ساعدوني اختار تليفون

[mido3_gho]

سلام عليكم ياشباب

نويت اجيب تليفون بس محتار بين نوعين وياريت تساعدوني فيهم

محتار بين HTC Desire 820 والنوع التاني Sony Experia Z2

فى ناس بتشكر جامد اوي فى فى سوني

وفي ناس بتقولي إن إتش تى سي الموديل دا كويس جدا

فياريت ياشباب اللى معلومة او يرشحلي النوع الاحسن

انا استخدامي للتليفون عادي جدا بس استخدام النت هيبقي كتير

شكرا

[digicron]

فكر في الهواوي اسيند ميت 7
Huawei Ascend Mate7 - Full phone specifications

[فتح الباب]

السلام عليكم ورحمة الله وبركاته انا شايف الاتنين احسن من بعض السونى يتفوق بعض الشئ والاتش تى سى برده ممتاز وعموما اختيارك فى المقارنه بين الاتنين ممتاز يعنى هناك وجه مقارنه رهيب ببنهم انا كمان محتار زيك وياريت الاخ الزميل اللى قال على هاواى يقول سعره كام ومواصفاته لانى ما ليش فى الانجليزى لو تكرمت واكون شاكر

[a7med ezz 20]

سوني طبعا

[tasaka]

السونى مواصفته اعلى .. دقه شاشه اعلى و ايضا دقه عرض فيديو اعلى .. كاميرا اعلى ..

به سنسورات اكثر من ال Htc

رامات اعلى و برسيسور متكافى

ضد الماء لعمق معين

حمايه ضد كسر الشاشه و الخدش اعلى ( غير متأكد من هذه النقطه ) ..

بطاريه اقوى .. و مواصفات اضافيه اكثر ..

و لكن شاشته اصغر قليلا 5.2 ( بدلا من 5.5 ) .. و هذا الحجم 5.2 انسب لمسكه التليفون



من الواضح ان السونى اقوى فى المواصفه ( بالرغم من نزوله السوق قبل desire بعده شهور

انتبه اى موديل المعروض عليك من السونى D6502, D6503, D6543 و تأكد من عمل ال 3G

انا طول عمرى من اكثر من 15 سنه باستعمل HTC فقط .. و لم تسنح لى فرصه استعمل السونى .. و الاختيار متروك لك


هذا هو جدول المقارنه

رابط ( اى شيئ لا تفهمه فى الجدول قد استطيع افادتك )

HTC Desire 820 vs. Sony Xperia Z2 - GSMArena.com

تحياتى

[mido3_gho]

شكرا ياجماعة بس ياريت لو حد يقدر يقولي العيوب فى السوني والاتش تي سي

زد 1 كان بيقولوا مشكلته إن الكاميرا بتاعته كان فيها مشاكل هل المشكلة دى إتحلت فى زد 2 ولا لأ

الاتنين قريبين من بعض فى السعر جامد والمواصفات السوني يكسب بس فى ناس كتير اوي شكرت فى 820

عشان كده محتار جدا بينهم

فلو حد يقدر يقولي العيوب فى الاتنين لإن الاتنين محدش من زمايلي إستعملهم لإن يعتبر الاتنين موديلات جديدة مش قديمة

شكرا ليكم ياجماعة

[tasaka]

htc بيعيش كثير .. و قليلا ما يعطل ( هذه هى تجربتى الشخصيه )

[Specialist]

من واقع تجربتي للموبايلين ( الـ htc مع أخويا و السوني مع واحد صاحبي) ..

الـ htc مش بيهنج خالص و سريع و خفيف ,, الكاميرا ممتــازة جدا جدا ,, و الشاشة الكبيرة دي ميزة لآصحاب الأيدي الكبيرة زي حالاتي كده ..
مهما تفتح من برامج و تطبيقات, تلاقي الرامات مستهلك منها 1 جيجا فقط ..

السوني برضه ممتاز جدا و شاشته خرافية, و سريع
العيب القاتل اللي لاحظته: صوته واطي شوية بسبب أنه مضاد للمياة + بيسخن شوية مع الأستخدام ..

فشوف حضرتك أنت مرتاح مع أنهي فيهم ,, و مش هتندم إن شاءالله .. :)

[mido3_gho]

من واقع تجربتي للموبايلين ( الـ htc مع أخويا و السوني مع واحد صاحبي) ..

الـ htc مش بيهنج خالص و سريع و خفيف ,, الكاميرا ممتــازة جدا جدا ,, و الشاشة الكبيرة دي ميزة لآصحاب الأيدي الكبيرة زي حالاتي كده ..
مهما تفتح من برامج و تطبيقات, تلاقي الرامات مستهلك منها 1 جيجا فقط ..

السوني برضه ممتاز جدا و شاشته خرافية, و سريع
العيب القاتل اللي لاحظته: صوته واطي شوية بسبب أنه مضاد للمياة + بيسخن شوية مع الأستخدام ..

فشوف حضرتك أنت مرتاح مع أنهي فيهم ,, و مش هتندم إن شاءالله .. :)

يعنى لو ادامك الاتنين تختار إيه حضرتك ؟؟؟؟

[Specialist]

عن نفسي أنا بميل للـ htc والله يا أفندم ..

[dede_dodo88]

انا معايا htc one شاريه من اول ما نزل من قرب السنة و نص و ده كان اول تعامل ليا مع htc عموماً..
خلاصة تجربتي اني لما افكر اجيب موبايل جديد اكيد مش هفكر في حاجة تانية غير htc..

[smsm2015]

شوف الجهاز ده افضل Huawei Ascend mate 7

[shake]

هو htc صناعة ايه

[wallace]

نصيحة بلاش سوني Z2 خالص عشان فيه مشكلة ظهرت مع ناس كتير وهي السخونة ,اكتب علي اليوتيوب z2 overheating هتلاقي نتائج كتيرة وخصوصاً مع التصوير

ال htc خيار ممتاز

ربنا يوفقك