ايه هي المشاريع الناجحه في البلد دي الايام دي

[elpilot]

لو سمحتم يا شباب انا فاتح محل كومبيوتر واكسسوارات ولكن الدنيا واقعه بقالها كتير ومش عايزة تقوم تاني وابتديت اخسر حاليا او يادوبك اجيب المصاريف
ارجو منكم المساعده ايه هي المشاريع اللي شغاله الايام دي في البلد دي في حدود100 الف كحد اقصي حاليا مش عايز اجازف
انا تخصصي نظم معلومات وشغالit وشبكات وتجميع وصياانة ومعنديش اي مانع اغير المجال لو فيه اكل عيش
الرجاء المساعده

[ebb]

المطاعم والقهاوي عموما مشاريع ناجحة في كل مكان وادرس منطقتك الاول

[rotanamasoud]

انجح مشروع فى مصر السرقه

[Bassem Youssef]

لا انصح بفتح مشاريع حاليا

ده المشاريع اللي مفتوحه بقالها سنين و فاتحه بيوت ... قفلت

مصانع و شركات فلست

طالما مجمد قرشين حلوين ... اخلع من هنا

مجرد رأي

[elpilot]

لا انصح بفتح مشاريع حاليا

ده المشاريع اللي مفتوحه بقالها سنين و فاتحه بيوت ... قفلت

مصانع و شركات فلست

طالما مجمد قرشين حلوين ... اخلع من هنا

مجرد رأي

فعلا كلام حضرتك منطقي جدا انا فاتح مشروع الكومبيوتر بقالي 4سنين وكان شغال زي الفل معرفش حصل ايه ووقف مرة واحده
المشكلة اني هسافر فين وهشتغل ايه هناك
وبعدين حياتي كلها هنا وعايز اكل عيش في البلد دي ولا خلاص مبقتش بتاعتنا

[elpilot]

انجح مشروع فى مصر السرقه

والله عندك حق
بس احنا اتربينا علي الحلال وعايزين نربي عيالنا علي الحلال برضو وربنا مبينساش حد
ربنا يتولانا برحمته ويفرجها من عنده

[amr011111]

أحسن مشروع فى مصر مطاعم الاكل بس علشان تبدأ صح يبقى تاخد محل ايجار جديد فى منطقع عامره وفيها شركات كتير زى الدقى او المهندسين او مصر الجديده او مدينة نصر المحل طبعأ إيجار هيبقى غالى بس إن شاء الله هيجيب تمنه بس اهم حاجه ان انت تبقى واقف على المشروع بنفسك وتبقى متميز فى عمل الاكل كسعر وجوده وطبعاً هتجيب حد بيعمل اكل كويس وتتعلم منه علشان وقت الزنقه متبقاش تحت رحمته
وبالتوفيق

[Bassem Youssef]

فعلا كلام حضرتك منطقي جدا انا فاتح مشروع الكومبيوتر بقالي 4سنين وكان شغال زي الفل معرفش حصل ايه ووقف مرة واحده
المشكلة اني هسافر فين وهشتغل ايه هناك
وبعدين حياتي كلها هنا وعايز اكل عيش في البلد دي ولا خلاص مبقتش بتاعتنا

حضرتك متجوز و لا لأ ؟؟؟

تسافر فين ؟؟؟ نتناقش فيها

تشتغل ايه هناك ؟؟؟ نفس شغلك هنا

معاك شهاده علميه مميزه ؟؟؟

البلد دي مش بلدنا من زمان

و صدقني لو رميت فلوس في مشروع هتزعل عليها

لان الله اعلم الحال هيتصلح امتي ده اصلا لو في نيه انه يتصلح

[amoor89]

ممكن مشروع حضانة اطفال بمستوى كويس عن نفسى بدأت فيه وبجهز المكان حاليا
فى رأيى الشخصى ده مشروع بعيد عن حالة السوق شوية لان الناس مش هتبطل تخلف ولا تعلم ولادها
مع العلم انى كنت فى مجال الكومبيوتر والصيانة وسبته عشان الحال واقف مع كل الناس

[askanas]

لو جد و عايز تكسب بجد تعالي افتح نفس مشروعك ده وصيانة و كدة بس في محافظة تانية
و هي محافظة قنا :d
امنع الضحك
انا بكلم جد
ده سوق جديد و محتاج كل حاجة و الناس معاها فلوس
انا ممكن اشاركك كمان

[elpilot]

حضرتك متجوز و لا لأ ؟؟؟

تسافر فين ؟؟؟ نتناقش فيها

تشتغل ايه هناك ؟؟؟ نفس شغلك هنا

معاك شهاده علميه مميزه ؟؟؟

البلد دي مش بلدنا من زمان

و صدقني لو رميت فلوس في مشروع هتزعل عليها

لان الله اعلم الحال هيتصلح امتي ده اصلا لو في نيه انه يتصلح

الحمد لله متجوز ومعايا بنت سنتين ونص وولد 4شهور
السفر انا حابة جدا بس مضطر افضل هنا عشان زوجتي واولادي وكمان عشان والدتي واخواتي وعماتي لان والدي متوفي ومليش اعمام وعماتي علي قد حالهم ويعتبر انا العائل الوحيد لكل الناس دي ومطلوب مني اخلصلهم كل مصالحهم هنا
هل لو سافرت هلاقي اصلا شغل It وشبكات اكيد اي دولة دلوقتي عندها اللي يكفيها وذياده وفيه ناس مبتفرقش معاها وبيشتغلوا باقل مرتب المشكله اني اتعودت علي مستوي معيشة معين ومصاريف معينه ومش قادر اقللها خالص
بالنسبة للشهادات معايا بكالريوس حاسبات ومعلومات ومعايا كورس java web وكورسات صيانة وشوية شهادات تنميه بشرية وبالنسبه للخبرة عندي خبرة 10سنين في مجال الشبكات وصيانة الكومبيوتر والIT بوجه عام
كنت فكر اعمل دبلومة واعمل ماجستير بس الدنيا واقفه بقالها مده ونفسيتي تعبت ومش هعرف ادرس ولا ذاكر حاليا
العملية تحتاج الي معجزة فعلا وربنا قادر علي كل شئ

[elpilot]

أحسن مشروع فى مصر مطاعم الاكل بس علشان تبدأ صح يبقى تاخد محل ايجار جديد فى منطقع عامره وفيها شركات كتير زى الدقى او المهندسين او مصر الجديده او مدينة نصر المحل طبعأ إيجار هيبقى غالى بس إن شاء الله هيجيب تمنه بس اهم حاجه ان انت تبقى واقف على المشروع بنفسك وتبقى متميز فى عمل الاكل كسعر وجوده وطبعاً هتجيب حد بيعمل اكل كويس وتتعلم منه علشان وقت الزنقه متبقاش تحت رحمته
وبالتوفيق

هو مشروع جميل بس انا عايز اعمل مشروع انمي فيه خبرتي واكون فيه مهندس زي مانا مش هروح افتح مطعم وابقي معلم مع احترامي للمعلمين بس انا عايز اعمل حاجه تفيد الناس وتفيدني

[elpilot]

ممكن مشروع حضانة اطفال بمستوى كويس عن نفسى بدأت فيه وبجهز المكان حاليا
فى رأيى الشخصى ده مشروع بعيد عن حالة السوق شوية لان الناس مش هتبطل تخلف ولا تعلم ولادها
مع العلم انى كنت فى مجال الكومبيوتر والصيانة وسبته عشان الحال واقف مع كل الناس

مشروع جميل جدا بس بيحتاج اوراق كتير ورشاوي تتدفع كتير عشان تخلص الورق وكمان مسئوليه كبيرة تبقي مسئول عن اطفال وكمان دي عايزة حد تربوي ومتخصص عشان يفهم في المجال ده مش اي حد يقدر يفهمه الا لو كان دارس ومتخصص دي مسئولية كبيرة وكمان عايزة راس مال كبير جدا يعدي النص مليون الايام دي

[elpilot]

والله يا جماعه ان العين لتدمع علي الحال اللي وصلنالة
بس هنقول ايه الحمد لله

[Astro BoY]

طب اية سبب الركوض دة ؟ الناس بطلت تشترى او تصلح حاجتها ؟