانت احلي فترات على المنتدي وناسه
سهرات للفجريه هزار وضحك فموضوع ( زي كرسى الاعتراف لمدام لنبى - نور القمر )
سهرات واحنا بنكتب قصص على شنورى ( وفقرات من الضحك المتواصل )
غلطاتى فالكتابه واللى لحد دلوقتى متصلحتش ومش هاتتصلح شكلها كده :d
مواضيع وحاجات تانيه كتيره جدا ... نفسى ترجع تاني

ناس عرفتها من هنا مش هاتتنسى لحد اما اموت وناس لسه هاعرفها اكيد


وكل سنه وانتم طيبين

[Ah.Farid]

احلى منتدى ,,,,,له ذكريات كتير فيها حاجات حلوة ومفيدة وفيها متابعة خلافات وانشقاقات ......
وجهات نظر كتيرررررررر
ناس محترمة تحب تخدم الكل
مجتمع ودنيا وناس تحب تتكلم معاهم وتسمعهم وتحس بمشاكلهم وتستفيد بردودهم
كل سنة ونايل موتورز ......بيزيد ويتقدم وربنا يكون فى عون الناس اللى بديرة

[أحمد كمال]

اني عرفت شوية ناس زي الفل ..... اصحاب و منهم كمان اخوات ......

و مش عايز اذكر اسماء لانهم ما شاء الله الله اكبر كتير .....

[الغزالى]

اني عرفت شوية ناس زي الفل ..... اصحاب و منهم كمان اخوات ......

و مش عايز اذكر اسماء لانهم ما شاء الله الله اكبر كتير .....

وانا بكتب افتكرت موضوع زمبراكس :d

[M!SHO]

نفسى فلمه من بتوع ال 2009 و 2010 بناسها ترجع تاني ...
واتمني الموضوع ده يبقى السبب فكده

للي محضرش الفتره دي المنتدى او مكنش متابع كانت احلي فترات على المنتدي وناسه
سهرات للفجريه هزار وضحك فموضوع ( زي كرسى الاعتراف لمدام لنبى - نور القمر )
سهرات واحنا بنكتب قصص على شنورى ( وفقرات من الضحك المتواصل )

من وقت للتاني بدخل على بروفايلاتهم واقلب في مواضيعهم ، برغم اني كنت ومازلت متابع الي حد ما صامت بس كانت فعلاً احلى ايام

ياريت فعلاً نحاول نرجعهم تاني

[FAR!D]

كل سنه وانت طيب يا نايل موتورز
وكل سنه وانت طيب يا كريم وكل الاعضاء

[besso]

كل سنه وانتو طيبين جميعا
المنتدي فادني كتير في مجال السيارات نظرا لانه مجال دراستي وكمان خارج عالم السيارات استفدت كتير ويكفي ان لما اكون بفكر اعمل حاجه او حتي بفكر اشتري حاجه او هاخد قرار مهم برجع اسأل الاعضاء هنا
المنتدي بالنسبه ليا بتصفحه يوميا واكتر من مره

وانشاء الله من نجاح لنجاح

[ebb]

منتدى محترم ربنا يبارك فيه وفي كل الناس المشاركة ومن نجاح الى نجاح

[nilmaster]

المنتدى من المنتديات الجميله واللى كان نفسى فى مرات كتير اطلع معاهم رحلات او مقابلات بس ماحصلشى نصيب ,,
بس فيه حاجه غريبة لافيت اعضاء اختفت مره واحدة .

[فتح الباب]

ياه اكيد الناس الحلوه كلها هتظهر هنا ودى اكتر حاجه فرحت بيها لمجرد انى اقرا مشاركات للناس القائمين على المنتدى تحياتى العميقه لكل الساده الزملاء الاعزاء الذين احترمهم جدا ٠ تحياتى الخاصه للاستاذ كريم منير بما انه صاحب الموضوع ودايما فى احسن حال يارب