التعقيم في عياده الاسنلن

[abokoko]

دوري رقم 11
وفي ناس هتكشف بعدي

يفترض وجود 12 طقم معقم

لو خلصت الاطقم المعقمه
ازاي اعرف

[Elawany13]

سيبها على الله ...انا كمان رايح لدكتور الاسنان دلوقتى

Sent from my GT-S6500D using Forum Runner

[abokoko]

ربنا يعينك

عملت جلستين حشو عصب الضرس
وحاليا الجلسه ال3
والضرس هيتخلع
لان اللخلخه زادت
وحاليا واخد حقن البنج ومنتظر الدخول لخلع الضرس

[hugan]

مشكله التعقيم
لكن اللي اعرفه ان الدكتور عنده وليكن مثلا 10 اطقم من نفس المعدات
كل حاله بطقم تخلص تدخل التعقيم وهكذا

[dr_click]

مصر فيها ملايين سابوها علي الله و النتيجة ماكنتش كويسة علشان ربنا مبيقولش كدا، اقترح انك تستفسر من الدكتور و تشوف بعينك علشان تتطمن

[abokoko]

القطع الكبيره اللى زى الجفت بشوفها بتطلع من اكياس مقفوله

القطع الصغيره اللى عامله زى المفكات الصغيره جدا ومشرشه من الامام زى قطعه توسعه فونية البوتجاز لما نحوله لغاز
بيطلعوها من علبه مستطيله
والله اعلم متعقمه ولا - لا
وكمان الله اعلم بيرجعوها مكانها
ولا بيعزلوها على جنب

[abokoko]

عموما
الجلسات مش هتستمر

الوجع مستمر من الجلسه الاولى و الثانية
والدكتورة قالت
انه بسبب ازدياد اللخلخة
( لم توضح لى من البداية )

وبالتالى فرصة استمرار الضرس بعد الحشو ضعيفة

وبالتالى اخترت الخلع

3 حقن بنج كلهم الم
وخلع من دكتور اخر
والم الخلع رهيب
ونزظيف مستمر على القطنه
( لم اكمل ساعتين )

والخوف ان الضرس المجاور هو كمان فيه لخلخه

[MOSTAFABASAL]

هقولك على الخلاصة من الاخر
الضمير بتاع الدكتور هوة المفتاح ....ممكن تلاقي عياده واو و الدكتور عاوز الحرق وممكن تلاقي عياده نضيفه على قد حالها و الدكتور عاوز يتعمله تمثال من النضافه بس برضوا شكل العياده بيحكم اذا كان تمام ولا لا
كل مريض ليه ادوات معقمه من ادوات الكشف المعروفه المرايه و البروب او المسبار اللي شبه الدبوس ده و الملقاط و كواحت السوس و ادوات حشو و السرنجه وحط تحت السرنجه عشر خطوط المفروض ان السرنجه ليها شاسيه معدن الي بيتحط فيها كربول البنج و السن اكيد لازم الكربول بيتحط قدامك و السن بيتفتح قدامك ولو لقيت غير كده اطلب تغييرهم الكوبايه البلاستك تتحط قدامك وشفاط اللعاب كذلك و الجوانتي ولو لقيت غير كده اطلب تغييرهم المشكله في الشاسيه المعدن بقى فيه ناس بتغير السن و الكاربول في نفس الشاسيه ومن مريض لمريض ودي شفتها بام عيني دكتور بيفتخر ان السرنجات المعدن ماركه كذا و ماركه كذا (ماركات غاليه) بس معندوش غير اتنين و من بق لبق لبق
طبعا لازم يكون في العياده جهاز تعقيم بخاري مش حراري وده ممكن تسال عليه الدكتور فين جهاز التعقيم وهوة بخاري ولا حراري ولو عنده ضمير مش هيضحك عليك
نيجي بقى للمعضله الكبيرة ماكينه الحفر ...المفروض ان كل مريض ليه ماكينه حفر ولكن نظرا لغلو سعرها فممكن تلاقي عند الطبيب اتنين او تلاته او اربعه بالكتير و المفروض ان الماكينه بتتعقم برضوا بين كل حاله و التانيه باسبراي مضاد للفيروسات او اضعف الايمان بكلور مركز مش بديتول !!!بس اللي ميتعقمش ولازم جهاز التعقيم السن اللي بيحفر بيه لازم يكون متركب قدامك ميكونش راكب فيها و الدكتور يحفرلك بيه ...حاليا فيه مكن حفر بلاستيك كل مريض ممكن يشتريها و بتكفيه تقريبا 6 زيارات ودي بتاهدها وانت مروح ممكن تسال الدكتور عليها لو حابب

مبارد العصب تكون يا اما جديده يا اما الدكتور مطلعها من علبة التعقيم بتاعه المبارد
اي حاجه تقع على الارض الدكتور ما يمسكهاش لغايه اما يخلص مش يجيبها و يكملك شغل بيها ....والادوات تكون طالعه من الدرج او جهاز التعقيم سواء كانت مغلفة او غير مغلفة
دي مبدئيا الحاجات اللي المفروض تشوفها بعينك


وعلى فكرة انا دكتور سنان :)

[misry]

ما تخفش , كل حاجة بتتعقم

وتعرف انها متعقمة في الكيس اللي بتبقى جواه ولكن طبعا كله يعتمد على ضمير الدكتور

واعتقد انك اول ما تدخل العيادة وتشوف الدكتور بتعرف مستواه على طول ...

وياريت لو معاك أشعة للضرس والضرس المجاور ارفعها هنا وساعتها ممكن اقول لك تعمل ايه

والف سلامة عليك

[طارق _عبد السلام]

عموما
الجلسات مش هتستمر

الوجع مستمر من الجلسه الاولى و الثانية
والدكتورة قالت
انه بسبب ازدياد اللخلخة
( لم توضح لى من البداية )

وبالتالى فرصة استمرار الضرس بعد الحشو ضعيفة

وبالتالى اخترت الخلع

3 حقن بنج كلهم الم
وخلع من دكتور اخر
والم الخلع رهيب
ونزظيف مستمر على القطنه
( لم اكمل ساعتين )

والخوف ان الضرس المجاور هو كمان فيه لخلخه

ربنا معاك

انا لسه مخلص حشو عصب من شهر تقريبا

فعلا الوجع بيكون موجود اول جلستين او ثلاثه وبعدين بيقل ... ممكن تاخد 5 جلسات او غيارات زى ما الدكتور كان بيقولى هنغير عليه........ الموضوع مؤلم طبعا

لكن اللخلخه لازم لان العصب بيتشال........ وبعد حشو العصب لازم يعمل طربوش


ولانك خلعت خلاص اصبر شويه لحد ما الجرح يلم وتنسى الالم واعمل تركيبه مكانه علشان لو هو تحت الدرس اللى فوق هيسقط ويبوظ بردوا لان مفيش حاجه بتقابله

وحشو العصب بالذات بيحتاج دكتور خبره

سلامتك وربنا يجعله فى ميزانك ان شاء الله

[windofchange]

طهور يابوكوكو

[dedi]

ماعلش استفسار بعد اذن صاحب الموضوع
بما انة فية دكاترة اسنان موجودين هنا
انا من فترة 10 سنين تقريبا عملت حشو عصب والان هو مافيش مشكلة من الضرس ولكن ظهرت زى (فسفوسة ) او زى خراج صغير فى اخر الفك وهو مرات يكون فى حجم حباية العدس ومرات اقل
رحت الى 5 دكاترة كلهم اجمعوا انة بيعبى صديد وبيصرف لوحدة وانقسمت الاراء بين واجب خلعة حتى لا يؤثر على الفك وبعضهم قال لى سيبة لو مافيش مشكلة او الم
ماهو الراى الصح هو بقالة 3 سنين على الحالة دى
تحياتى وشكرا

[misry]

ماعلش استفسار بعد اذن صاحب الموضوع
بما انة فية دكاترة اسنان موجودين هنا
انا من فترة 10 سنين تقريبا عملت حشو عصب والان هو مافيش مشكلة من الضرس ولكن ظهرت زى (فسفوسة ) او زى خراج صغير فى اخر الفك وهو مرات يكون فى حجم حباية العدس ومرات اقل
رحت الى 5 دكاترة كلهم اجمعوا انة بيعبى صديد وبيصرف لوحدة وانقسمت الاراء بين واجب خلعة حتى لا يؤثر على الفك وبعضهم قال لى سيبة لو مافيش مشكلة او الم
ماهو الراى الصح هو بقالة 3 سنين على الحالة دى
تحياتى وشكرا

في رايي تروح لدكتور متخصص في حشو العصب , يشيل الحشو القديم ويعمل واحد جديد