نايل موتورز قصص نجاح

[فتح الباب]

شنورى انت فين ازيك عامل ايه مش بنشوفك كتير لعل المانع يكون خير الموضوع كله منور فين المواضيع الممتازه اللى الكل بيستفاد منها ولا المواضيع اللى كلها تهريج جميل ياريتنى اقدر احضر عيد ميلاد المنتدى علشان اشوفك لكن خساره تتعوض ان شاء الله ٠ تحياتى ارجو تقبل مرورى

[SHNORY]

شنورى انت فين ازيك عامل ايه مش بنشوفك كتير لعل المانع يكون خير الموضوع كله منور فين المواضيع الممتازه اللى الكل بيستفاد منها ولا المواضيع اللى كلها تهريج جميل ياريتنى اقدر احضر عيد ميلاد المنتدى علشان اشوفك لكن خساره تتعوض ان شاء الله ٠ تحياتى ارجو تقبل مرورى

حبيبي يا باشا والله
معلش شويه ظروف كده مش مساعده الواحد انه يكون متواجد معاكم دايما
بس والله كلكم علي بالي علطول
وللاسف حتي عيد الميلاد محصلش نصيب اني اروحه

[فتح الباب]

اهم حاجه يارب تكون الظروف دى خير ان شاء الله واذا انت شايف اى حاجه ممكن اقدر اقدمها لك ارجو لاتتردد لان معرفتنا كانت منتدى اما الان اصبحت اكتر من منتدى ونت وغيره ودمت بود

[مصطفى-حسن]

كل سنة وانت طيب يا كريم والاعضاء كلها بخير وربنا يفقك الى الامام دائما

[Samah AbdAllah]

طيب بالنسبة لكلامى مخلاش العين تدمع
هههههههههههههه :)

يابن ابن عنى يا بنى

[lena jo]

كل عام و حضرتك بخير يا استاذ كريم و كل القائمين علي هذا المنتدي المحترم بخير و ان شاء الله نجاح دائم و كل سنة و كل اعضاء نايل موتورز بخير . انا عرفت المنتدي لما كنت عايزة اشتري سيارة و كنت ابحث في منتدي اخر و بالصدفة فتحت لينك احد الاعضاء هناك لنايل موتورز و سبت المنتدي الاول و اشتركت في نايل موتورز و اصبح ادمان .مكنتش باشارك كتير لكن كنت باتصفح كتير. لفيت معظم اقسام السيارات لاني مكنتش محددة نوع سيارة لكن عرفت معلومات قيمة جدا عن انواع كثيرة من السيارات..اشكر كل من ساهم في اضافة معلومة ليس فقط في السيارات لكن في اشياء كثير متنوعة . جزاكم الله خيرا و بارك فيكم جميعا.

[YahiaAshraf]

يابن ابن عنى يا بنى

أنا هيئة دبلوماسية احذروا
هههههههههه

[نور القمر]

نفسى فلمه من بتوع ال 2009 و 2010 بناسها ترجع تاني ...
واتمني الموضوع ده يبقى السبب فكده

للي محضرش الفتره دي المنتدى او مكنش متابع كانت احلي فترات على المنتدي وناسه
سهرات للفجريه هزار وضحك فموضوع ( زي كرسى الاعتراف لمدام لنبى - نور القمر )
سهرات واحنا بنكتب قصص على شنورى ( وفقرات من الضحك المتواصل )
غلطاتى فالكتابه واللى لحد دلوقتى متصلحتش ومش هاتتصلح شكلها كده :d
مواضيع وحاجات تانيه كتيره جدا ... نفسى ترجع تاني

ناس عرفتها من هنا مش هاتتنسى لحد اما اموت وناس لسه هاعرفها اكيد


وكل سنه وانتم طيبين

شايفة الموضوع من كذا يوم واعايزة ادخل اارد عليك لكن مكنتش فاكرة الباس ورد ولا فاكرة مسجلة باميل اايه لحد مافكرت ادخل باللاب القديم لان متسجل عليه دخول
اتبسطت لما لقيت لسه اسمي بيتكتب في نايل بالرغم ان اللي كاتبه فريند عندي في الفيس بوك
الا صحيح انت قافل اكونتك ليه يا غزالي
احلى اايام واحلى صحبة فعلا في الفترة دي بالرغم ان الى الان معظم الناس متعرفنيش شخصيا
وبلرغم اني مبقتش ادخل المنتدى زي زمان لكن كفاية ان بسببه اتعرفت على مجموعة من الناس مش بتتاخر في تقديم اي مساعدة وجمايلهم على راسي ومش ناسياها حتى لو مبقاش في تواصل بينا دلوقت ولو جاتلي لفرصة لردها مش هتاخر باذن االله
بالاضافة ان في ناس زعلوا مني وناس زعلت منهم لكن لا احمل الضغينة لاي حد مهما كان
المنتدى له عندي ذكريات جميلة لدرجة كل ايموشن فيه بيفكرني بحاجة
كفاية اقول ان اعز صاحباتي يا اما عضوات من نايل او من عائلات اعضاء نايل
كل سنة بتمنى اني احضر مقابلة المنتدى لكن مفيش فايدة في حكم قراقوش

[mhamdsamy]

نظرا لانى مش مهتم بالسيارات اصلا

و اشتركت بس لما كنت عاوز اشترى

بس دا لم يمنع انى اتصفح المكان يوميا على مدار 8 سنوات

نايل موتورز كان السبب انى اتخانقت مع مراتى و مديرى علشان الوقت اللى بقضيه

و ياما ضيعلى باقه النت و انا عمال اعمل ريفرش كل 3 دقائق علشان اشوف الردود الجديده فى موضوعات معينه وصلت المشاركات فيها الى ارقام تعدى 1000

ممكن تقول عليه هو حاله نفسيه اكتر منه مكان

اتعرفت على ناس كتير و احببتهم رغم انى لم التقى بهم و لا مرة

عرفت معاه يعنى ايه الواحد يعمل خدمه بدون مقابل لما شفتها من اكثر من شخص فى المكان

هو بالنسبه لى عباره عن كنز

كنز من البشر استحاله تقدر تتعرف عليهم فى مكان واحد

هو بفضل اعضاؤه جعل عندى حاله من الانتماء للمكان , رغم ان الدنيا اتغيرت و ناس كتير راحت و المكان مش زى الاول

بس لسه الواحد برضه بيحب يفتحه كل يوم

جزى الله خيرا المجموعه التى بدأته

و جزى الله خيرا المجموعه التى تحافظ عليه الى وقتنا هذا

كلام مؤثر

[الغزالى]

شايفة الموضوع من كذا يوم واعايزة ادخل اارد عليك لكن مكنتش فاكرة الباس ورد ولا فاكرة مسجلة باميل اايه لحد مافكرت ادخل باللاب القديم لان متسجل عليه دخول
اتبسطت لما لقيت لسه اسمي بيتكتب في نايل بالرغم ان اللي كاتبه فريند عندي في الفيس بوك
الا صحيح انت قافل اكونتك ليه يا غزالي
احلى اايام واحلى صحبة فعلا في الفترة دي بالرغم ان الى الان معظم الناس متعرفنيش شخصيا
وبلرغم اني مبقتش ادخل المنتدى زي زمان لكن كفاية ان بسببه اتعرفت على مجموعة من الناس مش بتتاخر في تقديم اي مساعدة وجمايلهم على راسي ومش ناسياها حتى لو مبقاش في تواصل بينا دلوقت ولو جاتلي لفرصة لردها مش هتاخر باذن االله
بالاضافة ان في ناس زعلوا مني وناس زعلت منهم لكن لا احمل الضغينة لاي حد مهما كان
المنتدى له عندي ذكريات جميلة لدرجة كل ايموشن فيه بيفكرني بحاجة
كفاية اقول ان اعز صاحباتي يا اما عضوات من نايل او من عائلات اعضاء نايل
كل سنة بتمنى اني احضر مقابلة المنتدى لكن مفيش فايدة في حكم قراقوش

هربان علينا تار