عندى مشكلة فى البلكونة , محتاج رأى الخبراء ؟

[Mohamed.Muslim]

السلام عليكم و رحمة الله و بركاته ..
أنا ساكن فى الدور الثالث فى شقة والدى الله يرحمه , البيت مبنى أوائل الثمانينات ,
البكونة عندى على واجهتين واجهة تقريبا 7 م و الواجهة التانية تقريبا 12 م ,
البلكونة على الواجهتين بالكامل
من حوالى 5 سنين لاحظنا ان بلاط البكونة اللى واجهتها 7 م ارتفع من النصف كانه منفخ أو مكرش , والدى الله يرحمه كان مهندس مدنى بص عليها أياميها و قالنا عادى مفيش مشكلة .
دلوقتى جارتى اللى تحتى ست كبيرة و قلقانة و بتقولى البلكونة ممكن تقع عليها , بالرغم من ان مفيش أى شروخ و لا ميل بس هى بتقولى فى ميل عند التقاء الواجهتين ( من حوالى 8 سنين حصل تسريب مياه من الشقة اللى جنبها و المياه كان اتجاهها ناحية بلكونتها فطبعا بلكونتها شربت المياه و كمان الأوض الخشب فبلكونتها باشت و حصلت هزة أرضية بعد كده فالبلكونة شرخت و اضطرت انها تكسرها و تصبها من جديد و عملت كوابيل خرسانة و كوابيل حديد لبلكونتها من تحت ) .
هى بتقولى كسر البلاط و اكشف على الحديد , خليت مهندس جارى اللى ساكن فوقى يبص عندى لما شاف البلاط المنفخ قالى فى ميل عند التقاء الواجهتين للبلكونة فركب كوابيل حديد للبلكونة من تحت , بالرغم انه ما نزلش يبص على البلكونة من تحت ,
جبت حداد عشان يشوف نركب الكوابيل فين , جه بص عندى الاول قالى مفيش ميل عندك قولتله و البلاط اللى نفخ ده قالى ممكن يكون المزراب مش بيرمى المياه كلها على الشارع و شوية اتسربوا جوه البلكونة فعملوا كده ( كلامه صح لان المزراب كان في مشكلة مكانش ثابت و فجأة لقيته وقع يعنى حاليا مفيش مزراب ) , قولتله طب و العمل , قالى ننزل نبص على البلكون من تحت , نزلنا عند جارتى الى تحتى الراجل قالى مش شايف ميل و بلكونتك تمام ومش محتاج كوابيل زبط انت المزراب و بس , الست معجبهاش الكلم وحكتله حكايتها اللى من 8 سنين , الراجل قالنا لو الحديد صدى و نطر الخرسانة كانت البلكونة بان عليها من تحت وكنت حتلاقوا البياض اللى تحت البلكونة اتنطر كله , الست برضه قعدت تتناقش معاه راح الحداد قالى كسر البلاط و بص على الحديدو شوف وضعه ايه لو مصدى حتصب ...

أعمل ايه ؟؟؟ عشان احترت الموضوع بدأ من خمس سنين و محصلش اى مضاعفات من ساعتها , مفيش غير جارتى كل فترة تفتحلى الموضوع ده ...

بالمناسبة جارتى عرفت موضوع البلاط ده من باب الأوليمتال اللى مركبه عندى لما بفتحه بيحك فى البلاط فبتسمع الصوت و من ساعتها بقى !!!

[afndina]

ريح نفسك وصب البلكونة
لا قدر الله لو وقعت علي حد حتبقي مصيبة وساعتها حيبقي عندك استعداد تدفع اي مبلغ علشان تطلع من المصيبة دي
هد البلكونة واعملها من الاول من نفسك واهي حتبقي جميلة وبرضوا ليك

[amr011111]

هتكسر بلاط البلكونه وتكسر الغطا الخرسانى هتلاقى الحديد على بعد 2 سم من وش الخرسانه واكشف على الحديد لو مصدى صب تانى
مش مصدى يبقى اديك وقفت تسريب المياه

[Mohamed.Muslim]

جزاكم الله خير ,, أتمنى اجابتكو على السؤالين دول ..
1 - هى البلكونات بتقع فجأة ؟ مش المفروض انه بيحصل شروخات جامدة فى كذا مكان و ميل و بعد كده تقع ؟؟
2- لاحظت ان اللى بيكسر البلكونة و يصبها من جديد بعد ما بيخلص بيعملها كوابيل حديد , فأنا بفكر أعمل الكوابيل الحديد الأول بما ان مفيش شروخ و الوضع ده بقاله 5 سنين بدون أى مضاعفات , ولو حصل و البلكونة وضعها ساء و احتاجت تتصب من جديد يبقى ساعتها أصب و الكوابيل مش حخسرها لأنى حركبها تانى .... ايه رأيكوا ؟؟

[arsenal_henry]

مشكلة البلاط عندك ممكن يكون لها اسباب كتير منها طبعاً المشكلة في البلاطة الخرسانة للبلكونة لكن مش شرط تكون هي السبب الوحيد .. ممكن يكون البلاط انفصل عن المونه او راكب على بعضه بدون فواصل ..

الحل من وجهة نظري عشان تتطمن، انت كده كده هتفك البلاط عشان تظبطه فممكن تكشف لغاية سطح الخرسانة المسلحة وتشوف هل فيه شروخ والحديد ظاهر ام لأ ..

[Mohamed.Muslim]

مشكلة البلاط عندك ممكن يكون لها اسباب كتير منها طبعاً المشكلة في البلاطة الخرسانة للبلكونة لكن مش شرط تكون هي السبب الوحيد .. ممكن يكون البلاط انفصل عن المونه او راكب على بعضه بدون فواصل ..

الحل من وجهة نظري عشان تتطمن، انت كده كده هتفك البلاط عشان تظبطه فممكن تكشف لغاية سطح الخرسانة المسلحة وتشوف هل فيه شروخ والحديد ظاهر ام لأ ..

جزيل الشكر لردك ...
هو أنا فيه مهندس معرفة خليته يبص على البلكونة قالى الأول ندعم البلكونة بكوابيل حديد من تحت و بعدين بدل منكسر البلاط نكشف على الحديد اللى فى سقف البلكونة من تحت ( لأنه بيقولى سقف البلكونة من تحت حيكون مطبل ) , و لو لقينا الحديد مصدى حنكسر البلاط و نعالج الحديد و نصب البلكونة , لو الحديد كويس يبقى البلكونة كويسة و تمام كده ؟؟؟

[arsenal_henry]

جزيل الشكر لردك ...
هو أنا فيه مهندس معرفة خليته يبص على البلكونة قالى الأول ندعم البلكونة بكوابيل حديد من تحت و بعدين بدل منكسر البلاط نكشف على الحديد اللى فى سقف البلكونة من تحت ( لأنه بيقولى سقف البلكونة من تحت حيكون مطبل ) , و لو لقينا الحديد مصدى حنكسر البلاط و نعالج الحديد و نصب البلكونة , لو الحديد كويس يبقى البلكونة كويسة و تمام كده ؟؟؟

لو السقف مطبل زي ما بتقول لازم يظهر على المحارة في الدور اللي تحت ..

[احمد فهمى]

السلام عليكم و رحمة الله و بركاته ..
أنا ساكن فى الدور الثالث فى شقة والدى الله يرحمه , البيت مبنى أوائل الثمانينات ,
البكونة عندى على واجهتين واجهة تقريبا 7 م و الواجهة التانية تقريبا 12 م ,
البلكونة على الواجهتين بالكامل
من حوالى 5 سنين لاحظنا ان بلاط البكونة اللى واجهتها 7 م ارتفع من النصف كانه منفخ أو مكرش , والدى الله يرحمه كان مهندس مدنى بص عليها أياميها و قالنا عادى مفيش مشكلة .
دلوقتى جارتى اللى تحتى ست كبيرة و قلقانة و بتقولى البلكونة ممكن تقع عليها , بالرغم من ان مفيش أى شروخ و لا ميل بس هى بتقولى فى ميل عند التقاء الواجهتين ( من حوالى 8 سنين حصل تسريب مياه من الشقة اللى جنبها و المياه كان اتجاهها ناحية بلكونتها فطبعا بلكونتها شربت المياه و كمان الأوض الخشب فبلكونتها باشت و حصلت هزة أرضية بعد كده فالبلكونة شرخت و اضطرت انها تكسرها و تصبها من جديد و عملت كوابيل خرسانة و كوابيل حديد لبلكونتها من تحت ) .
هى بتقولى كسر البلاط و اكشف على الحديد , خليت مهندس جارى اللى ساكن فوقى يبص عندى لما شاف البلاط المنفخ قالى فى ميل عند التقاء الواجهتين للبلكونة فركب كوابيل حديد للبلكونة من تحت , بالرغم انه ما نزلش يبص على البلكونة من تحت ,
جبت حداد عشان يشوف نركب الكوابيل فين , جه بص عندى الاول قالى مفيش ميل عندك قولتله و البلاط اللى نفخ ده قالى ممكن يكون المزراب مش بيرمى المياه كلها على الشارع و شوية اتسربوا جوه البلكونة فعملوا كده ( كلامه صح لان المزراب كان في مشكلة مكانش ثابت و فجأة لقيته وقع يعنى حاليا مفيش مزراب ) , قولتله طب و العمل , قالى ننزل نبص على البلكون من تحت , نزلنا عند جارتى الى تحتى الراجل قالى مش شايف ميل و بلكونتك تمام ومش محتاج كوابيل زبط انت المزراب و بس , الست معجبهاش الكلم وحكتله حكايتها اللى من 8 سنين , الراجل قالنا لو الحديد صدى و نطر الخرسانة كانت البلكونة بان عليها من تحت وكنت حتلاقوا البياض اللى تحت البلكونة اتنطر كله , الست برضه قعدت تتناقش معاه راح الحداد قالى كسر البلاط و بص على الحديدو شوف وضعه ايه لو مصدى حتصب ...

أعمل ايه ؟؟؟ عشان احترت الموضوع بدأ من خمس سنين و محصلش اى مضاعفات من ساعتها , مفيش غير جارتى كل فترة تفتحلى الموضوع ده ...

بالمناسبة جارتى عرفت موضوع البلاط ده من باب الأوليمتال اللى مركبه عندى لما بفتحه بيحك فى البلاط فبتسمع الصوت و من ساعتها بقى !!!

عشان تكسر وتكشف الحديد اللي تحت الغراسانه ب2 سم على الاقل هتضعف البلاطه نفسها لو عندك البلاط نفخ ده فى الغالب بسبب الميه فكسر البلاط واوصل للخرسانه واعزلها عزل بارد واعمل مكان جديد للمزراب وراجع ان ميل السيراميك يكون تجاه المزراب واعملو ماسوره كبيره شويه عشان ميتسدش واعزل حواليه وركب سيراميك جديد واسقيه كويس واعمل وزر من السيراميك نفسو زاوية الميل لها قياس يعنى مش بالنظر انها تقول شايفاها مايله ولو لاحظت ميول اعمل كابولى حديد عند حداد وركبو بأكمونات تحت بلاكونتك وقصة انك تصب البلاكونه تاني دى شغلانه مش سهله ولو مهندس معندوش ضمير مش هيحصل فرق على العكس هيكون الوضع اخطر

[Mohamed.Muslim]

دى صور البلكونة ...

http://nileup.com/up/uploads/nilemotors_14281538781.jpg

http://nileup.com/up/uploads/nilemotors_14281538782.jpg

http://nileup.com/up/uploads/nilemotors_14281538783.jpg

http://nileup.com/up/uploads/nilemotors_14281538794.jpg

http://nileup.com/up/uploads/nilemotors_14281538795.jpg

http://nileup.com/up/uploads/nilemotors_14281538796.jpg

http://nileup.com/up/uploads/nilemotors_14281538797.jpg

[Mohamed.Muslim]

فى دورين مركبين أوليمتال , أنا الدور اللى تحت
الخشب اللى فى الارضية ده أصلا كان بلكونة و احنا عملنا أوليمتال عشان نوسع الأوضة
ملاحظ ان الخشب مش منفخ , البلاط بس اللى منفخ و ده واضح من عند باب الأوليمتال , يعنى نص البلكونة منفخ ( اللى أرضيتها بلاط ) و النص التانى طبيعى ( اللى أرضيتها خشب ) ...

[a7medsh3rawi]

بصفتى مهندس معمارى
1- هتركب كابولين حديد عن زاويه التقاء البلكونتين كل واحده فى اتجاه
وطرف البلكونه فى جزء مكسور هتقشرها وتمحهرها وتدهنها

2- البلاط من ناحيه الخشب فى فراغ بينزل منه الميه جوه البلاط
هتجيب روبه او اسمنت ابيض وترشها علشان تسد الفراغات اللى بين البلاط

3- تفك الباب الالوميتال وتقصه 1 سم علشان مايعملش صوت

اى استفسار تحت امرك

[Mohamed.Muslim]

بصفتى مهندس معمارى
1- هتركب كابولين حديد عن زاويه التقاء البلكونتين كل واحده فى اتجاه
وطرف البلكونه فى جزء مكسور هتقشرها وتمحهرها وتدهنها

2- البلاط من ناحيه الخشب فى فراغ بينزل منه الميه جوه البلاط
هتجيب روبه او اسمنت ابيض وترشها علشان تسد الفراغات اللى بين البلاط

3- تفك الباب الالوميتال وتقصه 1 سم علشان مايعملش صوت

اى استفسار تحت امرك

شكرا جدا جدا لردك ... و الأمر لله وحده و مأيأمرش عليك ظالم أبدا
طب بالنسبة للكابولين لو ركبت واحد عند التقاء العمود مع الكمرة (أى أسفل الباب الألوميتال )
و التانى يركب "بالورب " عند زاويه التقاء البلكونتين , ايه رأيك ؟؟ و يبقى كده البلكونة اللى فيها المشكلة مدعومة من طرفيها ؟؟

[amr011111]

لو السقف مطبل زي ما بتقول لازم يظهر على المحارة في الدور اللي تحت ..

الكلام ده مش سليم
لو هتكشف على حديد اى حجرة يبقى تكشف من تحت لان الحديد السفلى هوه الحديد الرئيسى انما لو هتكشف على حديد بلكونه يبقى تكشف من فوق لان الحديد الرئيسى هوه الحديد العلوى وبالتوفيق

[a7medsh3rawi]

شكرا جدا جدا لردك ... و الأمر لله وحده و مأيأمرش عليك ظالم أبدا
طب بالنسبة للكابولين لو ركبت واحد عند التقاء العمود مع الكمرة (أى أسفل الباب الألوميتال )
و التانى يركب "بالورب " عند زاويه التقاء البلكونتين , ايه رأيك ؟؟ و يبقى كده البلكونة اللى فيها المشكلة مدعومة من طرفيها ؟؟

عادى ينفع فى اول البكونه واخرها
المهم يكون فى عامود خرسانه يركب عليه الكابولى
مع ان البلكونه (ما شاء الله) مش شايف اى تطبيل او شروخ تدل على ان فيها مشكله

[Mohamed.Muslim]

عادى ينفع فى اول البكونه واخرها
المهم يكون فى عامود خرسانه يركب عليه الكابولى
مع ان البلكونه (ما شاء الله) مش شايف اى تطبيل او شروخ تدل على ان فيها مشكله

طب بالنسبة لل 2 كابولى مواصفتهم تبقى ايه ؟ يعنى سمكهم يبقى كام بوصة و كده ؟؟